Page 184 - Сэрии кэмин оҕолоро 1 кинигэ

АҮПСҮН нэһилиэгэ

Аҕабыт Ааллаах Үүҥнэ көлүүр атгары көрөр-аһатар куонньугунан 3 сыл сылдьыбы-
та. Ити сылларга ийэм соҕотоҕун элбэх оҕотун үлэлии-үлэлии көрөн-харайан олорбута.
Убайдарбыттан Егор Константинович, үрдүк үөрэхтэнэн, партийнай үлэһит буолбута.
Орто убайым Иннокентий Константинович, 1930 сыллаах төрүөх, оскуолаҕа хойутаан
киирбитэ, үөрэммитэ. Кини сэрии кэмигэр обороннай суолталаах балык фронугар үлэ-
лээбитэ. Кэлин салгыы үөрэнэн, СГУ саха тылын уонна литературатын салаатын бүтэр-
битэ, «Бочуот знага» орден кавалера, старшай учуутал, үгүс кинигэ ааптара. Аччыгый
убайым Петр Константинович 1932 сыллаахха төрөөбүтэ, СГУ саха салаатын бүтэрэн,
идэтинэн учууталлаабыта. I разрядтаах саахыматчыт, корреспондент, пропагандист.
Убайдарым барахсаттар сэниэ ыаллар астарыгар ымсыырар да этилэр, оскуолаттан кэ-
лэн иһэн үтүлүктэрин түөрэх быраҕан кэлэллэрэ: баҕар, ким эмэ ас бэрсиэ диэн. Аҕабыт
Ааллаах Үүҥҥэ сырыттаҕына, түүҥҥү хаартыһытгар атын уоран ылан көлөтүннэрэн
өлөрбүтгэр, ону аҕабыттан төлөттөрөн, дьиэбитин былдьаан ылбыттара. Биһиги тусаһаҕа
туран хаалбыппыт, биир ынахтаах этибит, ол үүтүн иһэн тыыннаах хаалбыппыт буолуо.
1945 сыллаахха «Көрдүгэн» холкуос Кыайыы күнүнэн бырааһынньык оҥорбута.
Онно элбэх уордьаннаах, мэтээллээх дьоннор бааллара. Оҕолор батыһа сылдьан көр-
бүппүт. Биһиги дьоммут элбэх буолан балаҕаҥҥа кыстаабыппыт. Арай биир сарсыарда
утуйан турбутум: байыаннай таҥастаах, түөһэ барыта мэтээл киһи кэлбитэ. Нуучча-
лыы, сахалыы кута-симэ олорор этэ. Ити Сыроватскай Николай Платонович эбит.
Кини Япония сэриитигэр ыстыыгынан киирсиигэ сылдьыбыт.
Сэрии ыар сылларыгар дьоммутун кытары тэҥинэн сылдьан үлэлээбиппит. Оҕус
сиэтэн, от мунньан, сиэмэ итигэстээн туттарар этибит. Мэлдьи аччык сылдьарбыт.
Мин оскуолаҕа хойутаан, 1947 сыллаахха киирбитим. Ол сылдьан хараҕым ыалдьан
уурайбытым. Нөҥүө сылыгар үөрэнэ киирбитим. Нэдиэлэҕэ аһыыр аспытын ийэбит
нуормалаан биэрэрэ. Кыра бурдук сыыһынан тар уонна хааһы оҥостон сиирбит уонна
иэдьэгэйдээх эбэтэр эпсээҥкэ бурдугунан оҥоһуллубут лэппиэскэ дуома буолааччы,
оо аччыктыыр да этибит. Дүпсүн орто оскуолатын бүтэрэн, үс сыл комсомольскай
путевканан ыанньыксытынан үлэлээн баран, ДьТХТ бүтэрэн, зоотехник идэтин ылан,
Герой Егоров аатынан холкуоска икки сыл племенной үлэ зоотехнигынан үлэлээн
баран, төрөөбүт дойдубар Дүпсүҥҥэ кэлэн, Бээди биригээдэтигэр зоотехник-биригэ-
дьииринэн үлэлээбитим. Онтон 10 сыл Бээди отделениетын управляющайынын үлэ-
лээн пенсияҕа тахсыбытым. Мин сүрүннээн сүөһү боруодатын тупсарыыга болҕомто-
бун уурбутум. Ол түмүгэр үүтү, эти оҥорууга үрдүк көрдөрүүнү ситиспитим. Улууска,
өрөспүүбүлүкэҕэ биллибитэ. 1965 сыллаахха дойдум уолугар Васильев Дмитрий Пе-
тровичка кэргэн тахсан, 37 сыл бииргэ олорбуппут (1937-2002 сс.). Кини сэттэ төгүл
чемпион сылгыһы г аатын ылбыта, сылгы боруодатын лаппа тупсарбыта. Икки кыыс-
таахпыт, уол оҕолоохпут, сэттэ сиэннээхпит, түөрт хос сиэннээхпит.

Сивцева Екатерина Дмитриевна

Мин 1938 сыллаахха от ыйын 8 күнүгэр Найахыга бааһынай
дьиэ кэргэҥҥэ төрөөбүтүм. Кыра сырыттахпына, аҕам сэриит-
тэн кэлэн баран, эмискэ ууга түһэн өлбүтэ. Онон 3 саастаахпар
ийэбинээн тулаайах хаалбыппыт. Онтон ийэм 8 саастаахпар Бо-
сиков Сергей Кириллович диэн киһиэхэ кэргэн тахсан, «Сонун
Олох» диэн холкуоска көһөн кэлбиппит. Онно оскуола ыраах
буолан үөрэммэтэҕим. Ас-таҥас суох этэ. Ийэм 9-10 сааспыттан
ыалга оҕо көрдөрбүтэ. Икки сыл онно аһаан, оҕо көрөн биир
сиидэс ырбаахы кэтэппиттэрэ. Мин кыаҕым баарынан үлэлиир
этим. Иһит, муоста, оҕо таҥаһын сууйар этим. Түүн аайы ийэ-
бин ахтан ытыырым.

180