Page 330 - Сэрии кэмин оҕолоро 2 кинигэ

ХОРО нэһилиэгэ

щицанан үяэлээбитим. Оччолорго библиотекарынан Кулаковская Мария Васильевна
үлэлиир этэ.
Онтон 1970 сыл сааһыгар оробуочай-уборщицанан маҕаһыыҥҥа үлэбин саҕалаабы-
тым. Манна эдьиийдии-балыстыы Евдокия Еремеевна уонна Елена Еремеевна Заха-
ровачар, сэбиэдиссэй Стручков Николай Семенович буолан үлэлээбиппит. Евдокия,
Елена миигин суот тардарга, табаары хайдах көрөргө-истэргэ үөрэппиттэрэ. Сайын
уоппускаҕа баралларыгар иккиэннэрин солбуйар этим. Онон продавец буолбутум. Бо-
роҕоҥҥо тахсан аттестация туттарар этибит. Бастаан младшай продавец, онтон старшай
продавец буолан биэнсийэҕэ тахсыахпар диэри үлэлээбитим. Маҕаһыыҥҥа үлэлээбит
устабар табаарбытын бэйэбит Суоттуттан ыскылааттан аҕаларбыт. Сорох бириэмэҕэ
куораттан таһаарарбыт. Таһаҕас таһа барар буоллубут да наар тэрилтэттэн, ол быыһыгар
сопхуостан массыына ылан барарбыт. Аны табаар аҕалан баран сэбиэдиссэйгэ туттарар
этибит, ол саҕана Елена Еремеевна маҕаһыын сэбиэдиссэйэ этэ. Биһиги маҕаһыыммыт
смешаннай буолан, бородуукта, табаар тэҥҥэ атыыланар этэ. Аска нуорма буолбуту-
гар кэмпиэтиттэн саҕалаан эккэ, арыыга диэри барытын грамынан дууһаҕа үллэрии
буолара, арыгыны толуонунан атыылыырбыт. Ити курдук үлэлээн 25 сылбын түмүк-
тээн биэнсийэҕэ тахсыбытым. Онтон оскуола буфетыгар 5 сыл үлэлээбитим. Ол саҕана
оскуола буфета общепит иһинэн үлэлээбитэ. Онтон бэйэтигэр ылбыта. Инньэ гынан
отчетпун Хоро нэһилиэгин дьаһалтатыгар туттарбытым. Бу манна үчүгэйдик үлэлээ-
биппин элбэх грамоталарым, знактарым туоһулууллар.
Бэйэм олорор түөлбэбэр төһө күүһүм кыайарынан үлэлэһэбин. Общественнай үлэт-
тэн туора турбат этим. Үлэлии сылдьан элбэх субуотунньуктарга, ыанньыксыттары
солбуйууга, холкуос хотонун сыбааһыныгар, тыаҕа тахсан Ленин төрөөбүт күнүгэр мас
саһааннааһыныгар маҕаһыын кэлэктиибэ туора турбакка бары күргүөмүнэн биригээдэ
үлэһиттэрин кытта тэҥҥэ үлэлиирбит. Самодеятельноска эмиэ кыттарбыт. Елена, Ва-
лентина ыллаан-туойан бардахтарына, киһи истиэх үчүгэй күүстээх куоластаах этилэр.
Биһиги кэлэктииппит кыра да буоллар наһаа эйэлээх этибит. Бастакы сэбиэдиссэйбит
Елена Еремеевна наһаа ирдэбиллээҕэ. Кини үлэлиир кэмигэр развозкаҕа (атыылыы)
атын нэһилиэктэргэ Өнөргө, Тулунаҕа, Нам Хомустааҕар барар этибит. Ол иһин сьш-
лааҕы былааммытын аһара толорон, маҕаһыыммыт кэлэктиибэ Комтруда вымпелынан
уонна элбэх грамоталарынан наҕараадаламмыта.
Билигин, төһө да сааһырдарбын, самодеятельноска кыттабын. «Арчы» бэтэрээн-
нэр үҥкүү-ырыа ансаамбылларын чилиэнэбин. Биһигини үҥкүүгэ кулууп худру-
га Петров Григорий Иванович үөрэтэр. Ансаамбьыбыт үҥкүүлээн «Веселые нотки»
диэн өрөспүүбүлүкэтээҕи күрэххэ киирэн 2 степеннээх дипломант, онтон улуустааҕы
күрэххэ лауреат буолбуппут.
Хоро нэһилиэгин Бочуоттаах олохтооҕобун. Кэргэмминээн эйэ дэмнээхтик олор-
буппут быйыл 55 сылын туолар. Билигин 5 оҕолоохпут, 7 сиэннээхпит, 7 хос сиэн-
нээхпит.
М а й а ҕ а с б ө һ ү ө л эгэ, 2 0 2 0 с.

Скороходкина Антонина Николаевна

1944 сыллаахха атырдьах ыйын 19 күнүгэр Бэрт Ууһун нэһилиэгэр Иччилээх диэн
атааска төрөөбүтэ. Төрөппүттэрэ — Елена Ивановна. Николай Андреевич Бурцевтар.
Өбүгэлэрин тустарынан кьтгастык бу курдук кэпсиэххэ сөп. Аҕата Николай Андрее-
вич бииргэ төрөөбүт төрдүөлэр этэ: Ньукулай — улахан уол, Көстөкүүн, Түмэпий,
Маайа. Ньукулайдаах ийэлэрэ — Аммосова Мария Ильинична Курбуһах нэһилиэгин
Нэлэгэр алааһын арҕаа баһыгар олорбут Ылдьаа Аммосов (Атаас Ылдьаата) кыыһа.
Ылдьаа бииргэ төрөөбүтэ — Аммосов Бүөтүр (Атаас Бүөтүрэ). Ылдьаа оҕолоро: 1. Маа-
рыйа (4 оҕолоох) 2. Миитэрэй (оҕото суох) 3. Мэхээлэ (уола Ньукулай, Ньукулайтан

326