Page 327 - Сэрии кэмин оҕолоро 2 кинигэ

ХОРО нэһилиэгэ

тров Василий ГАЗ-51 грузчиктаан холкуоска буочуканан Жатайтан көрүүчэй таһарбыт,
ыһыы сиэмэни куораттан, Амматтан, уотурбаны Суоттуттан тиэйэрбит.
1959-1960 сылларга сельхозка МТС-ка тырахтарыыс 4 ыйдаах куурсугар үөрэмми-
тим. Үксүн Хатын Сыһыыттан сылдьарым атынан уонна Бороҕоҥҥо эдьиийим Маайа-
лаахха хонорум. Бу кууруһу бүтэрэн тырахтарыыстыы Сыырдаахха тахсабын. От-мас,
кыһынын балбаах, ыалларга муус тиэйиитэ, сайынын сиэмэ ыһыыта о.д.а. араас элбэх
үлэ элбэҕэ. Бу кэмнэргэ Хатыҥ Сыһыыга станциянан уот бэриллэрэ, сарсыарда 6 чаас-
тан киэһэ 10 чааска диэри. Ол сылдьан оройуон волейболлуур хамаандатыгар киирэм-
мин күрэхтэһиилэргэ кыттар этим.
Кэлин Хагын Сыһыы Сыырдаахтан арахсан, «Маяк» холкуос Майаҕаһы кытта хол-
боспута. Бу саҕана Намҥа суоппар биир сыллаах куурсугар үөрэммитим. Суоппарынан
Заболоцкай аатынан холкуоска, Герой Егоров аагынан сопхуоска, «Сардаҥа» сопхуос-
ка, онтон «Маяк» сопхуоска үлэлээбитим. Бастакы массыынам молоко ГАЗ-64, иккис
массыынам бортовой ГАЗ-52, ол кэннэ самосваз ММ3-555.
Кэлин 1976 сылтан биэнсийэҕэ тахсыахпар диэри водовозка суоппардаабытым.
Кыһынын ойбонтон Майаҕас биригээдэтигэр 2 фермаҕа, Майаҕаска, Чараҥҥа га-
ражтар, фермалар, детсадтар, оскуолалар, кулууптар, оҕуруокка, баанньыктар котель-
найдарыгар уу баһарым. Сайынын эбии аһылык оҥорорго уу баһыллара: Майаҕас
биригээдэтигэр 3 сайылыкка Бүөр Күөлгэ, Хатырык быһыкка, Уһун Күөлгэ, Чараҥ
биригээдэтигэр Илин баска, Илин үрэххэ, Кэҥкээкигэ уонна тэпилииссэҕэ. Сайынын
ыаллар Майаҕаска, Чараҥҥа иһэр уу куттарар буоллахтарына, олбуордарыгар кыһыл
былаах ыйыыллара, онон көрөн уу кутарым. Водовозка грузчиктарынан Захаров Иван,
Емельянов Афанасий, Ноговицын Петр, уолум Григорий, Дмитриев Азексей, Орлов
Альберт, Ноговицын Николай үлэлээбиттэрэ.
Кэргэмминээн эйэ дэмнээхтик олорбуппут быйыл 55 сылын туолар. Билигин 5 оҕо-
лоохпут, 7 сиэннээхпит, 7 хос сиэннээхпит.
Хоро нэһилиэгин Бочуоттаах олохтооҕобун, Саха сирин тыатын хаһаайыстыбатын
бэтэрээнэбин.
М а й а ҕ а с б ө һ ү ө л эгэ, 2 0 2 0 с.

Петрова (Охлопкова) Октябрина Ивановна

Мин 1941 сыл сэтинньи 18 күнүгэр сулууспалаах дьиэ кэргэ-
нигэр I Лөгөй (билиҥҥитэ Мүрү) нэһилиэгэр төрөөбүтүм.
Аҕам Охлопков Иван Иннокентьевич диэн этэ. Ийэм кэпсии-
ринэн, кини мин төрүөм иннинэ 1941 сыл атырдьах ыйыгар Чу-
рапчы военкоматынан сэриигэ барбыт үһү, ол иннинэ байыан-
най үөрэхтээх буолан, Уус Атдан оройуонугар Бороҕоннооҕу
военкомакка үлэлии сылдьыбыт. Онтон 1942 сыллаахха балаҕан
ыйыгар сураҕа суох сүттэ диэн «хара сурук» ийэбэр кэлбит. Мин
ирдэһэн өрөспүүбүлүкэтээҕи архыыпка сурук ыыппытым онно:
«Өлбүт, ол гынан баран ханна көмүллүбүтэ биллибэт» диэн эп-
пиэт кэлбитэ. Ийэм Готовцева Татьяна Ивановна диэн Тандат-
тан төрүттээх. Кини эдэр сааһыгар Бороҕоҥҥо киирэн үлэлээ-
бит, мин аҕабар кэргэн тахсан, аҕам сэриигэ барарыгар «ыарахан» хаалбыта. Онон аҕам
миигин көрбөккө сэриигэ барбыта. Онно сылдьан кыыс оҕоломмутун билбитэ.
Ийэм райкомҥа сэкирэтээр-машинистканан үлэлээбитэ. Бороҕоҥҥо уопсайдарга
(билигин көтүллүбүт дьиэлэргэ) олорбуппут. Оҕо сааһым онно ааспыта. Билигин «Пал-
ладиум» торговай центр турар сиригэр детсад баара, онно сылдьыбытым. 4-5 саастаах-
пар билигин Мүрү нэһилиэгин дьаһалтата турар сиригэр икки этээстээх райсовет
дьиэтэ баара. Ол дьиэ умайан аттынааҕы дьиэҕэ (уопсайга) олорор ыатлары, биһигини

323