Page 73 - Сэрии кэмин оҕолоро 2 кинигэ

МҮРҮ нэһилиэгэ

Аҕам атынан уу баһааччынан үлэяиирэ, ийэм дьиэтин, оҕолорун көрөрө. Мин ийэбин
таптыырым, куруук сылаас чэй иһэ-иһэ кэпсэтэрбит, сакалаат кэмпиэт уурунуулаах
буолааччы, оччотооҕуга күндү ас этэ. Ийэм бэйэтин «нуучча буолбагахпын, бааһынай-
бын» дэнэрэ, аҕам сахалыы саҥарбат эрээри өйдүүрэ. Кэнники устудьуоннуур сыллар-
бар кинилэргэ олоро сылдьыбытым.
Сэрии бүппүтүн кэннэ аҕабын Үөһээ Бүлүүгэ үлэҕэ аныыллар. Аҕабын батыһан
Үөһээ Бүлүүгэ айаннаатыбыт. Ииппит аҕам Заводской Василий куонньугунан үлэлии
киирэр. Үөһээ Бүлүүгэ, мин өйдүүрбүнэн, улахан баҕайы учаастактаах дьиэ биэрэллэр,
онно коза бөҕөтүн ииппиттэрэ. Коза үүтүн ыан миэхэ иһэрдэллэрэ. Дьиҥнээх аҕам
кэлэрин өйдүүбүн. Кэлэн иһэрин көрөн, сүүрэн тиийэрим, миигин көтөҕөн ылара.
Кини, санаабар, наһаа улахан буолааччы, фуражкалаах, кыһыл сурааһыннаах ыстаан-
наах, килэбэчийэ сылдьар бачыыҥкалаах. Аҕам иккис олоҕун булунар, 1948 сыллаахха
кэргэн ылар, доҕоро — Насырова Мария Семеновна, алын кылаас учуутала. Миигин
холбоһон бараннар, 5 саастаахпар төттөрү ылбыттара. Дьонум сөбүлэһэн биэрбиттэрэ,
оҕолор биэримээри гыммыттарын ииппит ийэм: «Эһиги элбэххит, онтон Роза аҕатыгар
соҕотох кыыс», — диэн өйдөппүтэ. Икки өттүттэн оҕолоох ыал холбоспутгара.
Үөһээ Бүлүүгэ 12 сыл үлэлээбиттэрэ, онтон 1954 сыллахха аҕам Уус Алдаҥҥа
анаммыта. Бу сылга мин аҕабынаан тохсунньуга Бороҕоҥҥо айаннаабыппыт. Биһи-
гини аэропорка таайым Кривошапкин Иннокентий Ильич көрсүбүтэ, кэргэнэ Криво-
шапкина Ия Петровна уонна кыра кыыстаахтар этэ. Иккиэн учууталынан үлэлээбит-
тэрэ. Бастаан утаа кинилэргэ олорбуппут, онтон биһиэхэ туспа дьиэ анаммыта. Ийэм
аах сайын кэлбиттэрэ. Кэлэн баран күһүөрү оскуолаҕа алын кылаас учууталынан үлэ-
лии киирбитэ, кэнники завуһунан үлэлээбитэ. Наһаа элбэх оҕону үөрэтэр этэ. Мин
өйдүүрбүнэн, икки улахан суумкаҕа тэтэрээт аҕалан бэрэбиэркэлиирэ, сороҕор мин
көмөлөспүтэ буолабын. Саатар уоппутун 11 чааска ылаллара, чүмэчи уотугар салгыы
үлэлиирэ. Математикаҕа, нуучча тылыгар табылыысса оҥороро, онно киистэ кэлиэ
дуо, маһынан оҥостон, чэрэниилэ уган суруйара. Мин убайбынаан дьиэ үлэтин бары-
тын үлэлиирбит, үлэттэн толлубат этибит. Сарсыарда чэй өрөн (оччотооҕуга самовар
этэ), мас саһааннаан, мас киллэрэн оһохпутун отторбут. Ас астыыбыт, муус киллэрэ-
бит, хаарбытын күрдьэбит.
Ийэм өр сыллаах суобастаах үлэтэ сыаналанан, үтүөлээх учуутал аатын ылбыта.
Ийэбэр миигин сөбүлээн, бэйэтин оҕотун курдук көрөн-харайан улаатыннарбыты-
гар махтанабын. Миэхэ наһаа үчүгэй былаачыйа бөҕөтүн тигэрэ, хаһан да кыыһырбата,
ама мөҕүө дуо. Мин кинини наһаа таптыыр этим. Аҕабар миигин, кыһыл оҕону, тол-
лон турбакка ииппитигэр, улаатыннарбытыгар, Уус Алдаҥҥа көрдөһөн үлэлии кэлэн,
аймахтарбын кытта билиһиннэрбитигэр барҕа махталбын этэбин. Заводскойдар дьиэ
кэргэннэригэр Анна Иннокентьевнаҕа, Василий Михайловичка барҕа махталбын су-
руйабын, бачча киһи оҥорбуттарыгар.
Мин ыал буолан, 5 оҕолонон, 13 сиэннэнэн, 5 хос сиэннэнэн олоробун. Олоҕум
аргыһа Сидоров Гаврил Титович 30 сыл суоппардаабыта, үлэ, тыыл бэтэрээнэ, «Без
аварии» бэлиэ хаһаайына. Улахан уол Константин тутааччынан үлэлээбитэ, билигин
ЖКХ-ҕа оператордыыр. Кыыһым Ульяна оскуолатын үрүҥ көмүс мэтээлинэн түмүк-
тээн, СГУ математическай факульетын бүтэрэн, МВД-га үлэлиир. Орто уолум Гаврил
икки үрдүк үөрэҕи бүтэрэн судебнай приставтарга үлэлиир. Уолум Павел аҕатын кур-
дук суоппардыыр, кыра уолум Егор «Уолан» гимназияны кыһыл көмүс мэтээлинэн
бүтэрэн, экономист үрдүк үөрэҕин баһылаан үлэлии сылдьар. Бары ыал буолбуттара,
оҕо-уруу төрөтөн ааппытын ааттаталлар.
Мин бэйэбин дьоллоох киһинэн ааҕынабын, махтанабын бар дьоммор! Үтүө дьон
баар буолан, оҕолонон-урууланан манна баччаҕа диэри кэлэн олордоҕум.
Баҕарабын хаһан да сэрии буолбатыгар, хаан тохтубатыгар. Баар буоллун Эйэ!

69