Page 221 - Уйбаан Бахсылыырап. Сэрии кэмин оҕолоро - эйэлээх олох уустара
P. 221
лыы балаҕан туттан, мин саныахпар олус дуоһуйан нус-хас олороллор. Ийэлэ-
эх аҕабыт төрөөбүт күннэригэр оҕолоро, сиэннэрэ хайаан да мустабыт уонна
онтон бары да астынабыт. Аҕабыт аныгы үйэҕэ техника сайдыытыттан олох
хаалсыан баҕарбат, массыынатын сотору-сотору уларытар. Оччоҕуна ордук
сиэннэрэ үөрэллэр. Төһө да сааһырдар массыына, трактор уруулуттан билигин
да илиитин араара илик. Даалыларга ардыгар саамай наадалаах киһи кини
буолар. Эдэр-сэнэх сылдьан аҕабыт бэйэтин кыанар киһи этэ, ол да иһин
билиҥҥээҥҥэ диэри техникаттан арахсыбакка сырыттаҕа. Аҕабыт телевизоры
көрөн, хаһыаты ааҕан аан дойдуга, Россияҕа, төрөөбүт Сахатын сиригэр туох
буоларын билэ олорор. Биһиги кэллэхпитинэ сонуннарын кэпсии тоһуйар.
Аҕабыт эрдэ тулаайах хаалбыт буолан оҕо сааһын уйадыйа ахтааччы. Кини
олоҕун устата булгуруйбат күүстээх санаанан олох олорон кэлбит киһинэн
буолар. Онтон ийэбит элбэх оҕоттон соҕотох тыыннаах хаалан, ыал буолан,
биһиэхэ элбэх оҕоҕо күн сирин көрдөрбүт күндүттэн күндү Күн Күбэй Ки-
һибит! Ийэлээх аҕабыт сэрии сылларыгар, ол да кэнниттэн эрэйдээхтик улаап-
пыт, үөрэхтэн маппыт буоланнар, биһигини төһө күүстэрэ кыайарынан үөрэт-
тэрэ сатаабыттара, дьон оҥорбуттара. Онно барытыгар кинилэр бэйэлэрэ
тэриммит сүөһүлэрэ-астара уонна үлэһит бэртэрэ буолбуттара төһүү күүс
буолбута саарбаҕа суох. Билигин баар оҕолор бары дьон тэҥинэн олорорбу-
туттан ийэлээх аҕабыт саха дьонун сиэринэн сэмээр үөрэллэр, астыналлар.
Аҕам кэнники сылларга бииргэ төрөөбүттэрин оҕолорун эмиэ бэйэтин
тула муста. Ити үүнэр ыччакка удьуор утумун салгыырга, аймаҕынан иллээх-
эйэлээх буоларга иитэр-үөрэтэр.
Төрөппүттэрбит үйэлэрэ өссө уһаан хос сиэннэрин элбэҕи көрүөхтэрин
баҕарабыт. Кинилэр элбэх оҕолонон-урууланан, үлэни үрдүктүк тутан, уруу-
аймах дьонноругар үтүө майгыларынан дьоһуннаахтык олох олорон кэлли-
лэр диэн киэн тутта ахтабыт.
Михаил Афанасьевич Копырин, улахан уоллара,
“Уус-Алдан суоллара” тэрилтэ салайааччыта,
СР бочуоттаах суол тутааччыта,
НЭҺИЛИЭК БАСТАКЫ УЧУУТАЛА
У.Я.Аргунованы сэттэ уонус сыллар ортолоруттан билэбин диэххэ сөп. Сэ-
рии кэмин оҕолорун туһунан кинигэ оҥорор сыалбын сорук оҥостон, быйыл саас
(2012 сыл) Танданан, Тиит-Арыынан, Бээрийэнэн айанныы сылдьан Устинья Яков-
леваны анаан көрсубутум. Сааһырбыт, онно эбии өттугун эчэтэн кэлээскэҕэ
олорор киһиэхэ ахтыыгын суруйан аҕал диир табыгаһа суоҕун өйдөөн, кэпсэ-
тэммин, кини кэпсээнин бэлиэтэнэн ылбытым. “Сааһыраммын уонна өрүү ыал-
дьар, эмтэнэр буолан умнуган буоллум. Ити одоҥ-додоҥ кэпсээбиппин бэйэҥ на-
диэбитэ кырдьаҕас педагог. Ону сэргэ урут суруллубут хас
рылаан суруйаар ”, —
да матырыйаалы, хаартыскалары биэрбитэ. Онон билсиҥ, II Байаҕантай (би-
лиҥҥинэн Тиит-Арыы) нэһилиэгин төрүт олохтооҕо Устинья Яковлева Аргунова
кэпсээнин.
Төрдү-ууһу түөстэххэ, ааспыты аҕыннахха
Иккис Байаҕантай нэһилиэгэр үөһээ үрэх диэн сиргэ олохтоох Хоной
уола Хороһоох Дьаакып — Аргунов Яков Иннокентьевич 1904 сыллаахха
төрөөбүт киһи. Төрөппүттэрэ оччотооҕу кыһарҕаннаах сахха саха ыалын сиэ-
ринэн элбэх оҕоломмуттарыттан бииргэ төрөөбүттэр төрдүөйэх эрэ хаалан
217
