Page 227 - Уйбаан Бахсылыырап. Сэрии кэмин оҕолоро - эйэлээх олох уустара

Старостин Егор Петрович үлэлээбитэ. Учуутал ахсаана, үөрэнэр оҕо ахсаана
эбиллэн, оскуолабыт кэҥээн быдан сэргэхсийии, үөрүү-көтүү буолбута.
Бу 50 сыл устата сүүрбэнэн ааҕыллар директордар, сүүһүнэн учууталлар
үлэлээтилэр. Оскуолабыт араас идэлээх, үрдүк ситиһиилээхтик үлэлиир үлэ-
һиттэри иитэн таһаарда. Кинилэр ситиһиилэринэн киэн туттабыт. Инники-
тин кэҥии, улаата тур, өссө таһаарыылаахтык үлэлээ, оскуолам барахсан!

Устинья Аргунова,
педагогическай үлэ ветерана, СР үөрэҕириитин туйгуна

— бу ис сүрэхтэн
“...Өссө таһаарыылаахтык үлэлээ, оскуолам барахсан!”
этиллибит тылларга кырдьаҕас педагог У.Я.Аргунова үөрэх-иитии эйгэтигэр
Тиит-Арыы оскуолатыгар бүгүккү күккэ үлэлии-хамсыы сылдьар эдэр биир идэ-
лээхтэригэр кэс тыла алгыс буолан иһиллэр.
Устинья Яковлевна төрүкү аҕыйах сакалаах, билбэт киһи көрдөҕүнэ кы-
таанах, туруору майгылаах. Онтон билсэн, сэлэһэн бардаххына, этэр курдук,
кини билэрэ-көрөрө элбэҕин сөҕүөк эрэ. Устинья Яковлевна 1960-1981 сылларга
Тиит-Арыы оскуолатыгар алын сүһүөх кылаастар унууталларынан үлэлээбитэ.
Оскуолаларын уонна учууталларын туһунан үөрэппит оҕолорун санаалара.

* * *
— Мин 1961 сыл оскуола боруогун атыллаан бастакы кылааска киирби-
тим. Олус үчүгэйдик өйдүүбүн, балтараа ый курдук сайылыктан убайбынаан
Ромалыын сатыы сылдьан үөрэммитим. Оо, оччолорго кыракый киһи санаа-
тыгар оскуола дьиэтэ дьэндэйэн үрдүгэ, улахана сүр этэ. Бастакы оскуола-
быт үс кирпииччэ оһоҕунан ититиллэрэ. Үс кылаастааҕа, саамай кыра хос
учительскай этэ, ону таһынан ас астыыр хос уонна биир ортоку хос ыскылаат
курдук туттуллара. Хостор хаптаһын быыстаах буолан аттынааҕы кылаастар-
га саҥараллара барыта иһиллэрэ.
Көрүдүөрбүт быһа холоон 16-18 кв.м иэннээҕэ. Физкультура уруога, пе-
ременаҕа хоровод, атын оонньуулар онно буолаллара. 1967 сыллаахха бастаан
7 кылаас аһыллыбыта,нөҥүө сылыгар 8 кылаастаах оскуола буолбута. Старо-
стин Егор Петрович кытаанах, ирдэбиллээх директор этэ. Күн аайы сарсы-
арда линейка оҥорор этэ. Араас барыта буолара, ким эрэ мөҕүллэн, ким эрэ
хайҕанан учууталлар уонна оҕолор иннилэригэр тахсарбыт. Егор Петрович
хайыһар, гиирэ, теннис курдук спорт көрүҥнэрин бэйэтэ көҕүлээн, бу
көрүҥнэргэ бэйэтэ секциялары үлэлэтэрэ. Бысыин Дмитрий Дмитриевич бэр-
тээхэй теннис остуолун оҥорон оскуолаҕа бэлэхтээбитэ. Илья Гаврильевич
Федоров оскуола оҕолоругар хор тэрийбитэ. Үс куоласка арааран элбэхтик
дьарыктыыра. Устинья Яковлевна Аргунова сценка туруорара. Оройуоҥҥа
уус-уран самодеятельноска уонна уус-уран оҥоһуктар көрүүлэригэр кытты-
быппыт.
Мин үөрэнэр сылларбар Петрова Марфа Васильевна, Васильев Василий
Михайлович, Аргунова Устинья Яковлевна, Старостин Егор Петрович, Илья
Гаврильевич, Анна Федоровна Федоровтар, Кудрина Варвара Михайловна,
Троев Андрей Гаврильевич, Заровняев Иван Степанович, Калининскай Ми-
хаил Иванович, Лугинов Василий Иванович, Елизавета Ивановна, Петр Ко-
нонович Матвеевтар учууталларынан айымньылаахтык үлэлээбиттэрэ. Урук-
ку кэмҥэ учууталлар дьоҥҥо-сэргэҕэ дириҥ убаастабылга сылдьаллара, бары
кэриэтэ нэһилиэк общественнай үлэтигэр бириэмэлэрин харыстаабакка кыт-
таллара.

223