Page 50 - Сэрии кэмин оҕолоро 2 кинигэ

МҮРҮ нэһилиэгэ

саҕалаабыта. Сэттэ сыл устата Балаҕаннаахтааҕы ФАП-ка фельдшер-акушерынан, сэ-
биэдиссэйинэн, Уус Күөллээҕи ФАП-ка сэбиэдиссэйинэн, Быччыылыктааҕы ФАП-ка
сэбиэдиссэйинэн, Суотту учаастактааҕы балыыһатыгар акушерканан үлэлээбитэ.
1965 сыллаахха тыа хаһаайыстыбатын эдэр специалиһа Оконешников Гаврил Ин-
нокентьевичка кэргэн тахсыбыта. 1966 сыллаахха улахан кыыстара Саргылаана, үс
сылынан Ньургустаана төрөөбүттэрэ.
1970 сыллаахха эдэр ыал оройуон киинигэр Бороҕоҥҥо көһөн киирбиттэрэ.
Анна Афанасьевна оройуоннааҕы киин балыыһаҕа 5 сыл устата дерматолог-быраас
эбээһинэһин толорбута. 1975 сыллаахха анал кууруска үөрэнэн, лаборант-серолог идэ-
тин ылбыта уонна бу дуоһунаска клинико-диагностическай лабораторияҕа 30 сыл уста-
та үлэлээбитэ. Кини медицинэҕэ үлэлээбит уопсай ыстааһа 42 сылга тэҥнэһэр. Анна
Афанасьевна — үлэ бэтэрээнэ, «Саха Өрөспүүбүлүкэтин доруобуйа харыстабылын туй-
гуна» анал бэлиэлээх.
2005 сыллаахха Анна Афанасьевна 40 сыл устата бииргэ олорбут тапталлаах кэргэнэ
Гаврил Иннокентьевич Оконешников олохтон туораабыта. Улахан кыыстара Саргы-
лаана Гаврильевна ийэтин суолун батыһан, медицинэ эйгэтин талбыта, өрөспүүбүлүкэ-
тээҕи 3-с №-дээх клиническэй балыыһаҕа терапевт бырааһынан үлэлиир. Кыра кыыста-
ра Ньургустаана Гаврильевна — «Сахамедстрах» страховой медицинскэй хампаанньаҕа
кылаабынай бухгалтер. Улахан сиэннэрэ Күннэй Хабаровскайдааҕы экономика уонна
быраап государственнай академиятын бүтэрбитэ, «2ГИС РЕГИОН» тэрилтэҕэ кылаа-
бынай бухгалтеры солбуйааччынан үлэлиир. Сиэннэрэ Игорь — Россиятааҕы гидроме-
теорологическай государственнай университет устудьуона.

Окоемова Кыма Николаевна

Мин 1931 сыллаахха тохсунньу 1 күнүгэр I Курбуһах нэһилиэ-
гэр Күөттүк диэн сиргэ төрөөбүппүн. Ийэм Окоемова Мария
Егоровна мин 2 саастаахпар 14-с оҕотун оҕолонобун диэн өлбүт.
Аҕам Окоемов Николай Петрович 1943 сыллаахха сүрэҕинэн
ыалдьан өлбүтэ. Онон биһиги, 6 оҕо, төгүрүктулаайах, кырдьаҕас
эбэбит көрүүтүгэр хаалбыппыт. Мин оскуолаҕа 1939 сыллаахха
киирбитим. Сэрии буолуутугар 10-наах оҕо этим. Сэрии буолбу-
тун кэннэ сут-кураан буолбута. Биһиги, оскуола оҕолоро, үөрэх
кэнниттэн күһүнүн былах быһа тахсар этибит. Онтон да атын
үлэҕэ улахан дьон дьаһалынан үлэлиирбит. 1944 сылтан салгыы
үөрэнэр кыах суох буолан, Молотов аатынан холкуоска үлэлээн
барбытым. Мин бииргэ төрөөбүт убайым Окоемов Гаврил Ни-
колаевич сэриигэ баран Читинскэй уобаласка үлэ фронугар сылдьыбыта. Кини сүрэҕэр
боруоктаах буолан сыл курдук сылдьан баран сыыйыллан кэлбитэ. Кыра убайым Сте-
пан Николаевич сэрии саҕана ыһыыга үлэлии сылдьан, сэбиргэхтэтэн өлөн хаалбыта.
Оттон Окоемов Николай, Александр Сидоровичтар диэн тастын игирэ убайдарым сэ-
риигэ сылдьан баран этэҥҥэ эргиллибиттэрэ. Мин холкуоска маҥнай оҕуруот аһын
үүннэриигэ, ынах ферматыгар бостуугунан, онтон производствоҕа — сир тартарыыты-
гар, ыһыыга, сайын от үлэтигэр, күһүн сиэмэ астааһыныгар, кыһынын борооску көрөн
үлэлээбитим. Бүтэһигэр фермаҕа үүт мээрэйдээччи учуотчугунан үлэлээбитим. Ити
курдук холкуоска үлэлээн, «оонньооботох оҕо сааспыт» ааспыта. Мин оскуолаҕа үөрэ-
ниэхпин баҕаран, икки хараҕа суох эбэбин соһортон салҕан: «Эбээ, эн хаһан өлөҕүн,
оччоҕо мин үөрэниэм этэ», — диэн саайдаҕым үһү. Ону эбэм: «Кырдьык, эйигин да,
бэйэм да эрэйдэнэбин, таҥараттан күн аайы көрдөһөбүн да ылбат», — диэхтиирэ.
Үөрэнэр баҕам туолан, 1950 сылтан 6-с кылааска үөрэнэ киирэбин. Онус кылааһы
1955 сыллаахха бүтэрэн, икки сыллаах финансовай техникумҥа үөрэнэ киирбитим.

46