Page 41 - Сэрии кэмин оҕолоро 2 кинигэ

МҮРҮ нэһилиэгэ

Ильин Иван Дмитриевич

Мин аҕам, эһэбит 1939 сыллаахха сэтинньи 6 күнүгэр Дүпсүн
нэһилиэгэр Бэстээх диэн сиргэ Акулина Андреевна, Дмитрий
Михайлович Ильиннэр диэн холкуостаах дьиэ кэргэнигэр 16-с
оҕонон төрөөбүт. 16 оҕоттон 5 оҕо тыыннаах ордубут, аҕам саа-
май кыралара.
Бэстээххэ оруобуна сэрии сылларыгар диэри олорбуттар.
Бу сыллары сааһа кыра буолан барытын наһаа үчүгэйдик өй-
дөөбөтөр да, маннык кэпсиир:
— Биһиги уопсайынан үчүгэйдик олорбуппут. Сүөһүлээх,
астаах этибит уонна аҕам, эдьиийим, убайым, 3 киһи холкуоска
үлэлиир буоланнар, аччыктыыр диэни билбэтэхпит. Эппитин,
арыыбытын убайым оҕуһунан куоракка киллэрэн атыылыыр этэ
уонна таҥас-сап ылан тахсааччы. Ийэм биһигини, оҕолорун, көрөн дьиэҕэ олорбута,
иистэнэр этэ. Кыһыҥҥы таҥаһым барыта куобахтан бэргэһэ, сон, ыстаан, кээнчэ,
үтүлүк. Наһаа сылаас, чэпчэки ыйааһыннаах, санаабар олус үчүгэй буолааччы... Ол
оннугар сэрии кэннэ сыллар ыарахан, ас-таҥас кырыымчык этэ.
6 сааһыгар диэри Бэстээххэ олорон баран, холкуос киинигэр Көрдүгэҥҥэ көһөн
кэлэн олорбуттар. «8 дуу, 9 дуу сааспар оскуолаҕа киирбитим. Көрдүгэнтэн Дүпсүҥҥэ
оскуолабар 8 км сатыы хааман барарым», — диэн кэпсиир. Кэлин Дүпсүҥҥэ кэлэн
олохсуйбуттар. 7 кылааһы үөрэнэн баран кэлин армияҕа барбыт. Армияттан кэлээт,
автошколаҕа үөрэнэн Бороҕоҥҥо коммунальнай тэрилтэҕэ суоппардаабыт. Ол кэннэ
«Дүпсүн» сопхуоска тырахтарыыһынан үлэлээбит.
1984 с. ийэбинээн Николаева Мария Иннокентьевналыын ыал буолаллар, 2 кыыс
оҕолоохтор.
1985 с. Бороҕоҥҥо көһөн кэлэн бочуоттаах сынньалаҥҥа барыар диэри ЖКХ-ҕа ДТ-
75 тыраахтарга биир күн өрөбүлэ суох үтүө суобастаахтык үлэлээбитэ.
Билигин аҕабыт — 6 сиэн тапталлаах эһэтэ. Сиэннэрин көрсөн, күүс-көмө буолан
биһигини кытта дьоллоохтук олорор. Күндү киһибитигэр чэгиэн доруобуйаны, өссө да
уһун, дьоллоох олоҕу баҕарабыт!
А хт ы ы ны с у р уй д а к ы ра к ы ы һ а Атина Иванова
2 7 .0 9 .2 0 2 0 с.

Калининская Клара Романовна

Мин үлэбин 1966 сыллаахха прачканан саҕалаабытым. 1967—1969 сс. Кыһыл Ки-
риэс иһинэн Бороҕон но сиэстэрэ куурсун 18 кыыс бүтэрбитэ. Маҥнай 1969 сыллаахха
инфекционнай отделениеҕа сиэстэрэнэн үлэлээбитим. Бырааһынан Старкова Марфа
Васильевна, сиэстэрэлэринэн Попова Клара, Захарова Мария уонна мин, санитарка-
ларынан Захарова Марфа, Ирина Сивцева үлэлээбиттэрэ. Бырааспыт Марфа Васи-
льевна үлэтигэр олус бэриниилээҕэ, билиилээҕэ, холкутук барытын быһааран биэрэрэ.
Мин кинини кытта үлэлээн элбэххэ үөрэммитим, такайыллыбытым. 1970 сыллаахха
оҕо балыыһатыгар үлэлээбитим. Онно бырааһынан Никитина Валентина Васильевна,
сиэстэрэлэринэн Орлова Варвара Иннокентьевна, Ярош Валентина, Колесова Дария,
санитаркаларынан Саввина Матрена, Мигалкина Ирина, Бурпева Галя этҥтэр. Оҕо ба-
лыыһатыгар 2 сыл үлэлээбитим. Онтон 1972—1973 сылларга хирургияҕа постовой сиэс-
тэрэнэн көспүтүм. Быраастарынан Степанов Егор Прокопьевич. Павлов Ким Софро-
нович, сиэстэрэлэринэн Макеева Матрена, Спиридонова Атександра, санитарканан
Попова Фаина үлэлээбиттэрэ. Онтон 1973 сыл бүтүүтэ поликлиникаҕа процедурнайга
1 сыл. ол кэнниттэн 1974—1996 сылга диэри ханна да халбарыйбакка невропатолог

37