Page 230 - Уйбаан Бахсылыырап. Сэрии кэмин оҕолоро - эйэлээх олох уустара

I

Мотрена Михайловна, Иван Константи- Мария Ивановна
нович Новгородовтар. 1937 с. Новгородова

Мин 1979 сыллаахха күһүн атырдьах ыйыгар Хомустаах бөһүөлэгэр ки-
номеханигынан ананан, бу иннинэ үлэлээбит Бээрийэм нэһилиэгиттэн дьиэ
кэргэмминээн көһөн кэлбиппит. Оччолорго дьон киинэни кэрэхсиирэ, кии-
нэҕэ сылдьара олус этэ. Үчүгэй киинэлэргэ кулууп саалатын иһэ толору буо-
лара. Оройуон уонна улахан нэһилиэктэр кииннэригэр буолар “кылгас бол-
дьохтоох” саҥа, ону тэҥэ индийскэй киинэлэри биһиэхэ, көрөөччүтэ, аҕыйах
ахсааннаах кыра бөһүөлэктэргэ, биэрбэт этилэр.
Ол эрээри мин, айан суолун төрдүгэр баар бөһүөлэккэ олорор буолам-
мын, киносеть дирекциятын кытта кэпсэтэн, оннук киинэлэри Кэптэнит-
тэн, Тулунаттан уонна сороҕор Уһун Күөлтэн кинилэр көрдөрбүт киэһэлэри-
гэр түүннэри ылан көрдөрөрүм уонна сарсыҥҥы күҥҥэ хойутаппакка Бо-
роҕоҥҥо киллэрэрим. Дьэ, бу киинэлэри таһарбар Хомустаах отделениетын
суоппара В.И.Новгородов элбэхтэ көмөлөспүтэ. Киинэлэр үксүлэрэ иккилии
сериялаах буолаллара, онон аччыгыйа 2,5, сороҕор 3 чааһы эрэ кыайбат би-
риэмэҕэ көстөллөрө. Аны айаммытыгар бириэмэ барара, онон киинэбитин 11
эбэтэр 12 чаас кэнниттэн түүн көрөрбүт. Хомустааҕым дьоно-сэргэтэ, Вик-
тор Иванович биһиги киинэ аҕалыахпытыгар диэри күүтэн турар, олорор
буолаллара. Ол курдук киинэ кэрэхсэнэрэ, чахчы да “искусство чыпчаала”
этэ. Киинэ көстөрүн саҕана кулууп дьиэтэ дьон алтыһар, күннээҕи сонунна-
рын үллэстэр, наадаларын быһаарсар кииннэринэн буолара.
Манна даҕатан аҕыннахха, миэхэ киинэ билиэтин атыылыырбар мэлдьи
Александр Анисофорович Алексеев көмөлөһөрө. Кини биир да киһини кии-
нэҕэ билиэтэ суох киллэрбэт, харчыны да итэҕэстээбэт “контролер” этэ. Бу
дьоммор “хамнастара” диэн иккиэн киинэҕэ босхо сылдьаллара. В.И.Новго-
родов киинэ таһыытыгар көмөлөһөрүн таһынан, аҕыс уонус сылларга, мин
төрөөбүт дойдубар Бахсыга ГАЗ-53 массыынатынан хаста да баран кэлэн на-
адабын, кыһалҕабын быһаарсарга көмөлөһөн турар. Кэлин да көрдөстөхпүнэ,
бэйэтин чааһынай техникаларынан миэхэ көмөлөһөр. Онон Виктор Ивано-
вичка бары көмөтүн иһин махталым муҥура суох.
В.И.Новгородов, билигин сэттэ уон сааһын төһө да лаппа аастар, күн
бүгүн да массыына уруулуттан илиитин араарбакка сылдьар механизатор.
Кини тусаһатын иһигэр аныгы кэм ирдэбилинэн Т-30 тыраахтар, УАЗ-Фер-
мер массыына тураллар, бу техникалар хаһаайыстыба күннээҕи кыһалҕатын
быһаараллар.
Иван Попов-Бахсылыырап, 2012 с.
226