Page 185 - Сэрии кэмин оҕолоро 1 кинигэ

АҮПСҮН нэһилиэгэ

12 сааспар ийэбинээн хотоҥҥо бииргэ үлэлиир этибит. Сайын окко оҕус сиэтэр, бу-
гул түгэҕин харбыыр этим. Улахан дьону кытта тэҥҥэ күн киириэр диэри үлУтиирим.
Оҕо сааспын үлэҕэ атаарбытым. 14 сааспыттан субай сүөһүгэ хас да сыл үлэлээбитим.
Онтон 16 саастаахпар «Маркс» холкуоска ыанньыксыттыы сылдьаммын, суорумньунан
Сивцев Василий Ивановичка кэргэн тахсыбытым. Ити 1954 сыллаахха этэ. Онтон ыла
«Октябрь» холкуоска, «Дүпсүн» сопхуоска ыанньыксытынан үлэлээбитим.
«Дүпсүн» сопхуоска ыанньыксытынан үлэлии сьщдьан биир бастыҥнар ахсаанна-
рыгар киирбитим. Ол курдук, биир ынахтан 2500 л үүтү ыабытым, хас да сыл «Чараҥ»
фермаҕа старшайынан үлэлээбитим. Социалистическай куоталаһыы кыайыылааҕа буо-
лан, өрөспүүбүлүкэ тэлэбиидэнньэтигэр араадьыйатыгар, оройуон хаһыатыгар кол-
лектив үлэтэ бэлиэтэммитэ. Оройуон бастыҥнарын слеттарыгар кыттыыны ылбытым.
Элбэх бочуотунай грамоталарынан, сыаналаах бэлэхтэринэн наҕараадатаммытым. Би-
лигин бочуоттаах сынньалаҥҥа биэнсийэҕэ тахсан олоробун. Үлэ бэтэрээнэ буолбу-
тум. 7 оҕолоохпун, бары ыал ийэтэ-аҕата, үлэһит дьон. Барыта 20 сиэн, 26 хос сиэн
эбэтэ, хос эбэтэ буолан, Дьокуускай куоракка дьоллоохтук олоробун.
Баяаҕан ыйа, 2020 сыл
Дьокуускай

Слепцова (Ушницкая) Татьяна Ивановна

Мин 1934 сыллаахха Уус Алдан оройуонун Дүпсүн нэһилиэгэр Наара диэн алааска
улахан сут-кураан сылларга ахсыс оҕонон төрөөбүтүм. Аҕабыт Ушницкай Иван Васи-
льевич, холкуос бастыҥ үлэһитэ, 1938 сыллаахха сүрэҕэ тохтоон өлбүтэ. Ийэм Уш-
ницкая Матрена Михайловна 1887 сыллааҕы төрүөх. Кини 40 тахса сыл холкуоска
ыанньыксыттаан үчүгэй үлэтинэн «Үлэҕэ килбиэнин иһин» Сталин мэтээлинэн наҕа-
раадаламмыта. 1987 сыллаахха ийэм күн сириттэн өлөн туораабыта.
Сэрии кэмнэригэр ферматтан сылдьан оскуолаҕа үөрэммитим. Тоҥуу-хатыы, аччык-
тааһын бөҕө, көстөн ордук сиртэн сылдьан үөрэммиппит. Оскуолаттан тиийээт, хо-
тоҥҥо тахсан ийэбитигэр көмөлөһөрбүт. Уот суох буолан тымтык тутарбыт. Ол кэмҥэ
олохтоох оҕолору интэринээккэ адьас ылбаттара. Ол иһин 8 кылааһы бүтэрээт, ком-
сомол путевкатынан холкуоска ыанньыксытынан үлэлии тахсыбытым. Үчүгэй үлэлээх
буолан, нэһилиэк депутатынан талбытгара.
1960 сыллаахха Дьокуускайдааҕы кооперативнай техникуму бүтэрэн, атыылааччы
идэтин баһылаан, 26 аҥаар сыл эҥкилэ суох биир тэрилтэҕэ идэбинэн үлэлээтим.
Түүннэри-күннэри ас-таҥас, дьиэ тэрилин: тэлэбиисэри, стиральнай массыынаны,
араас импортнай табаардары аҕалан нэһилиэнньэҕэ атыылыырбыт. Өрөбүл күннэрби-
тигэр фермаҕа ыанньыксыттары солбуйарбыт. Сүөһү өлөрүүтүгэр, ферма хотонун хаа-
рын түһэриитигэр, быа хатыытыгар субуотунньуктарга кыттарбыт. Үлэбэр бэриллибит
былааны сыл аайы аһара толорорум. 1976 сыллаахха «Социалистическай куоталаһыы
кыайыылааҕа» бэлиэнэн, 1981 сыллаахха «Үлэҕэ килбиэнин» иһин мэтээлинэн, 1985
сыллаахха «кооперация туйгуна», 1986 сыллаахха «XI пятилетка ударнига» бэлиэлэ-
ринэн, 2003 сылга «Холбос» үбүлүөйүнэй мэтээлинэн наҕараадаламмытым.
Эдэр эрдэхпинэ хайыһар спордунан үлүһүйэн дьарыктаммытым. «Урожай» спортив-
най общество 5-8 км абсолютнай чемпионката этим. Сибиир уонна Дальнай Восток
зонатыгар хайыһарга Красноярскай куоракка Саха сирин чиэһин көмүскээбитим. Урут
оройуоннай күрэхтэһиилэргэ слалом, скоростной спуск диэн хайыһар көрүҥнэригэр
кыгган бастыырым.
27.02.2020 с.

181