Page 180 - Сэрии кэмин оҕолоро 1 кинигэ

АҮПСҮН нэһилиэгэ

Константиновна айьшҕаттан бэриллибит дьикти талаана тас эйгэҕэ тахсыбакка хаалла.
Кинилэр үс уол, биир кыыс оҕолоохтор, алта сиэннээхтэр, икки хос сиэннээхтэр.
«Сэрии ыар сылларыгар сайынын атах сыгынньах сылдьан уу баһан, мас хомуйан,
ньирэй тутан, ынах хомуйан сылдьыбыппыт. Тымныы күннэргэ сүөһү саахтаатаҕына
сүүрэн тиийэн атахпытын иттэрбит. Убайдарбыт кус оҕолоон, күөл хамыһынан оҕуста-
ры үүрдэрэр этилэр, моҕотойу үүрдэрэн оту-маһы үрдүнэн сүүрэн атахпытын хайыта
түһэр да этибит. Д ю ити курдук оонньооботох оҕо сааспыт сэрии сылларыгар ааспыта».
Румянцева Анна Константиновна — үлэ, тыыл бэтэрээнэ, нэһилиэк бочуотгаах
олохтооҕо, «УСЭС кылаатын иһин» бэлиэ хаһаайына.
Сивцева Татьяна Константиновна,
тыыл, үлэ бэтэрээнэ, улуус, нэһилиэк бочуоттаах олохтооҕо,
КПСС чилиэнэ, СӨ үтүөлээх зоотехнига,
тыа хаһааиыстыбатын туйгуна
Дүпсүн, 20.08.2020 с.

Саввина Анна Васильевна

Мин 1932 сыллаахха тохсунньу аам-даам тымныытыгар
II Өсгюх Чаарыс диэн алааһыгар эһэм Саввин Дьуона оҕонньор
балаҕаныгар күн сирин көрбүт эбиппин. Төрөппүт аҕам Саввин
Василий Ионович 1900 сыллаахха төрөөбүт, бэрт бөдөҥ-садаҥ
көрүҥнээх, кыһыл хааннаах киһи курдук өйдүүбүн. Оскуолаҕа
үөрэммэтэх буолан баран, бииргэ төрөөбүт быраата Егор Ионович
ааҕарга, суруйарга үөрэппит, онон суруксут буолбут. Чэриктэй,
Өспөх нэһилиэктэригэр хас да сылларга суруксутунан үлэлээбит,
улахан дьону суруйарга, ааҕарга үөрэппит. Онтон Чэриктэй «Ыч-
чат суола» холкуоска суотчутунан, ферма сэбиэдиссэйинэн үлэ-
лии сырытгаҕына, Аҕа дойду сэриитэ буолар.
1942 сыллаахха бэс ыйыгар Ийэ дойдутун көмүскэлигэр бэ-
биэскэ тутан сэриигэ барар. Аҕам сэриигэ барарыгар аарыма кырдьаҕас ийэлээх аҕата
хаалбыттара. Улахан оҕото сэллик ыарыыга ыалдьан суорҕан-тэллэх киһитэ буолан
хаалбыта, ол сыл күһүнүгэр өлөөхтөөбүтэ. Сэтгис кылааһы бүтэрбит Петр диэн уол
этэ. Эдьиийим Быраскыай диэн, түөрт кылаас үөрэхтээх кыыс, сэрии буолан үөрэммэ-
тэҕэ, эһэлээх эбэбитин көрөн хаалбыта. Быраатым Баһылай аҕата сэриигэ барарыгар
түөрт саастаах оҕо этэ, мин уон саастааҕым. Кыра эрдэхпиттэн сүрэх ыарыһах буо-
лан, икки сыл быраастарга көрдөрөн үөрэхтэн сыыйан, үөрэммэккэ хаалан, олорор оҕо
этим. Онтон убайым Егор Ионович II Өспөх оскуолатыгар учууталынан ананан кэлэн,
миигин бэйэтигэр олордон маҥнайгы кылааска үөрэтэ илдьэ барбыта. Дьэ онтон ыла
хас да оскуолаҕа үөрэнэн, онус кылааһы 1953 сыллаахха бүтэрбитим.
Төрөппүт ийэм Бурнашева Вера Яковлевна, үөрэҕэ суох, сааһын тухары холкуос
араас үлэтигэр, элбэх сылларга ыанньыксытынан үлэлээбитэ. Сэрии сут сылларыгар
оҕолорун иитээри биир күн сынньаммакка үлэлээхтиир этэ. Ийэм, ити кыһалҕалаах
сылларга хорсун дьахтар буолан, биир ынаҕы эспэккэ кэлэн, күн бүгүнүгэр диэри
сүөһүлэнэн олоробут. Сэрии сут сылларыгар ийэм эрэйдээхтиин оҕуһунан Чэрик-
тэйгэ сир хорута барар этибит. Мин оҕус сиэтээччи буоларым. Оҕус көстүбэт бырдаҕа
түһэрэ, айахпытыгар, муннубутугар симиллэрэ. Аны ону таһынан аһыҥка хара былыт
курдук көтөрө. ырбаахыбыт сыыһа толору аһыҥка буолара. Биһиги истиэнэ барыта
чэҥ муус буолбут эргэ ферма дьиэлэригэр хас да дьукаах буолан бэрт иллээхтик оло-
роохтуурбут.
Чэриктэй начальнай оскуолатыгар үөрэнэрбитигэр нэдиэлэҕэ сиир бурдукпутун
сынньалаҥҥа кэлэн суорунаҕа тардынан, сарсыарда эрдэ хараҥаҕа туран, 7 км сиргэ

176