Page 37 - Сэрии кэмин оҕолоро 2 кинигэ

МҮРҮ нэһилиэгэ

рии-сут бириэмэтигэр олох ыараханыттан эрдэ ыарыһах буолан
олохтон туораабыттара. Ийэм соҕотоҕун ииппитэ. Аҕам 1935 с.
мин үс ыйдаахпар ыатдьан өлбүт. 1939 с. ийэм оҕолорун ба-
тыһыннаран Таампараттан Томторго көһөн киирбит. Онтон ыла
мин бу Бороҕоҥҥо ыал буолан олоробун.
Томторго үлэлии сырыттахпына, Василий Васильевич Ру-
мянцев, комсомол сэкирэтээрэ буолан олорон, Томтор ыччатын
комсомолга ылан баран, миигин дойдубар комсомол путевка-
тынан 1 Бэрт Ууһугар ааҕар балаҕаҥҥа үлэҕэ ыытар. Ааҕар ба-
лаҕаҥҥа Москвитин Павел Семенович диэн убайым олорор этэ.
Кинини Сыырдаахха сэбиэт бэрэссэдээтэлинэн анаабыттара.
Дьэ, онтон ыла 1955 с. Чирэпчигэ дойдубар убайым кэргэнин
Балбаара Москвитинаны Таампараттан көһөрөн аҕалан Оломҥо олордубута. Онтон
уола Коля Москвитин кэргэн ылан Бороҕоҥҥо көһөн киирбитэ. Ол дьиэтигэр убай-
бар олорон Чирэпчи кулуубугар үлэлээбитим. Оччолорго Оломҥо, аллара Чирэпчигэ,
Элгээҥҥэ, Бастыҥҥа фермалар бааллара, маҕаһыын (лааппы диир этибит), сельпо,
почта, арыы собуота, оскуола, кулууп барыта баара. Мин от үлэтигэр фермаларга бо-
йобуой листок таһаарар этим. Ким төһө үүтү ыабытын, от оттоммутун, кыайан иһэрин
биллэрэн ааттаталыыр этим. Үөрэҕэ суохтары үөрэхтээһин буолбута, онно Данилова
Матрена Дмитриевна (Мачыай) үөрэппитэ.
Чирэпчи I Бэрт Ууһа «Киров» холкуос, II Бэрт Ууһа, Кыччыма «Олесова» холкуоһу
кытары холбоһон биир улахан холкуос буолбуппут. Аллараа маҕаһыыҥҥа Мария Окое-
мова, Уйбаан Винокуров, Бүөтүр Петров I, Маруся Бурнашева, о.д.а. үлэлээбиттэрэ.
Кулуупка Актыып Маайа остуорас этэ. Биригэдьиир Бурцев Валерий Дмитриевич, Да-
нилов Петр Николаевич бэрэссэдээтэл этилэр.
1956 с. өрөспүүбүлүкэҕэ ыччат I бэстибээлэ буолбута. Биһиги, чирэпчилэр, ыйыы
кэлэрин кытта мунньахтаан, сүбэлэһэн бэстибээлгэ бэлэммитин саҕалаабыппыт. Кэн-
сиэр, «Ньургун Боотур» олоҥхоттон быһа тардыыны туруорбуппут, Ньургун Боо-
туру — Петров Бүөтүр (Мөчөкө), абааһы уолун Черноградскай Илья толорбуттара.
«Көмүстээх үрүйэҕэ» Алексеев Ньукулай (Чуку) кыһыл командира буолбута, Охлоп-
ков Миша (Төкөө) оонньообуттара. Сыырдаахтары кытта холбоһон Чирэпчиттэн со-
роҕор сатыы, сороҕор атынан киэһэ үлэ кэнниттэн мустар этибит. Музыкаммыт бэйэтэ
нэһиилэ сылдьан гармошкатын сүгэн кэлэрэ. Оломҥо «Ваня кэллэ» диэн үөрэр да
этибит. Оройуоҥҥа киирэн маҥнайгы миэстэни ылбыппыт. Үөрүү-көтүү бөҕө буол-
буппут. Көстүүммүтүн Марфа Михайловна Данилова тикпитэ. Бэрэссэдээтэл Петр
Николаевич уонна дьоммут-сэргэбит өйөөннөр маннык үрдүк ситиһиилэммиппит. Бу
нүөмэрдэринэн нэһилиэктэринэн гастрольга Тумулунан, Дүпсээнэн, Дыгдаатынан.
Найахынан, Курбуһаҕынан барбыппыт.
Райкомҥа, райсовекка приемнай сэкирэтээринэн олорбутум, ол кэнниттэн 1968 с.
сиэстэрэ үөрэҕэр киирэн үлэлии-үлэлии үөрэммитим. Бороҕон батыыһатыгар 1990 с.
диэри үлэлээн биэнсийэҕэ тахсыбытым. Билигин 10 сиэннээхпин, хос сиэн эбэтэ буо-
лан олоробун.
Чирэпчи, Сыырдаах ыччата үлэлээбит кэммитин хаһан да умнуохпут суоҕа. Билигин
тарбахха баттанар дьоммут бааътар. Чирэпчиттэн геройдар, маҥнайгы уордьаннаахтар.
тыа хаһаайыстыбатын үтүөлээх үлэһиттэрэ тахсыбыттара. Онон мин үлэлээбит дой-
дубутугар, Чирэпчибитигэр, олорон ааспыт көлүөнэҕэ туох эрэ өйдөбүнньүк хаатар
мемориаз оҥоруоҕуҥ диэн этии киллэрэбин.
2011 с.

33