Page 326 - Сэрии кэмин оҕолоро 2 кинигэ

ХОРО нэһилиэгэ

борбуйун көтөҕөн, оччотооҕу оҕо сиэринэн саасгыы.чаахтарын кыгта тэҥҥэ холкуоска
оттоон, мастаан улааппыта. Онтон оскуола кэнниттэн киинэ мэхээнньик идэтин ылан,
Степан Степанович улууска киносеть дирекцията үлэтин тохтотуор диэри үлэлээ-
битэ. 1963 сылтан Кэптэнигэ киинэ мэхээнньик көмөлөһөөччүтүнэн киинэҕэ үлэтин
саҕалаабыта. Үөрэҕэ 1970 с. Дьокуускай куоракка киинэ мэхээнньиктэри бэлэмниир
училищеҕа, 1971-72 сс. У1чун Күөлгэ киинэ мэхээнньигинэн үлэлээбитэ. 1972 с. саҥа
үлэҕэ киирбит Майаҕас кулуубугар киинэ мэхээнньигинэн 1995 сылга диэри үлэлээ-
битэ. Уус Алдан кинофикациятыгар 32 үлэ ыстаастаах.
Наҕараадалара: 1980 с. ССРС кинематографиятын туйгуна, 1984 с. өрөспүүбүлүкэҕэ
соц.куоталаһыыга 3-с степеннээх дипломнаах. 1994 с. киинэ бэтэрээнэ, 2014 с Хоро
нэһилиэгин «Кыһььч көмүс страницалара» кинигэтигэр киллэриллибитэ. 2016 с. киинэ
сылынан «Уус Алдан улууһун сайдыытыгар кылаатын иһин» бэлиэни ылбыта.

2020 с.

Петров Григорий Григорьевич

Мин 1937 сыл ахсынньы 12 күнүгэр холкуостаах дьиэ кэргэ-
нигэр төрөөбүтүм.
Аҕам Петров Григорий Федорович 1884 сыллаахха төрөөбүт.
Кини эдэр эрдэҕиттэн кадровай булчут, сайынын окко үлэлиир
этэ. Кэлин бултуурун быыһыгар ат баайыытынан сөбүлээн дьа-
рыктанан, оройуон биир бастыҥ ат баайааччыта буолбута. Ол
курдук кини баайбыт «Гриш» диэн атыыра өрөспүүбүлүкэҕэ
тиийэ бастаабыта. Ону тэҥэ элбэх сүүрүүк аты бэлэмнээн,
эдэрдэри уһуйбута, элбэххэ үөрэппитэ. Аҕыйах саҥалаах, холку
майгылаах, уҥуоҕунан сахаҕа үрдүк, бэйэтигэр сөп эттээх-сиин-
нээх, сырдык хааннаах, турбут-олорбут, бэйэтин кыанар киһи
этэ.
Ийэм Петрова Февронья Дмитриевна 1899 сыллаахха төрөөбүт. Кини элэккэй май-
гылаах, асчыт бастыҥа, түргэн туттуулаах этэ. 16 оҕоттон биир уол оҕо хаалбытым.
Миэхэ ханыылаан элбэх оҕолоох ийэм эдьиийдэриттэн ылан үс кыыс оҕону бэйэлэрин
анныларынан суруйтаран оҕо оҥостубуттара, ииппиттэрэ, ийэ-аҕа дэппиттэрэ. Улахан
кыыс Мааппа, иккис кыыс Матырыас, үһүс кыыс Анастасия.
Мин Лөгөй нэһилиэгэр баар Аллай диэн алааска төрөөбүтүм. Онно олорон 9 саас-
таахпар буолуо, Бороҕоҥҥо үөрэнэ киирбитим. Матырыас диэн эмээхсиҥҥэ олорбу-
тум, икки улахан кыыстаах этэ. Ол саҕана электричество суоҕа. Чүмэчинэн, кыраһыын
лаампа уотунан сычдьарбыт. «Хатыҥ Сыһыы» холкуоска дьоммунаан үлэлиир этибит.
Сайынын аҕам окко, ийэм отчуттарга килиэп, лэппиэскэ оҥоруутугар, итии аһычыкка
сычдьачлара. Сайынын оскуолаттан бүттүҥ да оҕолору кытта кирпииччэ үктүүр этим,
от саҕана кэбиһиигэ оҕус сиэтэрим, кэлин атынан от охсорго сылдьыбытым.
Сэрии саҕана биһиги Аллайга олорорбут. Сэрии буолан, дьон сэриигэ бардььчар,
бааһыран төннөн кэлбиттэр диэн биир эмит кэлэ сылдьыбыт киһи кэпсээниттэн ис-
тэрбит.
1945 сыллаахха Кыайыы ыһыаҕар ийэбинээн Аллайтан сылдьыбыппын өйдүүбүн.
Ветучасток утары ырааһыйаҕа буолбута. Артыыстар «Ньургун Боотур» испэктээкили
көрдөрбүттэрэ. Тыа саҕатыгар холкуостар балаакканан түспүттэр этэ быһыылаах. Элбэх
баҕайы балаакка баарын өйдүүбүн. Томтор атыттан ат сүүрдүбүттэрэ, көрөөччүлэр
сыыр үрдүттэн көрбүппүт.
Кэлин Хатыҥ Сыһыыга кэлэн, Стручков Николай Николаевичтаах саха дьиэлэригэр
олорон, Аллайтан дьиэбитин көһөрөн киллэрэн олохсуйбуппут. Кыһынын үс көлөнөн
от таһыытыгар үлэлээбитим: икки оҕус, бүтэһик ат. Онтон Сыырдаахха тахсан Пе-

322