Page 163 - Сэрии кэмин оҕолоро 1 кинигэ

АҮПСҮН нэһилиэгэ

Ийэтэ Анна диэн, 3 оҕолонон баран өлбүт. Ийэбин Харбалаахха
ийэтин дьонугар Егоровтарга иитгэрэ биэрбиттэр. Оҕо тарта-
раары, эрдэ биэрбиттэр.
Эһэбит Николаев Максим Дмитриевич (Ыаһай) диэн хос
ааттаах эбит. Эбэм, эһэм туһунан 70 сааспын туолан баран
эдьиийбиттэн биллим. Эбэм өттүттэн аймахтарбыт — Томскай-
дар, Түүлээхэптэр, Спиридоновтар, Мөөкүйэлэр.
Аҕам Ахчагныров Николай Федорович сэбиэскэй бьыаас
иннинэ Расторгуев диэн баайга илии-атах үлэтигэр сылдьы-
быт. Кэлин Аана Бөппөх диэн кыыһы кэргэн ылан 5 оҕолом-
мут. Чуолкайын билбэппин. Саҥа олох кэлбитин кэннэ уо-
латтара уонна эмээхсинэ холкуоска киирэн Чочуга барбыттар,
аҕам арыыга холкуоска киирбэккэ соҕотоҕун хаалбыт.
Ийэм улаатан баран, Афоня диэн оҕону төрөппүт, ол оҕотун Веревкиннар диэн дьон
иитэ ылан, Афоня 80-чатыгар диэри Айхалга үчүгэй үлэһит, булчут, Уус Алдан Хомус-
тааҕыттан төрүттээх Тарская Мария диэн кыыһы кэргэн ылан, эдбэх оҕолонон 2000
сылтаахха өлбүт.
Кини кэнниттэн Еля диэн кыыһы төрөппүтэ. Кини аҕата оҕото төрүү илигинэ араста-
раатаҕа түбэһэн хаайыыга баран өлбүт. Эдьиийим Еля миигин оҕотун курдук көрөн-ис-
тэн ииппитэ. Чэнчис баҕайы, иистэнньэҥ, билигин да көрө-билэ сылдьар. Мин I кы-
лааска киирэрбэр 1950 сыллаахха коричневай былаачыйа тигэн, хара, маҥан фартуктаан
оскуола боруогун үкгэннэрбитэ, Бүлүүтээҕи базовай оскуолаҕа үөрэммитим.
Еля Үөһээ Бүлүүтээҕи киэһээҥҥи оскуоланы, салгыы Бүлүүтээҕи педучилищены
бүтэрэн, Үөһээ Бүлүүтээҕи М. Алексеев аатынан оскуолаҕа 2012 сылга диэри үлэлиир.
Еля — үлэһит үтүөтэ, ийэ, эбэ, хос эбэ киэнин ааттааҕа.
Балтым Света 1948 сылтаахха төрөөбүтэ. Төрүүрүгэр 1 киилэттэн эрэ ордук буолан,
кыратыгар иринньэх кыыс этэ. 4-5 саастааҕар Бүлүүгэ кытай баанньыгар олорон, күнүс
утуйан баран остуолга истикилээҥкэҕэ керосин турарын чэй дии санаан иһэн эмиэ өлө
сыспыттаах. 5-6 саастааҕар өрүскэ киирэн баржа хаспыт уутугар түһэн эмиэ өлө сыспыта.
Улаатан, ситэн орто уҥуохтаах, синньигэс таһаалаах, хара киэҥ харахтаах кыыс буол-
бута. Оскуоланы бүтэрэн баран кэргэннэммитэ. Света аҕата ийэбитгэн балыс, Лааһар
диэн киһи этэ, кини Света кыра эрдэҕинэ биһигиттэн барбыта. Мин үөрэххэ 1964 сыл-
лаахха барбытым, ол иһин ити кэмнээҕи олоҕун оччо билбэппин.
Улахан уола Славик наар бааһырар этэ. Сахалыы эмтэтэн көрөөччү. 2, 3 оҕотун
Ньурбаҕа, Мииринэйгэ оҕоломмута быһыылаах. Мииринэйгэ олорон Света улаханнык
ыалдьар диэн истэрим. Өлүөн иннинэ таҥха кэмигэр кумааҕыны умаппытыгар хоруоп
тахсыбыт, онон өлөрүн эрдэттэн билбит эбит. Кэргэнэ Захаров Михаил сэттэ-аҕыс сыл
аҕа быһыылааҕа, билигин кини биһиги убайбыт Афоня кыыһын кэргэн ылан, Айхал-
га үчүгэйдик олорор диэн истэбит. Балтым өлбүтүн кэннэ оҕолорун эдьиийим Еле-
на Алексеевна иитэн киһи-хара гыммыта. Кэлин улахан уол аҕатыгар баран үөрэнэн
үлэһит буолбут, кыралар: Анджела Үөһээ Бүлүүтээҕи иккис нүөмэрдээх оскуоланы
бүтэрэн бастаан медик, кэлин экономист үөрэҕин бүтэрэн, үлэһит, икки кыыстаах:
Еля, Оля уонна Иван диэн уоллаах.
Кыра уол Алеша эмиэ үөрэнэн Үөһээ Бүлүүттэн дьонугар Айхалга баран быстахха
түбэһэн өлөн турар.
Күтүөтүм Михаил Степанович Саввинов — сытыары-сымнаҕас, ол эрээри үлэти-
гэр-хамнаһыгар үрдүк ирдэбиллээх киһи. Аан маҥнай мин кинини эдьиийбинээн
Бүлүүгэ олорор эрдэхпинэ билбитим, кинилэр борохуотунан кэлбиттэрэ. Мин оч-
чолорго чороччу улаатан эрэр оҕо этим. Күтүөтүм миигин көрөн баран кэлин этэр
этэ: «Сип-синньигэс, туруйа курдук кыыс этиҥ», — диэн. Ол кэмтэн ыла эдьиийбин
кытта миигин иитиһэн, кэлин балтыбын, кини оҕолорун көрөн-харайан бачча кэлтэ.
Мин кыра сылдьан эҥин араас буруйу да, билбэппинэн даҕаны алҕастары оҥорооччу-

159