Page 51 - Сэрии кэмин оҕолоро 2 кинигэ

МҮРҮ нэһилиэгэ

Техникуму 1957 сыллаахха бүтэрэн, Быков Мыска сберкассаҕа контролер-кассир диэн
дуоһунаска үлэбин саҕалаабытым. 1958 с. муус устар ыйга Анаабыр оройуонугар сбер-
кассаҕа сэбиэдиссэйинэн ананан барбытым. Анаабырга уопсайа 10 сыл үлэлээн ба-
ран, 1967 с. дойдубар кэлбитим. Манна коммунальнай хаһаайыстыбаҕа, райфинотделга
уопсайа 22 сыл үлэлээбитим. Уопсай үлэм ыстааһа 40 сыл буолан, 1989 с. биэнсийэҕэ
тахсан олоробун. Үлэлээбит кэмнэрбэр профкомҥа, норуодунай сэтээтэлинэн быы-
барданан 20-чэ сыл үлэлээбитим. Икки гөгүл нэһилиэнньэ перепиһигэр үлэлээбитим.
Кыра эрдэхпиттэн үлэҕэ эриллэн үлэлээбитим тухары улахан сэмэни ьыбакка, дьон
тэҥэ үлэлээн биэнсийэҕэ тахсыбытым. Биһиги кыра оҕо сааспыт тиийиммэт-түгэммэт
олоххо, холкуос ыар үлэтигэр ааспыта. Кыра эрдэхтэн кыһалҕаны көрөн, олоҕу үчүгэй-
дик олоруохха, үөрэхтээх үлэһит буолуохха диэн өйүнэн-санаанан салайтаран, үөрэнэн
үлэһит буолан баччаҕа кэлэн олордоҕум. Биһиги, сэрии сылын оҕолоро, сэриигэ бар-
быт убайдарбытын, аҕаларбытын солбуйан аччык сылдьан, Кыайыы туһа диэн биир
тылы улахан дьоҥҥо утары эппэккэ, төһө күүспүт кыайарынан үлэлээн, Кыайыы буо-
ларыгар кыра да буоллар күүс-көмө буолбуппутунан киэн тутта саныыбын.
Үлэлээбитим тухары грамоталартан ураты ылбыт наҕараадаларым: «За доблестный и
самоотверженный труд в период ВОВ», Указом Президиума Верховного Совета СССР
от 6 июня 1945 г.; юбилейная медаль «За доблестный труд в ознаменовании 100-летия
со дня рождения Владимира Ильича Ленина»; знак «Победитель социатистического
соревнования» 1974 года; медаль «Ветеран труда» от 24 апреля 1984 г.; юбҥтейная
медаль «Маршал Советского Союза Жуков»; нагрудной знак «Ветеран тьыа» в честь
50-летия Великой Победы в 1995 г.; юбҥтейные медали в честь 50, 60, 65, 70 лет Ве-
ликой Победы; медаль «Дети войны» от КПРФ; медаль в честь 100-летия ВЛКСМ
в 2018 г.; знак «Почетный гражданин Мюрюнского наслега».
Кэнчээри ыччакка кэриэс тылым кэриэтэ эттэхпинэ, кытаатан үчүгэйдик үөрэниҥ,
доруобай буолуҥ!

Окоемова Мария Дмитриевна

Мин 1941 сыллаахха олунньу 23 күнүгэр 2-с Курбуһах нэһи-
лиэгэр Дмитрий Егорович, Александра Николаевна Окоемовтар
дьиэ кэргэннэригэр 12-с оҕонон төрөөбүтүм. Төрөппүттэрим
иккиэн «Хамыдал» диэн холкуоһу тэрийиигэ 9 сүөһүнү бэйэ-
лэриттэн холбоон ол холкуостарыгар өр сылларга сыралаһан
үтүө суобастаахтык үлэлээбиттэрин иһин 1936 сыллаахха «ста-
хановец» диэн ааты ылбыттар. Аҕабыт, күүстээх хотон үлэтэ да
дьайан, эрдэ бараахтаабыт. Онон ийэбит барахсан өлөр өлүүттэн
ордубут 4 оҕотун соҕотоҕун харытын күүһүнэн сүүс сүөһү ту-
рар хотонун тас үлэтигэр үлэлээн, 3 оҕотун үөрэттэрэн үлэһит
оҥортообут, улахан эдьиийбит инбэлиит буолан дьиэ киһи-
тэ этэ.
Сэрии уот-кураан сылларыгар мин кыра саастаах эбиппин, онон ийэм кэпсээниттэн
истэбин. Биирдэ саҥа хааман эрэр оҕо, ийэм Чараҥҥа убайыгар барбытыгар, мин 4
сааспар диэри ийэбиттэн аһаабыт оҕобун, ол күннэргэ аччыктаан өлө сыспыппар, хата
баччаҕа кэлэр быатыгар эдьиийдэрим ыалтан ыстакаан үүт булан иһэрдэн, оҕолоро
хамсаан үөрдүбүт. Ол кэмнэргэ дьукаах эмээхсин: «Чэ хайыахпытый, өллөҕүнэ сытыа-
ран кэбиһиэхпит буоллаҕа», — диэбититтэн куттаммыттар үһү.
Сэрии саҕаланыытыгар ийэбит хаһаайыстыба баһылыгынан Усуйаанаҕа учууталлыы
сылдьар убайбытын суруйтаран, хас да көстөөх сиртэн ый аайы аҕыйах киилэ бурдук
аҕалар эбит. Ону үс бииргэ төрөөбүт дьон — абаҕаларбыг, биһиги аҕабыгын кытта
бииргэ төрөөбүт дьон, дьукаах олорор буолан, ол киэһэ үөрэ-көтө үллэстэн, астанан

47