Page 166 - Сэрии кэмин оҕолоро 1 кинигэ

АҮПСҮН нэһилиэгэ

оскуолаҕа үлэлии сылдьан, 3 оҕону хаалларан баран перемена аайы кэлэн түннүгүнэн
көрөн барааччыбыт.
1975 сайын Ленинградка күүлэйдии бара сылдьыбытым. Ленин шалааһыгар, музей-
дарга сылдьыбытым. 1976 с. папабытын Өнөргө совет бэрэссэдээтэлинэн анаабыттара.
Аны кыһын ортото Өнөргө көһөр буолбуппут. Ваня онно 5 ыйдаах этэ.
Тиийбиппитигэр: Марфа Борисова кэргэнэ Ньукуулаан Михайлович Сергеевтэргэ
дьукаах олорбуппут. Кыра уолум арыый улаатыыта, сайыныгар Троевтар дьиэлэригэр
көспүппүт. Аттыбытыгар Водоватовтар олорбутгара. Онно Мотя, Андрей, Рая, Лия,
Наташа бааллара. Наташа саамай кыралара этэ. 1978 сыллаахха Оляны төрөппүтүм.
Марианна Өнөр I кылааһыгар киирбитэ, учуутала Людмила Лукинична этэ. Кыыһым
кыра сылдьан ыалдьан, 2 кыра оҕолоох буолан, кыра кыыс 2-лээҕэр үлэлээбитим. Го-
синтэринээт баар этэ, онно воспитателлээбитим.
Папабыт совет бэрэссэдээтэлэ буолан, наар командировкаҕа сылдьара. Интэринээк-
кэ үлэлиир кэммэр интэринээт уопсайыгар олорбуппут. Марианна сытыы-хотуу кыыс
этэ. Өнөртөн барарбытыгар олус үчүгэйдик атаарыллан, аны Дүпсээҕэ кэлбиппит. Ва-
нялаах Оля кыра этилэр. Аҕабыт маҥнай парткабинет бэрэссэдээтэлинэн анаммыта.
Маҥнай аҕабыт бэйэтэ эрэ Дүпсүҥҥэ барбыта. Олорор дьиэбит суох буолан, сайы-
нын Жирковтар ампаардарыгар көһөн кэлбиппит. Күһүнүн уопсай дьиэ биэртэрэ. 4
квартиралаах дьиэттэн саамай улаханын. Онно Ира детсадка киирбитэ. Мин оскуолаҕа
үлэлии киирбитим. 1980 сыл этэ. 3 сыл буолан баран саҥа дьиэ туттан, күһүн билигин
олорор дьиэбитигэр киирдибит. Ваня I кылааска киирдэ. Дүпсээҕэ олус элбэх дьүө-
гэлэнэн, үчүгэйдик олордубут. Аттыбытыгар детсад чугас этэ. Олябыт онно сылдьан
кэлин оскуолаҕа барбыта.
Ол саҕана Дүпсүн оскуолата 400-тэн тахса оҕолоох, оройуоҥҥа биир бастыҥ оскуо-
ла этэ. Саҥа кабинеттар аһыллан, онно үлэлээн-хамсаан сылдьыбыппыт. Тоҕо эрэ ди-
риэктэрдэр наһаа уларыйааччылар. Мин өйдүүрбүнэн, Васильев Валерий Дмитриевич,
Гоголев Борис Семенович, Жирхов Иван Данилович үлэлээбиттэрэ. Үөрэх чааһын
сэбиэдиссэйинэн наар Сыроватская Варвара Николаевна үлэлээбитэ. Оҕолорум бары
үчүгэйдик үөрэнэн начальнай кылааһы бүтэрбиггэрэ.
Марианна 7 кылааһы бүтэрбитин кэннэ эдьиийим Елена Алексеевна: «Оҕоҕун Үөһээ
Бүлүүгэ ыыт», — диэбитэ. Биһиги сүбэлэһэн баран ыытар буоллубут. Оҕобут онно тии-
йэн үчүгэй баҕайытык үөрэнэн, элбэх табаарыстанан, астынан, аны Ирабытын эмиэ
ыытар буоллубут. Ити курдук Марианналаах Ира Үөһээ Бүлүүгэ физмат оскуоланы
бүтэрэн, Марианна Благовещенскайдааҕы сельхозинститут экономическай факульте-
тын бүтэрэн, үлэ үөһүгэр сылдьар. 2 оҕолоох: Айсена, Максим. Ирина Дьокуускай
тыа хаһаайыстыбатын академиятын бүтэрэн, ЖКХ-ҕа бухгалтер, Айаал диэн уоллаах.
Кыралартан Ваня 1993 сыллаахха Дүпсүн оскуолатын бүтэрэн, маҥнай сибээс техни-
кумун, кэлин Дьокуускайдааҕы техфагы бүтэрэн радиоинженер буолбута. Кэргэннэнэн
2 уол оҕолоох: Артем уонна Дима. Кэргэнэ Мэҥэ Хаҥалас Төҥүлүтүттэн төрүттээх Ма-
рия Гаврильевна Цыпандина-Босикова диэн. Кини дьоно Төҥүлүгэ бааллар. Ийэлээх
аҕата биһигиннээҕэр эдэр дьон. Бииргэ төрөөбүт эдьиийдээх, убайдаах уонна быраат-
таах, бары ыаллар уонна куоракка олороллор.
Оля эмиэ 1995 с. Дүпсүн орто оскуолатын бүтэрэн, Дьокуускайдааҕы тыа хаһаайыс-
тыбатын академиятыгар экономист отделениетын бүтэрбитэ. 2005 с. Пахомов Василий
Григорьевичка кэргэн тахсан, кыыстаах уол оҕолоох. Вася Ленскэйтэн төрүттээх, Чам-
ча бөһүөлэккэ олорбуттар, 8 оҕолоох ыал оҕото. Убайдара, эдьиийдэрэ Чамчаҕа баал-
лар. Үгүс быраатгара куоракка олороллор. Оля улахан кыыһа Сардана устудьуоннуу
сылдьар.
Улахан уолбут Саша наар бэйэбитин кытга сылдьар. Куоракка киирэн баран ЖКХ-ҕа
дворнигынан үлэлиир.
2007 сылтан кырдьаммыт, оҕолорбут бары куоракка олороллорунан, дэриэбинэҕэ
отгук мас ыраатан хаалан, кыһынын наар улахан оҕобутугар Марианнаҕа киирэн кыс-

162