Page 323 - Сэрии кэмин оҕолоро 2 кинигэ

ХОРО нэһилиэгэ
Миитэрээстээх ол кэмҥэ түөрт оҕолоохторо: Кэчии, Бааска, Роза уонна Елена, ол
үрдүнэн истиҥник санаан биһигини көрөн күүс-көмө буолбуттарыгар чугас аймахтар-
бар улаханнык махтанабын.
Биһиги ыарахан кэмнэргэ иитиллибит, улааппыт буоламмыт, олоххо сыаллаах-со-
руктаах, күүскэ тардыһыылааах этибит. Аҕабыт уонна бииргэ төрөөбүттэрэ Дмитрий
Гаврильевич I, Еремей Гаврильевич бары Арҕаа фроҥҥа сэриҥлэспиттэрэ, кинилэр
сабыдыалларынан мин байыаннай үөрэҕи талбытым.
Уус Алдан Мүрү орто оскуолатын ситиһиилээхтик бүтэрбитим кэннэ, 1958 сыллаахха
армияҕа ыҥырыллыбыппар, Дьокуускайдааҕы гарнизоҥҥа ха&тларбыттара. Икки сыл
устата хайыһарга Саха сирин сүүмэрдэммит хамаандатыгар сылдьыбытым. Хайыһарга
ДСО «Динамо» обгцество чемпиона, призера буоларым. Спорт маастара Сергей Петров-
тааҕы кытары соҕуруу Свердловскай куоракка ДСО «Динамо» бүтүн Союзтааҕы күрэх-
тэһиитигэр ситиһиилээхтик кыттыбыппыт. 1957 сыллаахха САССР чемпионатыгар
4x10 км эстафетаҕа бастаабыппыт. Улахан ситиһиим диэн Саха сиригэр 50 километр-
га 1959 сыллаахха чемпионнаабытым. Миигин, оскуолаҕа үөрэнэр сылларбар, араас
көрүҥнэргэ күрэхтэһиннэрэр этилэр. Хайыһарга оройуоҥҥа, Саха АССР-га 5 км, 10
км уонна 3x5 км эстафетаҕа хас да төгүл чемпионнаабытым. Ол курдук 1955 сыллаахха
оскуола оҕолоругар өрөспүүбүлүкэҕэ чемпионнаабытым. Ордук табыллан БГТО мно-
гоборьетыгар кыттарым, ол курдук сүүрүүгэ, копье быраҕыытыгар уонна десятиборьеҕа
миэстэлэһэр этим. Ол кэмҥэ 1955 сыллаахха Саха сиригэр хайыһарга слалом күрэх-
тэһиитэ эмиэ баара, онно Кириллов Петр Ивановичтааҕы кытары эрчиллэн, Уус Атдан
оройуонугар чемпионнуур этим, Чочур Мыраан хайатыттан слаломнаан түһэр этибит,
ол күрэхтэһиини стандартка эппиэттээбэт, кутталлаах диэн тохтоппуттара.
Ити курдук сулууспалыы сырыттахпына, 1959 сыллаахха Нальчик куоракка байыан-
най училигцеҕа ыыппыттара. Онно үөрэнэ сылдьан, альпинизм спордутар кыттан раз-
ряд толорбутум. Эльбрус хайатыгар восхождение оҥорон баран турар хаартыскабыт
баар, ол аата саха уолаттара эрчиллэн таҕыстахтарына бары нормативы толорор кыах-
таахтара дакаастанар.
Училищены ситиһиилээхтик бүтэрэн, Ростов уобалаһыгар үлэлии хаалбытым. Ря-
довой саллааттан старшай эпиһиэр буолан, подполковник званиетын иҥэриэхтэригэр
диэри СА ВС СССР уонна ВВ МВД СССР Владикавказка, Москваҕа, Челябинскайга,
Доннааҕы Ростовка уонна Сталинградка олорон үлэлээбитим, ол курдук Ийэ дойдубар
сулууспалаан саппааска барбытым.
Үлэм ситиһиилэрэ элбэх бочуотунай знактарынан уонна мэтээллэринэн бэлиэтэм-
миттэрэ. Олортон мэтээллэрим: «В.И. Ленин төрөөбүтэ 100 слынан килбиэннээх үлэ-
тин иһин», «Отличник СССР ВВ МВД», «За спасение человека» уонна үбүлүөйдэр
мэтээллэрэ.
Волгоград куоракка олоробун, икки оҕолоохпун, икки сиэннээхпин, үс хос сиэн-
нээхпин.
Сэриитэ суох эйэлээх кэмҥэ олорорбуттан үөрэбин, дьоллоохпун дэнэбин.
В о л го гр а д к уо р а т , 2 0 1 9 с.

Крылова Анна Семеновна

Хоро нэһилиэгин Майаҕас сэлиэнньэтигэр 1945 сыллаахха кулун тутар биир үтүө
күнүгэр Сэмэн уонна Варвара Крыловтарга төрөөбүтүм. Аҕам Семен Гаврильевич
Прибалтийскай фронт 72-с стрелковай полкатыгар сэриилэһэн кэлбитэ. Латвияны,
Польшаны босхолуур хабыр кыргыһыыларга кыттыбыта. Кенигсберг куорат анныгар
ыараханнык бааһыран, госпиталлары кэрийэн уһуннук эмтэммитэ. Иккис группазаах
инбэлиит буолан дойдутугар эргиллибитэ. Аҕа дойду сэриитин бастакы степеннээх,

319