Page 190 - Сэрии кэмин оҕолоро 1 кинигэ
P. 190
ДҮПСҮН нэһилиэгэ
Дабаадыма дьааһылатыгар, балыыһаҕа үлэлээбит сылларбын наһаа күндүтүк са-
ныыбын, элбэх үтүө майгылаах, үлэһит дьону кытта алтыспыппыттан дуоһуйабын,
астынабын, өрүү ахтабын-саныыбын. Үлэбин сыаналаан, «Саха Өрөспүүбүлүкэтин до-
руобуйатын харыстабылын туйгуна» бэлиэлээхпин, махтал сурукгар, грамоталар элбэх-
тэр. Ол эрээри ыарыһахтарым, бииргэ үлэлээбит дьонум, ыалларым махталлара миэхэ
туохтааҕар да ордук күндү.
Стрекаловскай Фёдор Иванович
Мин 1940 сыллаахха балаҕан ыйын 16 күнүгэр Тэбиик нэһи-
лиэгэр Оҕус тириитэ диэн алаас үрдүгэр турар саха балаҕаны-
гар төрөөбүтүм. Ийэм Стрекаловская Анастасия Федоровна,
Чэриктэйтэн төрүттээх Көмүс оҕонньор ортоку кыыһа. Аҕам,
Остуойкаттан төрүттээх Биэчэ Уйбаанчыга диэн оҕонньор ик-
кис уола Стрекаловскай Иван Иванович. Кини мин биир саас-
таахпар ыалдьан өлбүт. Онон мин биир саастаахпар, убайым
2 саастааҕар аҕата суох тулаайах хаалан, ийэбит иккиэммитин
көрөн-истэн, бүөбэйдээн сүһүөхпүтүгэр туруорбута. 1946 сыл-
лаахха олохтоох киһиэхэ кэргэн тахсан, иитэр, көрөр-истэр
аҕаламмыппыт. 1949 с. Дүпсүн сэттэ кылаастаах оскуолаты-
гар ньолобуой кылааска үөрэнэ киирбитим. Төрдүс кылаастан
сайын холкуоска от, ыһыы үлэтигэр, көлө сиэтээччинэн, саас бааһыналарга ноһуом
таһыытыгар каникулбут кэмигэр үлэлиирбит. 1957 с. сэттис кылааһы бүтэрбитим.
1957-1958 сс. үөрэх дьылыгар ахсыс кылааска бастакы чиэппэргэ үөрэнэн түмүкпүтүн
истибиппит. Иккис чиэппэргэ саҥа үөрэнэн истэхпитинэ, оскуола администрация-
та педсовет быһаарыытынан үөрэхпиттэн тохтотон кэбиспиттэрэ. Мин уһуну-киэҥи
толкуйдуу барбатаҕым. 3 күн иһинэн оскуолаттан тохтотуллан баран, Бороҕоҥҥо киэ-
һээҥҥи оскуолаҕа үөрэнэ киирбитим уонна онно тута Бороҕоннооҕу промкомбинат-
ка үлэлии-үлэлии үөрэммитим. 1959 с. 8 кылааһы бүтэрбитим. Ити сыл бэс ыйын
бүтүүтүгэр 18-с сааспын туолан, армияҕа ьпгырыллан сулууспалыы барбытым. Армияҕа
1959 сыл бэс ыйын 26 күнүттэн 1962 сыл батаҕан ыйын 13 күнүгэр диэри сулууспалаа-
бытым. Биһиги оройуонтан элбэх этибит. Дүпсүнтэн Слепцов Николай Васильевич,
Илларионов Дмитрий Алексеевич, Федоров Василий Васильевич, Жирков Семен Его-
рович уонна мин. Армияттан кэлэн баран Бороҕоҥҥо промкомбинакка сантехнигынан
үлэлии-үлэлии киэһээҥҥи оскуоланы үөрэнэн бүтэрбитим. 1964 сьшлаахха тутуу маас-
тарыгар үөрэнэн Дьокуускайга ЯкуттяжСтрой СМУ-1 тэрилтэ иһинэн горком дьиэтин
тутуутугар уонна маҥнайгы нүөмэрдээх поликлиника тутуутугар биригэдьииринэн үлэ-
лээбитим. Нууччатар, сахатар, молдованнар, онтон да атын булкааһык биригээдэни
маастардаан, биригэдьииринэн үлэлээбитим. Онтон Алдаҥҥа «Аллараа Кураанахха»
обогатительнай комбинакка үлэһиттэр олорор уопсай дьиэлэрин тутуутугар СМУ-1
тэрилтэҕэ үлэлээбитим. Алдантан 1966 сыллаахха Дүпсүҥҥэ кэлэн бастаан оскуолаҕа
сантехниктаабытым, хачыгаардаабытым. 1967 с. «Октябрь» холкуос иһинэн оройуоҥҥа
межколхозстрой тэрилтэ «Дабаадыма» учаастагар кулууп тутуутугар маастардаабытым.
Кулууп көҥдөйө бүтэн эрдэҕинэ, «Октябрь» холкуос салалтата Чэриктэйгэ көһөрүл-
лэринэн тохтотон кэбиспитгэрэ. Сонно тута межколхозстрой Өнөргө 2 этээстээх саҥа
оскуола тутуутугар «Октябрь-3» биригээдэтин, биһигини, ыыппыттара. Мин биригэ-
дьиирдээбитим. Өнөр оскуолата бүппүтэ. Биригээдэм дьоно уурайан, холкуостарыгар
үлэлии хаалбыттара. Миигин межколхозстрой администрацията Өспөххө 2 этээстээх
оскуола тутуутугар прорабынан ыыппыта. Мин Өспөх оскуолатын муостатын, паро-
вой отоплениетын уонна электрическэй уотун тартарбытым. Оскуолаттан бүтэн ба-
ран, «Октябрь» холкуоска капитальнай өрөмүөн прорабынан 1968 сылтан үлэлээбитим.
186
