Page 42 - Сэрии кэмин оҕолоро 2 кинигэ

МҮРҮ нэһилиэгэ

сиэстэрэтинэн үлэлээбитим. Бырааһым Саха сирин үтүөлээх бырааһа, доруобуйа ха-
рыстабылын туйгуна Иванов Михаил Петрович этэ. Кини ханна да барбакка, улахан-
нык ыалдьан уурайыар диэри невропатологынан үтүө суобастаахтык үлэлээбитэ. Кини
бэйэтин идэтин толору баһылаабыт киһи, бэл, ыарыһах киирэн истэҕинэ ыарыытын
тута быһаарар этэ. Элбэх ыарыһах үтүөрэн махтаналлара. Мин Михаил Петровичтыын
биир санаанан ыарыһахтар эрэ тустарыгар үлэлээбиппит. Ол сылларбын наһаа үчүгэй-
дик саныыбын. Бу сылларбар поликлиникаҕа старшай сиэстэрэнэн Мигаткина Мария
Ивановна, кылаабынай бырааһынан Никифоров Гаврил Гаврильевич, сиэстэрэ хаһаай-
канан Слепцова Степанида Константиновна, прачканан Попова Анна Афанасьевна,
санитаркаларынан Бурнашева Марфа, Григорьева Зинаида үлэлээбиттэрэ. 1986 сылтан
Старков Игорь Васильевич, онтон 1987 сылтан Находкин Илья Ильич үөрэҕин кыһьш
дипломунан бүтэрэн кэлбитэ. Эдэр специалистар билиилэрин-көрүүлэрин түмэннэр
дьаныардаахтык үлэлээбиттэрэ. Билигин даҕаны Илья Ильич үлэлии сылдьар. Миигин
ыарыйдахпына, куруутун балыыһаҕа киллэрэн эмтиир. Онон мин киниэхэ махтанабын.

3 0 .0 8 .2 0 1 3 с.

Кривогорницын Юрий Егорович

Юрий Егорович 1945 сьшлаахха муус устар 17 күнүгэр Алек-
сандра Романовна уонна Егор Егорович Кривогорницыннар
дьиэ кэргэннэригэр төрөөбүтэ. Сэрии сылларыгар ийэтэ Алек-
сандра Романовна эр киһи үлэтин санныгар сүгэн, суох дьону
солбуйан тырахтарыыстыы сылдьыбыта, аҕата Егор Егорович
1944 с. доруобуйатын туругунан армияттан босхолонон кэлбитэ.
Кинилэр Хоро, Лөгөй, Бэрт Ууһа, Саһылыкаан уонна Суотту
нэһилиэктэригэр саҥа кырыс сирдэри хорутууга, ойуурдары со-
лооһуҥҥа үлэлии сылдьан ыал буолбуттара.
Юрий Егорович бу курдук ахтар: «Биһиги сэрии уордаах кэ-
мин курдат аһарбыт дьон буолабыт, эрэй-буруй эҥээрдэнэн
хара үлэҕэ миккиллибиппит. Ийэлээх аҕам 4 оҕоҕо күн сирин
көрдөрбүттэрэ. Сэрии кэннинээҕи аас-туор олохтон тэптэрэн,
үс уол оҕо борбуйдарын көтөхпөккө күн сириттэн букатыннаах-
тык барбыттара. Мин өйдүүрбүнэн, биһиги Тандаҕа, Кыыс
Хаҥаҕа, кэлин Томторго олоро сылдьыбыппыт. Томторго аҕам уот биэрээччинэн үлэ-
лиирэ.
Сэрии, сут кэннэ 1950 с. биһиги үһүөн: ийэм, аҕам уонна мин Булуҥ улууһугар
көһөн бара сылдьыбыппыт. Борохуотунан устубуппутун уонна киһи үрдүгүн саҕа ба-
лыгы көрөн сөхпүппүн өйдүүбүн. Аҕам балыгы санныгар уурбутугар кутурута сиргэ
соһуллар этэ. Булуҥҥа айаҥҥа илистэн тиийэн, ол дойду климатын тулуйбакка, үһүөн
ыалдьан күһүн дойдубутугар төннөн кэлбиппит.
Миигин Танда оскуолатыгар маҥнайгы кылааска киллэрбиттэрэ. Сотору Бороҕоҥҥо
көһөн киирбиппит. Бороҕоҥҥо дьонум маҥнай утаа райсовекка үлэлээбиттэрэ: ийэм
оһох оттооччунан, аҕам суоппарынан. Мин ийэбэр мас хайытыытыгар, таһыытыгар
күүһүм-кыаҕым баарынан көмөлөһөрүм. Кэлин райком хонтуоратыгар олорбуппут.
Онно ийэм муоста сууйааччынан, харабылынан үлэлиир этэ, аҕам суоппарынан уон-
на оһох оттооччунан үлэлээбитэ. Кэлин Бороҕоҥҥо дьиэ туттан киирбиппит үөрүүтэ
баһаам этэ.
Сэрии кэминээҕи дьонум кэпсэтиилэриттэн биири наһаа долгуйа ахтабын... Ийэм
кэрэгэй төлкөлөммүт балта Арапыана (Неустроева Аграфена Романовна) күһүн баа-
һынаттан моҕотой хаһааһын хомуйбутугар буруйданан хаайыыга хаптарбыт. Эдэркээн

38