Page 27 - Сэрии кэмин оҕолоро 2 кинигэ

МҮРҮ нэһилиэгэ

оҥостоллоро. Ити оргутуллубут уҥуохтары оҕолор тиниктиирбит. Уутун-хаарын обо-
рон сиирбит. Син аһаабыт курдук буоларбыт ээ...
Түөрт сыл барбыт сэрии бүтэһик кыһыныгар убайбынаан, кини оччолорго Бо-
роҕоҥҥо оскуолаҕа үөрэнэрэ, ыалга, сороҕор алаас ыалыгар баран тааска сиэмэ тар-
дарбыт. Бу сүрдээх ыарахан уонна сылаалаах үлэ этэ. Иһиттээх сиэмэҥ бүтэн биэрбэ-
тэ олус кэтэһиилээх буолара. Бу үлэҕэ мин көмөм бука кыра буолуохтаах. Суорунаҕа
ьҥыһан ылан сиэмэ кутабын, тааскын күүскэ түргэнник эргитэҕин, дьэ онно убайбар
көмөлөһөн бачыктаһыы буолара.
Дьэ, биһиги, сэрии кэмин оҕолоро, чуолаан холкуостаахтар оҕолоро, үөһэ ахтан аас-
пытым курдук, бэрт кыра, ньуддьаҕай эрдэхпититтэн үлэҕэ эриллибиппиг. Ол кэлин
улаатан дьон буоларбытыгар туһалаабыта буолуо. Биир өттүнэн куһаҕаннык дьайбыта
баар суол. Ол курдук бииргэ үлэлээбит үөлээннээхтэрбит олус эрдэ олохтон барбытта-
ра хомолтолоох.
Биһиги — сэрии кэмин оҕолоро, тоороххой лэппиэскэ минньигэһин билбит дьом-
мут. Ырбыт-быстыбыт, ыалдьыбыт дьону көрбүт дьоммут. Сэрииттэн үүт-баас буо-
лан, аҥаар илиилээх-атахтаах кэлбит уоттаах сэрии кыттыылаахтарын көрбүт-истибит
дьоммут. Биһиги — чуолаан холкуостаахтар оҕолоро, бэрт кырыымчык аска-таҥаска
сылдьан улааппыппыт.
Төрөппүттэрбит итии-истиҥ кыһамньыларынан, сылаас тылларынан угуттаан сэ-
рии, сут-кураан сылларын этэҥҥэ тыыннаах туораппыттара.
Билигин үлэ, спорт бэтэрээнэбин, Саха сирин киинэтин бочуоттаах бэтэрээнэбин,
Мүрү нэһилиэгин Бочуоттаах олохтооҕобун, Ил Дархан Грамотатын хаһаайынабын.

28.09.2020 с.

Гоголев Яков Иванович

Яков Иванович Дүпсүн нэһилиэгэр 25.10.1937 с. күн сирин
көрбүтэ. Аҕата Гоголев Иван Васильевич, ийэтэ Сивцева Еле-
на Яковлевна. Аҕата үс ыйдааҕар күн сириттэн барбыта. Ийэтэ
икки саастааҕар Никифоров Дмитрий Ивановичка кэргэн тах-
сар. Аҕата Найахыга учууталлыыр.
«Сэриигэ ийэм бииргэ төрөөбүт быраата Захар Яковлевич
Сивцев Москва анныгар охтубута. Мин эһэлээх эбэбэр илии-
атах буолбутум. Сэттэ саастаахпар түннүк кырыатыыр, хотоҥҥо
тымтык тутар, өйүө таһар этим. Аҕыс саастаахпар кэбиһиигэ
оҕус сиэппитим. Ахсыс кылааһы бүтэриэхпэр диэри кэбиһиигэ
үлэлээбитим. Бааһынаҕа оҕус сиэтэ сьыдьан биригэдьиирбиттэн
Кыайыы кэлбитин истибитим, олус күүскэ үөрбүтүм», — диэн кэпсиир сэрии кэмин
оҕото.
1946 с. Найахыга сэттэ кылаастаах оскуолаҕа үөрэнэ киирэр. 1953 с. оскуолатын
бүтэрэр. 1954 с. Бороҕоҥҥо олохсуйа киирэллэр. 1956 с. Мүрү орто оскуолатын бүтэрэр.
1956 с. СГУ-га геология факультетыгар үөрэнэ киирэр, университеты бүтэрэн, түөрт
сыл устата экспедицияҕа сылдьар. геологтыыр.
1964 с. кэргэн ылан Бороҕоҥҥо үлэлии кэлэр. Кэргэнэ Гоголева Венера Гаврилов-
на — Бороҕоннооҕу 27 нүөмэрдээх аптека сэбиэдиссэйэ. Уус Алдаҥҥа Өспөх аҕыс
кылаастаах оскуолатыгар үс сыл учууталлыыр уонна Мүрүтээҕи киэһээҥҥи оскуолаҕа
12 сыл химия, биология учууталынан үлэлээбитэ. Сивцев Алексей Николаевич, Ни-
кифоров Андрей Григорьевич, Бурцев Николай Данилович курдук учууталлары кытта
бииргэ үлэлээбитинэн киэн туттар.
1980 с. райсовет уурааҕынан, коммунальнай хонтуораҕа «специалист по координи-

23