Page 78 - Сэрии кэмин оҕолоро 2 кинигэ

М ҮРҮ нэһилиэгэ

икки уол сиэннээхпин. Кэргэним Сыроватская Варвара Дмитриевна РФ, СӨ үтүөлээх
бырааһа, Уус Алдан улууһун, Өспөх, Мүрү нэһилиэктэрин Бочуоттаах олохтооҕо, 1975
сылтан улуустааҕы киин бачыыһа акушерскай отделенетын сэбиэдиссэйинэн, кыыһым
Сыроватская Александра Иннокентьевна идэтинэн социолог, ХИФУ-га үлэлииллэр.
Уолум Сыроватскай Илья Иннокентьевич орто-анал медицинскэй үөрэхтээх, билигин
чааһынай менеджер, икки уол оҕолоох. Кеша — ХИФУ устудьуона, Артем 9-с кылаас-
ка үөрэнэр. Улуустааҕы хаһыаттары саҥа тэриллибит «Саха бэчээккэ» холбооһунунан
2021 с. кулун тутар 31 күнүттэн биэнсийэҕэ тахсан олоробун.

Сысолятин Гаврил Гаврильевич

Мин 1935 сыллаахха от ыйын 24 күнүгэр 1 Лөгөй Кэптэни-
тигэр Гаврил Семенович, Дария Петровна Сысолятиннар дьиэ
кэргэннэригэр бастакы оҕонон күн сирин көрбүтүм. Бииргэ
төрөөбүт үһүө этибит, быраатым Петр 1937 с., балтым Ксенья
1941 с. төрөөбүттэрэ. Аҕам Гаврил Семенович 1902 с. төрөөбүтэ,
кини ферма сэбиэдиссэйинэн үлэлии сылдьан, 1942 с. бэс ыйы-
гар сэриигэ ын ырыллан барбыта. Аҕам сэриигэ барбытын кэннэ
кыра балтым Ксенья 1942 с. хоргуйан өлбүтэ. Кини кэнниттэн
1943 с. ийэм Дария бырааппынаан Петрдыын хоргуйан өлбүт-
тэрэ.
Мин, чороҥ соҕотох хаалан баран, аҕам бииргэ төрөөбүт
эдьиийигэр Натааһаҕа эҥээрдэнэн аҕам сэрииттэн кэлиэр диэ-
ри олорбутум.
Аҕам сэрииттэн ыараханнык бааһыран, сыыйыллан 1943 с.
төннөн кэлэн эмтэнэн баран, холкуоска араас үлэлэргэ үлэлээ-
битэ. Кэлин 1953 с. МТС-ка көһөн кэлэн араас үлэҕэ, үксүн
тутууга сылдьыбыта. 1972 с. ыалдьан олохтон туораабыта. Мин кыра эрдэхпиттэн хол-
куоска сайыҥҥы сынньалаҥҥа араас үлэлэргэ сылдьар этим. 1946—1954 сс. диэри хол-
куоска үлэлээбитим. Онтон 1954 с. МТС-ка кэлэн тырахтарыыһынан, комбайнерунан,
тыа хаһаайыстыбатыгар механигынан, тыраахтар биригээдэтигэр механигынан, мас-
терскойга слесарынан үлэлээбитим. 1962 с. партияҕа киирбитим, күн бүгүҥҥэ диэри
партия чилиэнэбин. 1990 с. биэнсийэҕэ тахсан да баран үлэттэн илиибин араарба-
таҕым, араас тэрилтэлэргэ үлэлээбитим. 1994 с. райпоҕа суоппарынан үлэлии киир-
битим, онтон 1998 с. киин баанньыкка операторынан үлэлээбитим. 2002 сылтан 2008
сылга диэри «Мүрү-Лена» сайыҥҥы уутугар операторынан үлэлээбитим.
1981 с. «Госкомсельхозтехника» Бочуотунай грамотатынан наҕараадаламмытым.
Саха Өрөспүүбүлүкэтин Үлэ Кыһыл кинигэтигэр 1990 с. бэс ыйыгар киирбитим. «За
трудовую доблесть» мэтээлинэн наҕараадаламмытым. 2000 с. «Үлэ бэтэрээнэ», 2014 с.
«Нэһилиэк Бочуоттаах олохтооҕо», 2015 с. «Улуус Бочуоттаах олохтооҕо», 2015 с. «Тыа
хаһаайыстыбатын бэтэрээнэ» ааттар и ҥэридл ибиттэрэ.
Сыралаах үлэбин элбэх Бочуотунай грамоталар, хайҕал суруктар, үбүлүөйүнэй мэ-
тээллэр туоһулууллар. Билигин биэнсийэҕэ да олордорбун, нэһилиэгим, улууһум,
бөһүөлэгим олоҕор кыаҕым, күүһүм баарынан сүбэлиибин, көмөлөһөбүн.

М ы н д ааба с.
А лт ы нньы , 2 0 2 0 с.

74