Page 52 - Сэрии кэмин оҕолоро 2 кинигэ

МҮРҮ нэһилиэгэ

аһыырбыт. Онно эбии Уйбаан диэн абаҕабыт оҕонньор сайынын туулаан наар балык
сиирбит. Эт эҥин диэн аһы билбэт этибит. Кыһын дохуот аахсан, кыра тугу эрэ ылал-
лара үһү. Саха оһоҕор буспут хаппыт лэппиэскэни көтө-көтө сиирбит. Сайын сиэмэ
итигэстээн, ону кэлиилээн, хатаран, тааска тардан бурдук оҥостоллор эбит этэ. Өссө
хантан эрэ бурдук аҕалан түҥэтэллэрэ, ол амтана наһаа куһаҕан, олох киһи күөмэйин
аһытара, аччык эрэ киһи амсайар аһа этэ.
Оччотооҕу дьон тулуурдарын, дьулуурдарын, ыарахан диэн ынчыктаабаттарын,
бэйэ-бэйэлэригэр үтүө-мааны майгылаахтарын бу үс ыал куруук тутуспутунан кыһын-
нары-сайыннары бииргэ үлэлээн, дьукаахтаһан олороллоро уонна хаһан да этиспэт-
тэрэ, оҕолорго кыыһырбаттара туоһулуур. Дьэ сиэр-майгы, көмөлөсүһүү онно баара.
Бэйэм 1948 сыллаахха Курбуһах 7 кылаастаах оскуолатыгар 0 кылааска тугу да билбэт
киһи үөрэнэ киирбитим. Дьоммут буукубаны да билбэт этилэр, бары сатаан аахпатта-
ра, ким үөрэтиэй. Оскуолаттан олорор сирбит биир көс этэ. Оччо ыраахха күһүнүн
сатыы кэлэн үөрэнэн төттөрү барар этибит, уу да, ас да диэн суох. Ол да буоллар бары
аччыктаатым диэн үҥсэргээбэт этибит. Дьэ сити курдук күннэр ааһаллара.
1959 сыллаахха 10-с кылааһы бүтэрэн, оччотооҕута икки сыл үлэлээн баран үөрэххэ
киириэхтээх этибит. Онон 1959—1961 сылга диэри Мииринэй куорат тутуутугар шту-
катурунан үлэлээбитим. Оройуонтан 16 ыччат барыахтааҕын толорон. Үлэ ыарахан
этэ. Күнү быһа бадарааны күрдьэҕинэн булкуйа-булкуйа иккис этээскэ наһыылканан
таһааран, мастерогунан быраҕан дьиэ үрдүн, эркиннэрин сыбыырбыт. Бииргэ үөрэм-
мит кыыспынаан Карамзина Дунялыын ачтынньы 4 күнүгэр Мииринэйгэ тиийбип-
пит. Хойут тиийэммит, палаточнай куоракка миэстэ суох буолан, биэс уолу кытта
биир улахан балааккаҕа, үһэ Уус Алдан этилэр, сир тоҥуор, хаар түһүөр диэри утуйар
мөһөөччүккэ бииргэ утуйан сылдьыбыппыт, дьиэ тутуллан бүппүтүгэр балааккаттан
көспүппүт. Дьэ сити курдук эрчимнээх эдэр саас кэмнэрэ ааспыттара.
1962—1963 сс. Майаҕас оскуолатыгар учууталлаабытым. Онтон 1963—1967 сс. Мага-
дан куорат пединститутугар үөрэммитим. Онтон Мүрү 1, 2 оскуолаларыгар учууталлаа-
тым. Барыта 11 выпусктаахпын. Олортон 10-с выпуһум бары туйгуннук, үчүгэйдик,
ол аата 100% хаачыстыбаҕа бүтэрбиттэрэ, 5 оҕо мэтээлинэн түмүктээбитэ. Уопсайа
оскуоланы 18 үөрэнээччим мэтээлинэн, ону таһынан 19 уол «Уолан» гимназияны си-
тиһиилээхтик бүтэрдилэр. Сайынын 10 сыл пионерскай лааҕырдарга начальнигынан,
икки сыл солооһун ыраастааһыныгар үлэлээбитим.
Мүрү нэһилиэгэр 3 созывка депутаттаабытым, оскуолаҕа местком чилиэнинэн, на-
чаалынай кылаастарга методическай холбоһук салааччытынан үлэлээбитим.
Үлэм сыанатанан, «старший учитель» званиелаахпын, СӨ үөрэҕириитин туйгуна-
бын, Учууталлар учууталларабын, үлэ бэтэрээнэбин, Мүрү нэһилиэгин Бочуоттаах
олохтооҕобун, «Уус Алдан улууһун үөрэхтээһинин сайдыытыгар кылаатын иһин»,
«Мүрү нэһилиэгин социальнай-экономическай сайдыытыгар кылаатын иһин» бэлиэ-
лэрдээхпин.
Аны хатыламматын алдьархайы аҕалан, иэдээни иилээн, үгүс үүнэр көлүөнэ, үтүө
дьон инникитин былдьаабьгг уот сэрии ынырык сыллара.
Сандаардын саҥа үйэ сайдыыта, биллибэккэ хаала сыспыт талаан тахсыыта, өй-са-
наа өрөгөйдөнүүтэ, эҥээрдэстин эйэ эрэ.

Окоемова Роза Михайловна

Мин 1936 сыллаахха атырдьах ыйын 7 күнүгэр Окойом Күөлүн илин баһыгар Төрүт
диэн Окоемовтар сайылыктара баар сиригэр (кырдат анныгар) Окоемов Михаил Алек-
сандрович, Окоемова Матрена Васильевна диэн холкуостаах дьадаҥы ыалга төрөөбүтүм.
Ийэм 1941 сыллаахха күһүн ыалдьан өлөр. Онтон ьыа аҕам 3 оҕолоох тулаайах хаалан
эрэйи көрбүтэ. Холкуос ыарахан үлэтигэр сылдьыбыта.

48