Page 30 - Сэрии кэмин оҕолоро 2 кинигэ

МҮРҮ нэһилиэгэ

улааппыт Александров Григорий Петрович. Хаҥаластан төрүттээх отуччалаах эдэр
киһи Курбуһахха үлэлии кэлбит этэ. Мин онно интэринээккэ үлэлии тахсан баран,
билсэн ыал буолбуппут. Икки тулаайах эдэр дьон сүрэхпитин холбоон, биир чымы-
дааннаах олохпутун саҕалаабыппыт. Бэйэбит кыахпытынан оҥостон, үлэни өрө тутан,
түөрт оҕоҕо күн сирин көрдөрөн 50 сыл бииргэ олорон толору дьолломмуппут. Кэргэ-
ним олоҕун тухары тутууга үлэлээбитэ. Оччолорго СМУ «Холбос», биир улахан тэрил-
тэ чулуу үлэһитэ буолбута, биригээдэ прорабынан да анана сылдьыбыта. Уус Алданы
бүтүннүү маҕаһыын, бэкээринэ тутан хааччыйбыттара, күн бүгүҥҥэ диэри үлэлии
тураллар. Оччолорго 50 да кыраадыс тымныыга үлэлииллэрэ, наар сүгэтин сүгэ сыл-
дьар буолара. Ол тымныы содула буолуо, кэлин атаҕа, илиитэ ыалдьар буолбута. Урук-
ку үлэ дьоно олус тулуурдаах, сэмэй, мэнээк үҥсэргии, сулана сылдьыбат буоларбыт.
Үлэлээбит үлэтин түмүгүнэн «Потребкооперация туйгуна» знагынан, икки төгүллээн
Сталин мэтээлинэн наҕараадаламмыта. Кэргэним барахсан 2013 сыллаахха 83 сааһыгар
күн сириттэн күрэнээхтээбитэ. Уон сиэн күндү эбэтэбин, түөрт хос сиэҥҥэ хос эбээ
аатын сүгэбин. Оҕолорум, сиэннэрим мин үөрэммэтэхпин үөрэнэн бары үтүө дьон.
Өссө да үүнэ-сайда, чэчирии олоруохтара, сэрии сут-кураан олоҕун билбэтиннэр диэн
баҕа санаабын эгэбин.
Билигин биэс кыыстан үһүөн баарбыт: эдьиийим Матрена Семеновна 97 саастаах,
баттым Ракета Семеновна 81 сааһыгар үктэннэ.

Гоголева (Олесова) Марфа Иннокентьевна

Мин 1930 сыллаахха тохсунньу 31 күнүгэр төрөөбүтүм. Аҕам
Гоголев Иннокентий Васильевич Кыччаматтан төрүттээх. Аҕа-
та Олесов Василий диэн, үс бииргэ төрөөбүттэр: убайа Олесов
Петр Васильевич (Бөһүөк Бүөтүр, ат сүүрдээччи), эдьиийэ Оле-
сова—Иванова Анастасия Васҥтьевна, Майаҕаска Иванов Баһы-
лайга (Байҕат Баһылай) кэргэн тахсан, оҕолонон-урууланан
Ивановтары тэниппитэ.
Аҕам аҕата Олесова Ирина Дмитриевна аҕатын кытта бииргэ
төрөөбүттэр, ону Чирэпчиттэн төрүттээх Гоголев Петр Самсоно-
вич — олох кыра оҕону иитэ ьшан, биһиги Гоголевтар буолбуп-
пут, мин киниэхэ иитиллибитим. Мин ийэм Марфа Дмитриевна
диэн, Герой Е.И. Бурцева кэргэнэ Бурцев Иван Дмитриевиһи
кытта бииргэ төрөөбүт, миигин төрөтөөт өлөн хаалбьҥ.
Оччотооҕу кэмҥэ ыаллар бары атаастарынан олорор этибит. Биһиги Уйаны таһыгар
уулаах кыра дүөдэҕэ олорбуппут. Эһэм сүөһү иитэн, балыктаан-туулаан, туһахтаан,
сохсолоон олорбуппут.
Аҕам кэлин кэргэннэнэн, оҕолонон баран миигин ылбыта. Кини оскуолаҕа үөрэм-
мэтэх, байыаннай оскуолаҕа үөрэнэн Осоавиахимҥа үлэһит, активнай комсомол буо-
лан ыччаты иитиигэ кэлин оройуон холкуостарыгар (Баатаҕайынан, Байаҕантайынан)
холкуос бэрэссэдээтэлэ буолан оччотооҕу дьадаҥы дьону үлэҕэ тардан, бэйэтэ сытыы
булчут буолан, сатыы сылдьан бултаан сут-кураан дьылларга дьону аһатан, хойукка
диэри махталларын ылар этэ.
Онон оҕо сааһым Чирэпчигэ ааспыта. Чирэпчигэ «Ааҕар балаҕаҥҥа» үлэлии сыл-
дьыбытым.
Портнягин Николай Николаевичка Сырдаахха Сэбиэккэ сэкирэтээринэн үлэлии
сылдьан кэргэн тахсыбытым.
Мындааба бөһүөлэгэр 1958 сылтан олоробут, 6 оҕолоохпутунан, 17 сиэннээхпитинэн,
30-тан тахса хос сиэннээхпинэн киэн туттабын. Уолаттар аҕаларын батан механиза-
тордар, суоппардар, Мындаабаҕа олохсуйан олороллор. Улахан кыыс банк үлэһитэ,

26