Page 54 - Сэрии кэмин оҕолоро 2 кинигэ

МҮРҮ нэһилиэгэ

битим. Оҕолорбун бэйэм иитэн, атахтарыгар туруорбутум. Улахан оҕом уол этэ, Михаил
Тимонович (өлбүтэ), араас үлэҕэ үлэлии сылдьыбыта, биир кыыстаах, устудьуоҥка.
Орто оҕом Саргылана Тимоновна икки кыыстаах, улахан кыыһа Юля ХИФУ экономи-
ческай факультетын социолог идэтин бүтэрэн, куоракка үлэлиир. Кыра кыыһа Алена
Томскай куорат СИБ ГМУ «Лечебное дело» факультетын ситиһиилээхтик бүтэрэн,
Санкт Петербург куоракка НМЦ В.А. Алмазов аатынан кардиология отделениетыгар
ординатуратын бара сьыдьар. Саргьыана Тимоновна Тулагы оскуолатын алын кылаас
оҕолорун учууталынан үлэлиир, Саха Өрөспүүбүлүкэтин үөрэҕириитин туйгуна. Кы-
рам Розалия Тимоновна, Бороҕоннооҕу оҕо искусство оскуолатыгар учууталлыыр, Саха
Өрөспүүбүлүкэтин культуратын туйгуна. үс оҕолоох, икки уол, биир кыыс. Улахан
уола Кеша культура колледжын бүтэрбитэ. Үс кыыс оҕолоох, кыыстара Марианна —
АГИКиИ устудьуоҥката, кыра уол Ваня — оскуола үөрэнээччитэ.
1987 сыллаахха Бороҕоҥҥо көһөн киирбиппит, онтон ыла манна олоробун. Кур-
буһахха, Бороҕоҥҥо балыыһаҕа санитарканан өр кэмҥэ үлэлээбитим. Иллэҥ кэммэр
туоһунан араас ыаҕыйалары, саламалары тигэрбин сөбүлүүбүн, сылгы, ынах кутуругу-
нан дэйбиирдэри оҥоробун, таҥас кырадаһынынан саахымаггыы тигэбин. Улууһум,
нэһилиэгим общественнай олоҕор билигин да актыыбынайдык кыттабын. «Күндүүнэ»
түмсүүгэ ыллыыбын, «Сиккиэр» түмсүүгэ хомус, балалайка курдук инструменнарга
оонньуурга холонон көрөбүн. Араас таһымнаах курэхтэргэ кыттабын.
Наҕараадалара: 1957 с. өрөспүүбүлүкэтээҕи ыччат бэстибээлин лауреата. 1989-
2007 сс. вокальнай ырыа куонкурсун хас да төгүллээх лауреата уонна дишюмана, сыа-
на бэтэрээнэ. 2008 с. «Уус Алдан сайдыытыгар кылаатын иһин» бэлиэ хаһаайката.
Среднеленскэй оройуон, ЫБСЛКС обкомун Бочуотунай Грамоталара, Курбуһах уонна
Мүрү нэһилиэктэрин Бочуоттаах олохтооҕо (2016 с.), Саха Өрөспүүбүлүкэтин культу-
ратын туйгуна (2013 с.)

Орлова Варвара Иннокентьевна

Мин сэрии саҕаламмытыгар үс сааспын ааспыт кырачаан оҕо
этим. Ол да буоллар, сэриигэ дойдум дьонун атаарыы биир түгэ-
нин өйдөөн хаалбыппын. Биллээх Үрдэ диэн сиртэн атаарбыт-
тара. Атаарааччылар улаханныын-кыралыын бары ытаспыттара,
дьоммут сатыы оройуоннуур суолунан бара тураахтаабыттарын
көрөн хаалбыппыт. Ол барбыт дьонтон үгүстэрэ сэрииттэн эр-
гиллибэтэхтэрэ. Туруу эр киһи диэн хаалбатаҕа, ыар үлэҕэ наар
оҕо, дьахтар, кырдьаҕас сылдьаллара.
Сэрии кэмигэр биһиги төрөппүттэрбит Куличкин Иннокен-
тий Михайлович уонна Дария Марковна М. Горькай аатынан
холкуос туруу үлэһиттэрэ этилэр. Аҕам үлэ фронугар Булуҥҥа
балыкка сылдьыбыта. Ийэм Дария Марковна Кэбээйигэ көһөн
сүөһү көрбүтэ. Ол кэмҥэ биһиги, кыра оҕолор: убайым Ньукулай, балтым Ольга уонна
мин дьааһылаҕа хаалбыппыт. Дьоммутун наһаа ахтар этибит. Сэрии кэмигэр биһигини,
элбэх оҕону, төрөппүттэрбит хоһуун дьон буолан аһатан-таҥыннаран улаатыннарбыт-
тара. Дьоммут сарсыарда олох эрдэттэн халлаан хараҥарыар диэри үлэлииллэрэ. Ула-
хан оҕолор төрөппүттэрин кытта тэҥҥэ үлэлээбиттэрэ: эдьиийдэрим Надежда, Анна,
убайым Иван холкуос үлэтигэр эриллибиттэрэ. Ас-үөл тиийбэт, таҥас-сап кырыымчык
кэмэ этэ. Биир ынахтаах этибит, онтон аһаан олордохпут дии, наар хааһы буһараах-
тыыр этэ ийэбит. Лэппиэскэ диэн биирдэ эмэ баар буолара. Ыарахан олохтон ийэм
22-тэ оҕоломмутуттан сэттэтэ эрэ сиппит дьон буолбуппут.
Сэрии бүппүтүн да кэннэ олох ыарахана, бары барыта кырыымчык, тиийбэт этэ.
Аҕабыт, булчут, балыксыт буолан, тиийинэн-түгэнэн олорбуппут. Биһигини Өнөр

50