Page 46 - Сэрии кэмин оҕолоро 2 кинигэ

МҮРҮ нэһилиэгэ

күөлүн арҕаа атаҕар Малбаарыкынан, Ньээмньэнэн, Эрдээттэ-
ринэн, Араҥаһынан, Өтөхтөөҕүнэн олорчу Мигалкиннар олор-
буттар.
Сэрии инниттэн холкуоспут Заболоцкай аатын сүгэрэ. Хол-
куос киинэ Аччыгый Күөл этэ. Онно маҕаһыын, хонтуора, ула-
хан ферма бааллара. Сэрии кэмнэригэр Аччыгый Күөлгэ көһөн
олоро сылдьыбыппыт, Баргыга эмиэ сайылаабыппыт.
1944 сыллаахха сайын Аччыгый Күөлгэ аччыктааһын кэмнэ-
ригэр кыра уонна орто саастаах оҕолорго холкуос дьааһы-
ла-интэринээт аһан үлэлэппитэ. Онно ийэм повардаабыта.
Күҥҥэ биирдэ кэлэн, 20-чэ оҕо хааһы сиирбит, оонньуурбут,
сыыс от хомуйарбыт, ньирэй хомуйсарбыт. Бэрт элбэх киһи
аччыктаан өлбүтэ, кимнээхтэрин өйдөөбөппүн.
Аҕам Василий Алексеевич Мигалкин үлэ фронугар Сангаарга биэс сылы быһа шах-
та өрөмүөнүгэр уонна шахтердарга анатлаах уопсай дьиэлэри тутууга болуотунньугу-
нан, маастарынан сылдьыбыт, 1947 с. «Аҕа дойдуну көмүскүүр сэриигэ килбиэннээх
үлэтин иһин» Сталин төбөлөөх мэтээллээх, үөрбүт-көппүт сирэйдээх дойдутун булбу-
та. Хамнаһын мунньунан доҕотторугар, аймах дьонугар дьахтар-эр киһи киэнэ диэн
маҥан, таас хамсалары аҕалан үөрдүбүтэ билигин да өйбөр бу баар курдук көстөр.
Алаас ыкса ыаллара, хотон үлэһиттэрэ киэһэ кэлэн аҕабытын көрүстүлэр, тэриэлкэни
толору бөдөҥ сибиэһэй собо сиэтилэр, улахан дьон аҕам аҕалбыт американскай чэйин
бардаран истилэр, оҕолорго хаамыска саҕа саахар, мыыла курдук дьүһүннээх биирдии
кэмпиэт түҥэттилэр. Үөрүү-көтүү, дойду сонуна кэпсэннэ, саха оһоҕун тигинэччи от-
туллубут тыаһынан, ыһыырынньык хаста да уларыйда, ыйыталаһыы, кэпсээн-ипсээн
бөҕө буолла. Ол быыһыгар алаастарыгар төннүбэтэх оҕолоохтор, аймах уолаттардаах
дьон ьггаан-соҥоон ыллылар, Эрэйи-муҥу сүкпүт, суту-курааны көрсүбүт, ыарахан
олоҕу ааспыттар өр саҥата суох олорбуттара. Ким тулуйбатах таһырдьа тахсан, уоскуйан
киирэллэрэ... Кэлбит дьон аҕам мэтээлин тутан-хабан, кэритэн бары көрдүлэр-иһит-
тилэр, сөхтүлэр-махтайдылар.
Сэрии кэннинээҕи сылларга Оҕуруокка эрэ орто оскуола баара. Нэһилиэктэртэн
олус элбэх тулаайах хаалбыт, ону тэҥэ кыаммат дьон оҕолоро кэлэллэрэ. Хараҥаҕа
тыкпыт сырдык курдук бу оҕолор эрэллэрэ интэринээт этэ. Оччотооҕу салалта дьоно,
ол кытаанах дьылларга, маннык улахан интэринээккэ икки куорпуһу туттаран, нэһи-
лиэк кыаммат оҕолорун үөрэх-сырдык суолугар үктэннэрбиттэригэр биһиги көлүөнэ
ыччат үйэ-саас тухары махтана саныыбыт.

Москвитина (Андросова) Матрена Семеновна
Мин 1945 сыллаахха кулун тутар 13 күнүгэр Уус Алдан оро-
йуонун Өлтөх нэһилиэгэр Андросовтар дьиэ кэргэннэригэр күн
сирин көрбүтүм.
Бэйдиҥэ оскуолатыгар үөрэнэн, онтон Дьокуускайдааҕы коо-
перативнай техникумҥа бухгалтер идэтин 1967 с. ылбытым.
Маҥнай Мүрү, Бороҕон сельпотугар, Сыырдаахха, кэлин
райсоюзка бухгалтерынан үлэлээбитим.
Москвитин Николай Васильевиһы көрсөн ыал буолан оҕо-
лонон, сиэннэнэн Бороҕоҥҥо олохсуйбуппут быйыл 50 сыла
буолла.
Уларыйыы кэмигэр 1942 с. от ыйыгар 27 күнүттэн дьиэ кэр-
гэмминэн маҥнай «Эрэл» бааһынай хаһаайыстыба. 2000 с. ула-

42