Page 189 - Сэрии кэмин оҕолоро 1 кинигэ
P. 189
АҮПСҮН нэһилиэгэ
куурустарын ситиһиилээхтик бүтэрэн, сиэстэрэ дипломун ыл-
бытым. Ол кэннэ дьиэ кэргэн балаһыанньатынан, Дабаадымаҕа
дьааһыла-саадка сиэстэрэнэн анаммытым. Кыра оҕолор доруо-
бай буолалларын туһугар ис дууһабытган кыһаллан үлэлээби-
тим. Ити кэннэ Дүпсүн участковай балыыһатыгар стационар-
най сиэстэрэнэн ананан, бочуоттаах сынньалаҥҥа тахсыахпар
диэри үлэлээбитим. Үлэлиир кэмнэрбэр кыраҕа-кырдьаҕаска
кыһамньылаахтык, үлэбэр эппиэтинэстээхтик, бэйэбэр ирдэ-
биллээхтик сыһыаннаһарым. Ол түмүгэ — оройуоннааҕы до-
руобуйа харыстабылын, профсоюз комитетын, нэһилиэк сэбиэ-
тин, балыыһа тэрилтэтин грамоталара, махтал суруктара, дьон
махтала буолаллар. Дьүөгэм Варвара Прибылых мин туспунан
маннык ахтан турар: «Оҕо сааспыттан орооһон, алта уонус сыллартан, оҕо иитиитигэр
үөрэтэн, кыһалҕабар холбоһон, үөрүүбүн үллэстэн, үтүө дьүөгэ буолбуккар, эйэҕэс
эдьиий дэтэн үгүс сүбэҕэр кыттыһан, нарын-намчы илиигиттэн элбэх укуолу ылам-
мын, үгүс эми иһэммин, сүһүөхтээх бэйэм сүгүрүйэн тураммын үтүө-мааны алгыспын
аныыбын». Балыыһам иһинэн ыытыллыбыт «Идэтигэр бастыҥ» куонкуруска кыайыы-
лааҕынан, пятилетка ударнигынан, социалистическай куоталаһыы бастыҥынан тах-
сан, миэбэл фондатынан наҕараадаламмытым. Мин аҥаардас сиэстэрэм үлэтинэн эрэ
муҥурдаммакка, нэһилиэк үлэтигэр элбэхтик кыттыспытым, наставник быһыытынан
эдэр коллегаларбар сүбэ-ама биэрэн, ханнык баҕарар ыарахан түгэҥҥэ көмөлөһөн кэл-
битим. Оройуоҥҥа, нэһилиэккэ, тэрилтэҕэ, зонаҕа ыытыллар бары тэрээһиннэргэ, су-
буотунньуктарга өрүү кыттарым, дьону түмэн үлэлэтэр, кытыарар этим.
Ийэм эрдэ өлөн, бииргэ төрөөбүт 8 балтыбын, бырааппын аҕабын кытта көрөн-ис-
тэн улаатыннартаабытым, үөрэхтээх, үлэһит дьон оҥортообутум. Билигин бары ыал
буолан, оҕо-уруу тэринэн, эбэ-эһэ буолан олороллоруттан үөрэбин эрэ. Кэргэним
Федор Иванович өр кэмҥэ сопхуос салайар үлэтигэр үлэлээбитэ, билигин бочуот-
таах сынньалаҥҥа олорор, 5 оҕолоохпут, элбэх сиэннээхпит, хос сиэннээхпит. Улахан
уол Александр Киевтээҕи физкультурнай институту бүтэрбитэ, тустууга спорт мааста-
ра, эдэрдэргэ ССРС чемпиона, оһолго түбэһэн хомолтолоохтук күн сириттэн барбы-
та. Улахан кыыс Анастасия, бэйэм суолбун батыһан, медик идэлээх, Мүрү 1 №-дээх
оскуолатын фельдшерэ, Саха Өрөспүүбүлүкэтин доруобуйатын харыстабылын туйгу-
на, кэргэннээх, 4 оҕолоох. Орто кыыс Ольга идэтинэн үрдүк үөрэхтээх, алын сүһүөх
кылаас учуутала, Саха Өрөспүүбүлүкэтин үөрэҕириитин туйгуна, кэргэннээх, 2 оҕо-
лоох. Кыра кыыс Ньургуйаана үрдүк үөрэхтээх юрист, иккис үөрэҕинэн детсад иитээч-
читэ, 3 кыыс оҕолоох, 3 кыыс сиэннээх, Дүпсүннээҕи «Сардаҥа» детсад иитээччитэ.
Кыра уол Федор, физкультура үөрэҕин бүтэрэн, тустуу тренерэ идэлээх, уол оҕолоох,
кыыс сиэннээх. Саамай улахан сиэним Сережа СГУ геолого-географическай факуль-
тетын бүтэрбитэ, кэргэннээх 2 оҕолоох, чааһынай тэрилтэлээх. Марианна, оскуоланы
кыһыл көмүс мэтээлинэн бүтэрэн, ХИФУ-га тэҥинэн 2 факультеты бүтэрэн, Саха
Өрөспүүбүлэкитин ГУП ЖКХ тэрилтэ кылаабынай специатиһа. Роза оскуоланы үрүҥ
көмүс мэтээлинэн бүтэрбитэ, ХИФУ мединститутун, онтон Санкт Петербурга меди-
цина институтун магистратуратын туйгуннук бүтэрэн, билигин Майатааҕы балыыһа
акушер-гинеколог бырааһа. Сардаана эмиэ оскуоланы эдьиийин курдук кыһьш көмүс
мэтээлинэн бүтэрбитэ, сатгыы ХИФУ математика-информатика институтун бүтэрэн
чааһынай тэрилтэ үлэһитэ. Дьулустаан ХИФУ автодорожнай факультетын бүтэрбитэ.
Маша тыа хаһаайыстыбатын үлэһитэ идэлээх. Костя ХИФУ Мииринэйдээҕи филиаты-
гар нефть уонна газ факультетын быйыл бүтэрдэ. Ньургуйаана — тыл уонна культура
факультетын устудьуона, Василиса 11 кылааска, Настенька 7 кылааска үөрэнэллэр. Хос
сиэннэрэ: 3 үөрэнээччи, 2 детсад иитиллээччитэ. Мин кэргэмминээн Федор Ивано-
вичтыын оҕолорбутугар, сиэннэрбитигэр, бары аймахтарбытыгар билигин даҕаны күүс-
көмө, сүбэ-ама буолабыт. Нэһилиэк кырдьаҕастарын тэрээһинигэр өрүү кытгабыт.
185
