Page 329 - Сэрии кэмин оҕолоро 2 кинигэ

ХОРО нэһилиэгэ

Ол курдук сэбирдэхгээх, сибэккилээх атаас сыга минньигэс баҕайы буолара. Онно
оччолорго Гоголев Михаил, Стрекаловскай Михаил, Черкашин Гаврил үлэлэспиттэрэ,
ити бириэмэҕэ киншлэр устудьуоннар этилэр. Билигин кинилэр «суохтар». Наһаа үчү-
гэйдик үлэлээбиппит. Ардах буо,ътаҕына, дьиэҕэр ыыппаттара, бүтэй тутуута буолара.
Онтон 16-17 сааспар Данилов Бүөккэлиин от мунньуутугар сылдьыбытым, ол саҕана
сорох алаастар отторо хойуу буолара, биирдии аттаах этибит. Онтон 5 кылааһы бүтэрэр
сылбар комсомолга киирбитим, оччолорго 15-тээх этим. Ол саҕана штапель таҥаһынан
былаачыйа, баартык тигиллибитин кэтэр этибит, биир эмэ оҕоҕо шерсть былаачыйа,
баартык баар буолара.
Онтон 6 кылаастан 10 кылааска диэри Сыырдаах орто оскуолатыгар үөрэммитим.
Бастаан Сыырдаах 7 кылаастаах этэ. Онтон үөрэммитим иккис сылыгар орто оскуола
буолбута. Онно Бэйдиҥэттэн, Курбуһахтан, Суоттуттан орто оскуолаҕа үөрэнэ оҕолор
кэлбиттэрэ. Улахан кылааска бары сиппит-хоппут оҕолор кэлэн үөрэммиттэрэ. Учуу-
таллар оҕолор бэрээдэктэрин наһаа көрөллөрө, уһун переменаҕа улахан оҕолор кыра
кылаас оҕолорун мунньан оонньотоллоро.
Мин оскуолаҕа үөрэнэ сылдьан учком бэрэссэдээтэлинэн үлэлээбитим. Чилиэн-
нэрим: Протодьяконова Клара, Орлов Вася, Атласова Аня, Копырина Аня этилэр.
Биһиги сыалбыт оҕолор үөрэхтэрин ситиһиилэрэ, бэрээдэктэрэ, оскуола обществен-
най үлэтигэр кытыннарыы. Онтон 9 кылааска тахсан баран, биһиги кылаас кыргыттара
пионер баһаатайа буолбуппут. Онно кыра кылаас оҕолоро бары кэриэтэ пионер этилэр.
Онно сыһыарбыттара. Старшай пионер баһаатайбыт Федорова Людмила диэн кыыс
Бороҕонтон кэлэн биһигини салайбыта. Оччолорго кылаастарга 18-20 оҕо үөрэнэр эти-
бит. Сыырдаах орто оскуолатыгар оччолорго 200 тахса оҕо үөрэммитэ. Итии аһылык
диэн суоҕа, дьиэҕиттэн бэйэҥ өйүөлэнэриҥ, интэринээттэн итии чэй киллэрэллэрэ,
кылааска биирдии чаанньыгы биэрэллэрэ. Интэринээт оҕолоро интэринээттэригэр
тахсан аһыыллара.
Биһиги 10 кылааһы 18 оҕо үөрэнэн бүтэрэн, бастакынан ыҥырыы таһааран холкуос-
ка икки сиринэн үлэлии тахсыбыппыт, сорохтор үөрэххэ барбыттара. Ол курдук 5
кыыс Курбуһахха барбыттара: «Победа» холкуоска Чирэпчи биригээдэтигэр Пестряко-
ва (Стрекаловская) Марианна, Бурцева (Васильева) Зинаида, Бурцева Аня, Львов Петр
уонна мин. Бастакы сылбытын Бурцева Зиналыын 30-туу борооскуну көрөн сыл таһаа-
ран бостуукка туттарбыппыт. Бурцева Аня, Пестрякова Марианна 20-лии борооскуну
көрбүтгэрэ. Тас үлэһитинэн Бурцев Василий үлэлээбитэ. Онтон нөҥүө сылыгар мин
ыанньыксыттыы барбытым. Ынаҕы сатаан ыабат этим, ону наставниктарым Бурцев
Тимофей, Бурцев Николай үөрэтэн, ынах ыырга үөрэммитим. Ол сыл от кырыымчык
буолан, нуорманан биэрэллэрэ, дулҕа кырбаан уотурбаҕа буккуйан көөнньөрбө оҥо-
рон ынахтарбытыгар сиэтэр этибит. Иллэҥ бириэмэбитигэр биригээдэ общественнай
үлэтигэр кыттарбыт. Ол курдук мин 5-6 сүөһү көрүүтүгэр үлэлиир улахан дьону (аҕа
табаарыстары) ааҕарга уонна суруйарга үөрэтэн сыл түмүгүнэн сатаан илии баттыыр.
ааҕар буолбуттара. Үөрэнэллэригэр наһаа үөрэллэр этэ. Ол курдук үлэлээн, саас Намҥа
комсомольскай конференцияҕа кыттыыны ылбытым, оччолорго Среднеленскэй оро-
йуона буола сыддьыбыппыт: Намы кытта Уус Алдан холбоспуттара.
1964 сыллаахха дьоллоох Дьокуускайга медучилищеҕа биир сыллаах сиэстэрэ куур-
сугар үөрэнэ киирбитим. 1965 сыллаахха бүтэрэн, Бороҕоннооҕу балыыһаҕа үлэлээ-
битим.
1964 сыл күһүнүгэр Петров Григорийга кэргэн тахсыбытым. 1965 сыллаахха бастакы
оҕобутун күн сирин көрдөрбүтүм. 1966 сыллаахха иккис оҕобун, 1968 сыл үһүс оҕобун
Хатыҥ Сыһыыга олорон оҕоломмутум. Ховрова Ульяна Егоровна туруорсуутунан 1966
сылтан 1968 сылга диэри трахпуун аһыллыбыта, онно сиэстэрэнэн үлэлээбитим. Ха-
тыҥ Сыһыыга олорор ыарыһахтарга Ульяна Егоровна анаабыт укуолларын биэрэр
этим. 1969 сыл күһүнүгэр Майаҕаска киирбиппит. Бастакы сылбар библиотекаҕа убор-

325