Page 182 - Сэрии кэмин оҕолоро 1 кинигэ

АҮПСҮН нэһилиэгэ

бит, оҕо пособиетын харчытын бэйэм түҥэтэр этим. Сыл аайы нэһилиэк олохтоохто-
рун сүөһүлэрин, киһилэрин ахсааныгар тохсунньу 1 күнүгэр биэрэпис буолара. Онно
биирдии ыалларынан сылдьан хотону кэрийэн биэрэпис оҥорорбут. Аны байыаннай
дьыаланы оҥорорум, нолуок харчытын хомуйан туттарарым, ол саҕана арааһынай быы-
бардар буолаллара. Онно быыбардааччылар испииһэктэрин бэйэм оҥорон ыйыырым.
Сельсовет депутатынан уон биир төгүл быыбарданан үлэлээбитим.
Солбуйар бэрэссэдээтэлинэн үлэлээбит депутат Шергин З.И. хас да сыл устатыгар
нэһилиэккэ ыытьилар үлэлэргэ, ордук бэрээдэккэ, туох баар сыратын ууран туран, пен-
сияҕа тахсан да баран үлэлээбитэ. Совекка мин бииргэ үлэлээбит дьоммуттан билигин
суохтар, сорох дьонум эдэр саастарыгар суох буолбутгара, ону санаатахпына хараастабын.
Биэнсийэҕэ тахсарбар, 1982 сыллаахха 50 сааспын туолбуппар бииргэ үлэлээбит дьо-
нум Хатдеев Иннокентий Андреевич сачайан, райсоветым, аймахтарым, табаарыстарым,
сопхуоһум салалтата, нэһилиэгим дьоно бэртээхэй үбүлүөйү тэрийбиттэрэ, сыанатаах
бэлэхтэри туттарбыттара. Элбэх сыллаах үлэбин чиэстээбитгэрин махтана ахтабын.
Үлэлээбит кэмнэрбэр Уус Атданнааҕы РК КПСС, райсовет исполкомун ааттарыт-
тан уон төгүл бочуотунай грамоталарынан наҕараадаламмытым, олохтоох парткомтан,
советтан элбэх грамоталары, махтал суруктары ылбытым.
Мин кэргэним Федоров Илья Ильич 1930 сыллаах этэ. 1973 сыл ыарахан ыарыытган
тымыра быстан, эмискэ олохтон туораабыта. Кини Дүпсүн ТМС-гар, холкуоска ула-
хан тыраахтарга үлэлээбитэ, бастыҥ тырахтарыыс аатын сүкпүтэ. Туох баар техникаҕа
барытыгар дьоҕурдаах этэ, үчүгэй сваргцик, электростанцияҕа дизелиһинэн үлэлээ-
битэ. Мас, тимир оҥоһуктары оҥорор уус, худуоһунньук талааннааҕа. Хартыына оҥо-
рон дьоҥҥо бэлэхтиирэ. Үчүгэй сааһыт. Кини сатаабатаҕа суох буолара, табаарыстара
кэлэн матасыыкылларын оҥорторон бараллара. Сытыары-сымнаҕас майгылааҕа. 1962
сылтан өлүөр диэри КПСС чилиэнинэн сылдьыбыта.
Кыыһым Софья Ильинична 1966 сыллаах төрүөх, билигин пенсияҕа тахсан олорор,
сиэнин, сүөһүтүн көрөр. Саха Өрөспүүбүлүкэтин доруобуйатын харыстабылын туйгу-
на. 27 сыл Дүпсүн балыыһатыгар акушерканан үлэлээбитэ. Үс оҕолоох, кэргэннээх.
Кэргэнэ Сивцев Семен Навомирович — Дүпсүннээҕи баһаарнай чаас охранаҕа хара-
была. Үс сиэннээхтэр. Аччыгый сиэним сэттис кылааска үөрэнэр. Улахан оҕолорбут
куоракка олороллор.
Мин бэйэм 88 сааспын туоллум, өссө да олоро түспүт киһи диэн баҕалаахпын, пен-
сиябынан оҕолорбор көмөлөһүөм этэ.
Бар дьонум бары дьоллоохтук олоруҥ, дьоллоох буолуҥ.

Сивцева Татьяна Константиновна

Уус Алдан улууһугар уруккунан II Өспөх нэһилиэгэр киирсэр, сир дойду үөскүөҕүт-
тэн баар буолбут үтүө алаастардаах, төгүрүччү оттонор ходуһалардаах, көтөр-сүүрэр,
ынах-сылгы сүөһү сөбүлээн, кыһынын-сайынын тоҕуоруспут сыһыылардаах, үүт-сүө-
гэй аллыбыт быйаҥнаах сирдээх, күөҕүнэн суугунуур баай хара тыалардаах, төгүрүччү
алаастарынан эргийэ сытар үрдүк томтор сиргэ советскай былаас бастакы сыллары-
гар артыаллар, холкуостар тэриллэн барбыттара. 1931 сыллаахха «Күөх Көрдүгэн»
холкуос тэриллибитэ. Бэрэссэдээтэлинэн Азексеев Афанасий Лукич буолбута. Хол-
куоска 35 төбө ынах сүөһүнү, 88 сылгыны холбоон холбоспуттара. 1940 сыллаах-
ха типовой хотонноох, оттуур техникалаах туруктаах хаһаайыстыба буолбута. Саха
Өрөспүүбүлүкэтэ тэриллибитэ 20 сыллаах үбүлүөйүнэн сибээстээн, былааны 120%
толорон Бочуот кинигэтигэр суруллубута.
Мин 1934 сыллаахха Бойбох алааска күн сирин көрбүтүм. Аҕам Сивцев Константин
Романович (1908-1976 сс.) 33 сыл устата сылгыһытынан үлэлээн, өрөспүүбүлүкэ «Бо-
чуотун дуоскатыгар» тахсыбыта, элбэх мэтээллэр кавалердара, үлэ ударнига.

178