Page 162 - Сэрии кэмин оҕолоро 1 кинигэ

ЛҮПСҮН нэһилиэгэ

Награды: «Отличник образования РС(Я)», «Почетный ветеран системы образования
РС(Я)», знаки «За вклад в развитии образования Усть-Адданского улуса», «Граждан-
ская доблесть», «За вклад в развитии культуры Усть-А,лданского улуса», «За вклад в
развитии образования Дюпсюнского наслега», «Серебренное перо РФ», «Ведущий лек-
тор РС(Я)», «Ветеран педагогического труда Дюпсюнской школы», Почетный гражда-
нин Дюпсюнского наслега», медали: «Дети войны», «70 лет победы в ВОВ», «100 лет
Ленинскому комсомолу».

Атласова Анна Николаевна

Биһиги ийэбит Анна Николаевна Өнөр нэһшлиэгэр 1939 с.
төрөөбүтэ. Сэттэ сааһыгар диэри аҕата сэрии кэмигэр хоту ба-
лыкка баран үлэлээбит буолан, аҕалааҕын билбэт эбит. Ийэ-
тин эмиэ өйдөөбөт. Өнөргө аймахтарыгар Атласов Прокопий
Петровичтаахха иитиллэн олорбут. Оскуолаҕа киирэр сааһа туо-
лан, 1950 сыллаахха Бороҕоҥҥо Өнөртөн Харитина Петровна
сатыы илдьэ киирэн, аҕатын онно көрсөр. Мүрү оскуолатыгар
маҥнайгы кылааска үөрэнэ киирбитэ. Төрөппүт ийэтэ эрдэ
өлөрүгэр икки кыыс тулаайах хаалбыттара. Аҕата суорумньунан
иккистээн кэргэннэнэр, ол кэргэниттэн 3 кыыс эбии төрүүр.
Маачаха ийэтэ эрдэ өлөн, аҥаардас аҕа иитиитигэр 5 оҕо хаалан,
олох кыһалҕатын билэн, чугас аймахтарын көмөлөрүнэн улаап-
пыта. 1958 сыллаахха Бороҕоҥҥо сиэстэрэ куурсун бүтэрэн, Дүпсүҥҥэ «Дабаадыма»
учаастагар сиэстэрэ быһыытынан ананан көһөн кэлэн үлэтин саҕалаабыта. Ол кэмҥэ
үгүс киһи хараҕынан трахома ыарыытынан ыалдьар этэ. Ийэбит элбэх киһи хараҕын
эмтээн үтүөрдүбүтэ. Үлэлии сылдьан тэҥинэн биригээдэ кулуубугар сэбиэдиссэйдээн,
оччотооҕу ыччат культурнай-маассабай үлэтин иилээн-саҕалаан ыытара. 1960 сыл-
лаахха Остуойка дьааһыла-саадын сэбиэдиссэйинэн ананан үлэҕэ барбыта. 1962 сылтан
1978 сылга диэри Дабаадыма учаастагар дьааһыла-саадка сэбиэдиссэйинэн, медсестранан
үлэлээн, холкуостаах ыаллар түбүктээх, ыарахан үлэлэрин чэпчэтиигэ күүс-көмө, тирэх
буолбута. 1978 сылтан сопхуоска үлэлии сылдьан, 1989 с. биэнсийэҕэ тахсыбыта. Ол да
буоллар ферма араас үлэлэригэр сылдьыбыта. Сопхуос ыһыллыбытын кэннэ дьиэ кэргэ-
нинэн бааһынай хаһаайыстыба тэринэн илиитин араарбакка үлэлээбитэ.
1964 сыллаахха Илларионов Василий Макаровичка кэргэн тахсан, аҕыс оҕону төрөп-
пүттэрэ: биэс уол, үс кыыс. Бэйэтин оҕолорун таһынан, бииргэ төрөөбүт тулаайах үс
балтын көрөн-истэн улаатыннаран, дьон-сэргэ ытыктыыр дьоно оҥортоото. Ийэбит
элбэх сиэн, хос сиэн тапталлаах, эйэҕэс эбэтэ. Билигин бары улаатан, араас идэлээх
үлэһит буолан үлэлии-хамсыы сылдьабыт.
Ийэбит «Үлэ бэтэрээнэ» мэтээллээх, «Ийэ албан аата» уордьан I, II, III степеннэ-
ринэн наҕараадаламмыта, Дүпсүн нэһилиэгин бочуоттаах олохтооҕо.
Ахтыыны суруйда кыыһа Евдокия Атласова

Босикова Ольга Николаевна

Миигин 1943 сыллаахха муус устар 10 күнүгэр төрөөбүт диэн 5 №-дээх төрөөһүн
туһунан свидетельствоҕа I Чочу нэһилиэгин советынан Бүлүү оройуонун Саха
Өрөспүүбүлүкэтин 1945 сыл, IV, 25 күнүгэр суруллубут. 3 сааспар диэри I Чочуга
олорбуппут.
Ийэм Ирина Максимовна Егорова-Николаева 1910 сыллаахха Бүлүү оройуонун
Кыадаҥда диэн нэһилиэгэр төрөөбүт. Бииргэ төрөөбүттэр үстэр: ийэм, Петр, Татьяна.

158