Page 333 - Сэрии кэмин оҕолоро 2 кинигэ

ХОРО нэһилиэгэ
сун устудьуоҥката, кэргэнэ Филипп — сварщик, Элячка диэн кырачаан кыыстаахтар,
Милана — 3 кылаас үөрэнээччитэ. . .
Бу курдук Антонина Николаевна Дмитрий Нльичтиин элбэх оҕону күн сирин
көрдөрөн, сиэн, хос сиэн ыччаттара кинилэр ааттарын ааттаталлар, үүнэллэр-сайдал-
лар.
А хт ы ы ны сур уй д а кы ы һ а
Ульяна Дмитриевна Скороходкина, 2 0 2 0 с.

Стручков Николай Семенович

Мин 1939 сыллаахха муус устар 5 күнүгэр Хоро нэһилиэгэр
«Хатыҥ Сыпыы» холкуоска Тимир Баппыт диэн алааска күн
сирин көрбүтүм. Бииргэ төрөөбүттэр төрдүөбүт. Олоргон улахан
2 кыыс оҕо эрдэхтэринэ өлбүттэр. Оттон кыра уол сэрии кэми-
гэр ыалдьан өлбүтэ. Төрөппүттэрим Хоро нэһилиэгин Хатыҥ
Сыһыы төрүт олохтоохторо этилэр. Аҕам — Стручков Семен
Михайлович (1895-1961 сс.), ийэм — Стручкова Агафья Иванов-
на (1899-1969 сс.) (төрөөбүт араспаанньата Крылова Агафья Ива-
новна). Кинилэр иккиэн 1930 с. «Хатыҥ Сыһыы» холкуоска чи-
лиэнинэн киирбиттэр. Аҕам 1930 с. холкуоска биригэдьииринэн
үлэлээбитэ. 1940 с. ССКП чилиэнигэр киирбит. 1936 с. иккис
пятилеткаҕа производствоҕа ситиһиилэрин иһин И.В. Сталин
хаартыскалаах СССР «Ударник» Грамотатынан наҕыраадаламмыт. 1941 с. Байаҕантай
нэһилиэгэр «Табалаах» диэн холкуоска бэрэссэдээтэлинэн 1941-1943 сс. диэри үлэлээ-
битэ. 1943-1946 сс. II Суотту нэһилиэгин Сэбиэтин бэрэссэдээтэлинэн, 1946-1950 сс.
«Хатыҥ Сыһыы» холкуос бэрэссэдээтэлинэн, 1951-1952 сс. «Победа» холкуос бэрэссэ-
дээтэлинэн үлэлээбитэ. 1952 с. бүтүүтэ «Победа» холкуос бэрэссэдээтэлиттэн доруо-
буйатын туруга мөлтөөн үлэтиттэн тохтообута. Салгыы «Мясомолпромҥа» Бэрт Ууһун
нэһилиэгэр приемщигынан үлэлээбитэ. Бу үлэлээбит кэмигэр 1950 с. Уус Алдан орой-
уонун үлэһиттэрин депутаттарын советыгар депутатынан талыллан үтүө суобастаахтык
үлэлээбитэ. Саха АССР Верховнай Советын Президиума олунньу 26 күнүгэр 1949 с.
Ыйааҕынан тыа хаһаайыстыбатыгар 1948 с. ситиспит кыайыыларын иһин Саха АССР
Верховнай Советын Почетнай грамотатынан наҕараадатаммыта. Сэрии, сут-кураан
сььтларыгар 1941-1946 сс. совет бэрэссэдээтэллэринэн үлэлээн, холкуоска, нэһитиэккэ
дьон олоҕор үгүс үтүөнү оҥорбутун туһунан олохтоохтор олус истиҥник ахтатларын
истэр этим. Ол сььътарга хоргуйан өлүү тахсыбатаҕын ахталлара. «Дэлэҕэ даҕаны, II Су-
оттуттан, Табалаахтан кырдьаҕастар анаан кэлэн, Хатыҥ Сыһыыга олордоҕуна, аҕабар
олус махтанан бараллара.
Ону мин төһө да сааһым аҕыйаҕын иһин, кырдьаҕас дьон ис сүрэхтэриттэн этэр
махтал тыллара өйбөр умнуллубаттык иҥэн хаалбыт. Билигин бэйэм кырдьан олорон
санаатахпына, дьон ис дууһаларыттан тахсар махтал тыллара тустаах киһиэхэ туохха
да бэриллибэт үрдүк наҕараада эбит. Аҕабыт 1943 с. II Суоттуга үлэҕэ ананан көһөн
барарбытыгар «Табалаах» холкуос кырдьаҕастара оҕонньоттор, эмээхситтэр олус да ку-
рутуйа, сайыһа, харахтарын уутун ытыстарын көхсүнэн сотто-сотто, олус да үтүө тыл-
ларынан алҕаан атаарбыттара», — диэн ийэм ытамньыйа олорон кэпсээбитэ билиҥҥэ
диэри умнуллубат өйдөбүл буолан сыддьар.
Сэрии кэннинээҕи сылларга күһүн, саас ынах, сылгы сүөһүнү уу хаайыытыттан
уонна бостуукка барыахтарын иннинэ, алаастарга туруоран аһатар этилэр. Ол сүөһүлэр
саахтарын эрдэ бүтэр начаалынай кылаас оҕолорун мунньан, ходуһаны сүөһү сааҕыттан,
араас бөхтөн ыраастатар этилэр. Ходуһаҕа хаппыт кур сүөһү тириитин соһо сылдьан,
онно тиэйэн таһаарар этибит. Онтон салгыы ыһыыга бэлэмнээн, кыра солооһуннары

329