Page 43 - Сэрии кэмин оҕолоро 2 кинигэ
P. 43
МҮРҮ нэһилиэгэ
кыыс олоҕо сотуллан суола суох сүппүтэ... Ол туһунан саҥарар, кэпсэтэр да бобуулаах
этэ».
Юрий Егорович көлүөнэтэ ураты ис тыыннаах көлүөнэ буолар. Кинилэр сэрии кэ-
мигэр, уот курааҥҥа, тоһуттар тымныыга буһа-хата үлэни өрө туппут дьон. Аҕабыт 17
сааһыттан Уус Алданнааҕы промкомбинакка столярынан үлэтин саҕалаабыта, 42 сыл
үлэ ыстаастаах. Күн бүгүнүгэр диэри оттуу-мастыы, бултуу-алтыы олох үөһүгэр сыл-
дьар. Кини ийэбитинээн Мария Алексеевналыын оҕолорун, сиэннэрин, хос сиэннэрин
бу олоххо дьоһуннаах суолларын таба тайаналларыгар бөҕө-таҕа тирэҕи уураллар.
Н.Ю. Гуляева
Курилкина Марфа Васильевна
Аҕа дойду Улуу сэриитин кэмин хас биирдии дьиэттэн, ыал-
тан өлбүттээхтэр хаһан да умнубаттар, ордук ыарахан өйдөбүл-
лээхтэр.
Мин аҕам Василий Николаевич Курилкин, 32 саастааҕар
Хоро нэһилиэгин «Куотука» холкуоһугар бухгалтерынан үлэлии
олорон, 1941 сыллаахха сэриигэ ыҥырыллыбыт. Оччотооҕуга
икки саастаах оҕо ол түгэни хантан өйдүөхиүнүй. Улаатан ба-
ран, ийэм Марфа Дмитриевна аатыгар аадырыстаммыт, үс мун-
нуктуу тутуллубут, буорах сыттаах суруктары хат-хат ааҕаммын,
ол сылларга төннөбүн.
Аҕам суруктарын саҕаланыытыгар чугас дьонугар, холкуос-
таахтарыгар туһаайан, олохторун-дьаһахтарын мэлдьи сиһилии туоһулаһар эбит. Хайдах
курдук эйэлээхтик үлэлээн-хамсаан, үчүгэйдик олорбуттарын хайаан да ахтан-санаан
ылар. Сэрии төһө уһуура биллибэтин, онон бииргэ тутуһан, өйөһөн-өйдөһөн олорорго,
балыктаан, суорат-тар хаһаанарга, барыны бары кэмчилииргэ үксүн сүбэлиир. Ол да
курдук, ийэбэр араас боппуруоска элбэх сүбэни биэрэр эбит.
Мин туспунан аҕыннаҕына, кини хас биирдии тылыгар аҕа иһирэх тапталын тыына
биллэр. Дойдутугар төннүбэтин сэрэйэриттэн буолуо, ийэбин дьонун кытта эҥээрдэһэн,
оҕо сааспын үөрэ-көтө атаарарбар кыһаллан улаатыннарарыгар суруйара. Ол 41 сыл-
лааҕы сэрии толоонун ортотугар аҕам барахсан кыракый кыысчаанын санаан, сырдык,
үтүө ыратанан, төһөлөөх долгуйан туран, бу анабыл хоһоон строкаларын миэхэ айбыта
буолуой:
«Чыычаах курдук кыламнаан
Чаҕылыччы көрөҥҥүн,
Күөрэгэйдии көнньүөрэн,
Күлэ-оонньуу сылдьарыҥ
Күндү, кэрэ буолара!..»
«Көҥүл олох күөнүгэр көрүлээриий, оҕокком» диэн тылыгар төрөппүт истиҥ иэйии-
тэ, алгыһа иһиллэргэ, тиэрдиллэргэ дылы.
Саамай долгутуулааҕа — кини биирдэ түһээтэҕинэ, мин остуол үрдүнэн хааман
иһэммин, сыыһа атыллааммын, сиргэ мүлчү түһэн истэхпинэ, тутан ылбытын, уһук-
тан баран олус да үөрбүтүн туһунан үллэстибитэ баар. Ол аата ыраах даҕаны сырыттар
уонна кэнэҕэһин даҕаны аҕа киһи курдаттыы оҕотугар тардыһан, өйдүүн-санаалыын
мэлдьи миигин араҥаччылыы сылдьыытын бэлиэтэ буолар.
Аҕабыттан миэхэ хаалбыт бастыҥ өйдөбүл — саһарбыт суруктар элбэҕи да кэпсиил-
лэр. Сьш-хонук аастаҕын ахсын суолталара өссө дириҥээн, күндүтүйэн иһэллэр. Кыр-
гыһыы бастакы уотугар ыҥырыллан, сороҕор аччык да сэриилэһэ сылдьан, дойдутун,
39
