Page 183 - Сэрии кэмин оҕолоро 1 кинигэ

ДҮПСҮН нэһилиэгэ

Ийэм Сивцева (Соловьева) Анисия Петровна (1902-1977 сс.) политсыылынай Стран-
ден Н.П. төрөппүт сиэнэ буолар. Кинилэр 14 оҕоломмуттара, онтон 5 ортоку оҕо хаа-
лан дьон буолбуппут. Ийэм 23 сыл эҥкилэ суох сүөһүгэ үлэлээбитэ, ол курдук 70 төбө
субан сүөһүнү, 8 ат оҕуһу көрбүтэ, үтүө үлэтин иһин элбэх мэтээллэрдээх, элбэх оҕо-
тун иһин «Ийэ албан аата» орденнаах.
1941-1945 сс. Аҕа дойду Улуу сэриитэ Советскай Союз бары норуоттарын атыйахтаах
уу курдук аймаабыта.
1941 сылтан саҕалаан «Күөх Көрдүгэн» холкуос эдэр ыччаттарын, кэлин үлэни кыа-
йар эр дьону сэриигэ ыҥыран бэбиэскэ туттарбыттара. Биһиги балтыбынаан Ааныс-
тыын кыра этибит, ол да буоллар өйдүүбүт: «Күөх Көрдүгэн» холкуос дьоно Ойбон
эбэ уонна Көрдүгэн диэн алаастар икки ардыларыгар баар кырдалга мустан ытаһыы-
лара, айманаллара сүрдээх этэ. Биһиги Маралаайы диэн улахан уулаах, хойуу хомус-
таах алааска олорбуппут. Мынаамыкы диэн алааска Сивцевтэр диэн ыаллар олохсуйан
олорбутгара. Кинилэртэн бырааттыы Василий, Семен Сивцевтэр сэриигэ ыҥырыл-
лан, биһиги олорор алааспытыгар сөтүөлүүр күөлбүтүгэр сөтүөлээн баран, биһигини
төбөбүтүттэн имэрийэн барбыттара, ийэм ытаабытыгар кутгаммыппыт аҕай.
«Күөх Көрдүгэн» холкуостан маннык дьон барбыттара:
1. Алексеев Афанасий Лукич
2. Кондратьев Петр Петрович
3. Максимов Гаврил Нестерович
4. Максимов Михаил Нестерович
5. Максимов Дмитрий Федорович
6. Сивцев Дмитрий Львович
7. Сивцев Иван Терентьевич
8. Сивцев Николай Терентьевич
9. Сыроватскай Иван Петрович
10. Сыроватскай Николай Платонович
11. Сивцев Алексей Терентьевич
12. Ильин Тимофей Михайлович
13. Сивцев Василий Павлович
14. Сивцев Семен Павлович
1941-1942 сс. сэрии сылларыгар бу сиртэн фроҥҥа уонна үлэҕэ 16 киһи ыҥырыллы-
быт, кинилэртэн 5 буойун дойдуларыгар эргиллибитэхтэрэ.
Үлэ фронугар Сивцев Константин Иванович, Кондратьева Наталья Петровна ыҥы-
рыллыбыттара.
Биһиги аҕабытыгар аармыйаҕа бэбиэскэ кэлбитэ, ийэбит ытыы-ытыы өйүө бэ-
лэмнээбитэ, биһиги эмиэ ытаспыппыт. Ийэм: «Тоойдоруом, аҕаҕыт уоттаах сэриигэ
барар, биһиги хайдах иитиллэн олоробут», — диэбитэ. Аҕабытын хараҕынан сыыйбыт-
тара уонна үс сылга балык фронугар сэрии суолталаах бэбиэскэ биэрэн ыыппыттара.
«Күөх Көрдүгэн» бэрэссэдээтэлэ Афанасий Лукич кыра үөрэхтээх, холкуостаахтар
сөбүлүүр, бэркэ аптарытыаттыыр киһилэрэ этэ. Кини бастакы хомуурга барбыта уонна
1943 сыллаахха Ленинград блокадатын тоҕо көтөр кыргыһыыга хорсуннук сэриилэһэ
сылдьан өлбүтэ. Аҕа дойду сэриитэ ааҥнаан турдаҕына, уот кураан сатыылаан, киһи-
сүөһү бөҕө хоргуйан-сутаан, быстар дьылҕаламмыт кэмигэр Алексеев Афанасий Лукич
кэнниттэн Фомин Я.П. 1941-1942 сылларга үлэлээн, холкуос үлэтин мөлтөтөн, хоргу-
йуу, сутааһын саҕатаммыта. Тыылга хаалбыт оҕонньоттор, эмээхситтэр, оҕо, дьахтар
өрө туран, Фомин Я.П. үлэтитгэн тохтотон, 1942-1948 сс. диэри Максимов Нестер
Яковлевич бэрэссэдээтэлинэн, Сыроватскай Гаврил Дмитриевич бухгалтерынан үлэ-
лээн, бу ыар сылларга хоргуйан өлүүнү таһаарбатахтара. Онтон бу Фомин Я.П. «Карл
Маркс» холкуоска баран бэрэссэдээтэллээн киһи-сүөһү бөҕө хоргуйан өлүүтэ тахсы-
быт. Онон оччолорго даҕаны салатгаттан улахан тутулуктаах эбит.

179