Page 336 - Сэрии кэмин оҕолоро 2 кинигэ

ХОРО нэһилиэгэ

парадыгар бэдэмнэнэн барбыттар. Бэсиһи бүтэрэн баран, дьоно салгыы үөрэттэрэр
кыахтара суох буолан, үөрэхтэн тохтуур. «Нүөкүнү» холкуоска сайынын от үлэтигэр,
кыһынын саһаан мас бэлэмигэр, кэлин сүөһү үлэтигэр үлэлиир.
Ийэбит «Куотука» холкуос киһитигэр Крылов Гаврил Гаврильевичка 1948 сыллаахха
кэргэн гахсан, аҕыс оҕоломмута. Холкуоска сүөһү үлэтигэр үлэлиир. 1950 сылга кыра
холкуостары холбоон, бедөҥсүтэн «Маленков» холкуос буолбуттара. Биһиги дьомму-
тугар уруккута баанньык буолан турбут дьиэни биэрэннэр, Майаҕаска көһөн киир-
биттэрэ. Манна эмиэ сүөһү үлэтигэр сылдьар. Үүт астааччынан хас да сыл үлэлиир.
Үүппүн астаан баран, сүөгэйин оҕуһунан Чараҥҥа үүт собуотугар илдьэн туттарарым
диэн кэпсиирэ.
1960 сыллар диэки холкуос кус иитэ сылдьыбыта. Онно Курилкина Марфа Васи-
льевналыын, Трулин Николай Петровичтыын, Шапова Кларалыын бииргэ үлэлээ-
биттэрэ. Кыһынын хотоҥҥо көрөллөрө, сайынын Анаҕаһыннаах диэн сиргэ Майаҕас
арҕаа өттүгэр аҕалан сайылаталлара, онно оҕолору иккилии буолан түүн харабьылатан
хоннорор этилэр. Күһүн өлөрөн баран Бороҕоҥҥо таһааран мясокомбинакка туттарар
эбиттэр.
1961 сылтан биэнсийэҕэ тахсыар диэри уон аҕыс сыл ыанньыксыттаабыта. Бастаан
икки ыанньыксыт турар кыра хотонугар Находкина Вера Николаевны кытта үлэлээ-
биттэрэ. Онтон сытыары тутуулаах типовой хотон баарыгар бэһиэ буолан сылдьыбыт-
тара. Кэнники «Романтика» уонна «Эрчим» фермаларга үлэлээбитэ. Сайынын Куоту-
ка, Бүөр Күөл, Уһун Күөл сайылыктарыгар үлэлии сылдьыбыта. 1973 сыллаахха Уһун
Күөл сайылыгар ферма старшайынан ыанньыксыттаабыта. Сайыҥҥы түөрт ыйга фер-
ма үрдүнэн биир ынахтан 1314 лиитэрэ үүтү ыаннар, оройуоҥҥа иккис миэстэ буолан,
оройуоннааҕы тыа хаһаайыстыбатын управлениетын Бочуотунай грамотатынан наҕа-
раадаламмыттара.
«Маяк» холкуоска үлэлээбит сылларыгар үрдүк көрдөрүүлэрин иһин Хоро нэһи-
лиэгин, «Маяк» холкуос, райком, райсовет Бочуотунай грамоталарынан, «В.И. Ленин
төрөөбүтэ 100 сылынан килбиэннээх үлэтин иһин» үбүлүөйүнэй мэтээлинэн наҕараа-
даламмыта.
1974 сылга «Маяк» холкуоһу уонна Герой Егоров холкуоһу холбоон, Герой Егоров
аатынан сопхуос оҥорбуттара. Ийэбит сопхуоска үлэлээбит сылларыгар бу ыарахан
үлэтигэр үрдүк көрдөрүүлэрин иһин сопхуостан, Тыа хаһаайыстыбатын управление-
тыттан, райкомтан, райсоветтан Бочуотунай грамоталарынан, 1974, 1976, 1977 сьтлар-
га «Социалистическай куоталаһыы кыайыылааҕа» знактарынан наҕараадаламмыта.
1976 сыллаахха Герой Егоров сопхуоска «Коммунистическай үлэ ударнига» ааты
ылбыта.
1977 сьшлаахха онус номердаах Майаҕастааҕы быыбардыыр уокуруктан Хоро нэһи-
лиэгин үлэһиттэрин, депутаттарын сэбиэтигэр депутатынан быыбардаммыта.
1979 сылга биэнсийэҕэ тахсан баран, аҕыйах сыл үлэлээт, бочуоттаах сынньалаҥна
олорбута. Бастакы кылаастаах маастар-ыанньыксыт уонна наставник этэ. Иккитэ миэ-
бэл фондатынан наҕараадаламмыта.
1986 сыллаахха «Үлэ бэтэрээнэ», 1992 сыллаахха «1942-1945 сс. Аҕа дойду Улуу сэ-
риитин кэмигэр килбиэннээх үлэтин иһин», 1995 сыллаахха «Улуу Кыайыы 50 сыла»,
1995 сылга «Тыыл бэтэрээнэ» мэтээлтэринэн наҕараадаламмыта.
Кини аҕыс оҕо ийэтэ буолан «Ийэ буолуу» бастакы, иккис степеннээх мэтээллэрдээх,
«Ийэҕэ албан аат» үһүс степеннээх уордьаннаах.
Аҕабытын Крылов Гаврил Гаврильевиһы доруобуйатын туругунан сэриигэ ылбатах-
тара. Икки төгүл үлэ фронугар ыҥырыллан сылдьыбыта. Качикат суолун тутуутугар
уонна Читаҕа тааҥка оҥорор уонна кирпииччэ собуоттарыгар үлэлээбитэ.
Биһиги төрөппүтгэрбит — ийэбит Ховрова Екатерина Ивановна, аҕабыт Крылов
Гаврил Гаврильевич олорбут олохторо, үлэлээбит үлэлэрэ биһиэхэ, оҕолоругар, сиэн-
нэригэр, өрүүтүн холобур буола туруоҕа. Кинилэр олохторун оҕолоро, сиэннэрэ, хос

332