Page 225 - Уйбаан Бахсылыырап. Сэрии кэмин оҕолоро - эйэлээх олох уустара

Ульяна Яковлевна
оҕолорунаан.
1982 с.

Прядезников Василий Николае-
вич диэн уолу кытта билистим.
Сайын от үлэтигэр бииргэ сыл-
дьан үлэлээтибит. Күһүөрү кы-
һын (1958 с.) икки өттүттэн ыал
буоларга сөбүлэһэн холбостубут.
Тандаҕа Ыстаарыһын Хабырыы-
стааҕы кытта дьукаах олордубут.
Мин “Герой Егоров” холкуоска
сэкирэтээр-машинистканан үлэ-
лээтим, Баһылайым тырахтары-
ыстыыр. Ити олорон бастакы оҕобутун Гошаны ( 1959 с.) төрөттүбүт. Эһиил-
гитигэр миигин дойдубар Тиит-Арыыга саҥа аһыллар оскуолаҕа учууталынан
ыыттылар. Онон Тиит-Арыыга тиийэн оскуоланы ситэрсэн, күһүҥҥүттэн учу-
уталлаабытынан бардым. Баһылайым тутууга тырахтарыыстыыр, киэһэтин
дизельнэй станциянан бөһүөлэккэ уот биэрэр. Кини ити үлэтигэр уһуннук
уонна үтүө суобастаахтык үлэлээн Уот Бааска диэн аатырбыта.
В.Н.Прядезников-Аргунов аҕата Николай Филиппович сааһырбыт, хол-
куос туруу үлэһитэ киһи 1942 сыллаахха үлэ фронугар ыҥырыллыбыт. Кэр-
гэнэ Екатерина Михайловна ыарыһах, 4 оҕолоох дьахтар аҥаардас хаалан
баран, холкуоска кыайан үлэлээбэккэ нуорма бурдук ылбакка сут-сутурҕан
сылларыгар хоргуйан кэриэтэ өлбүт. Кэтириис диэн кыыһа сэллик ыарыыт-
тан суорума суолламмыт, биир кыыһа эмиэ өлбүт. Ааныс диэн кыыһа сэрии
кэмигэр тыыннаах ордон баран да, үйэтэ уһаабатаҕа, Хомустаахха Н.Н.По-
пов диэн киһиэхэ эргэ тахсыбыта эрээри, киниттэн оҕо-уруу суох. Баһылай
уол тулаайах хаалан баран ыалы кэрийэн, ким тугу “дук” гыммытынан аһаан
нэһиилэ тыыннаах ордубут. Күһүн хаһыҥ түһэн, хортуоппуй хомуллан
бүппүтүн кэннэ Суорун бааһынатыгар тахсан хортуоппуй бытархайын бу-
лан, аччык кыһалҕатыттан сиикэйдии сиэхтиир эбит. Күһүҥҥү мууһу үрдүнэн
муҥхаҕа сылдьан, аччык кыра оҕо тугу үлэлиэ буоллаҕай: “Улааттахпына
төлүөм, балыкта бэрсиҥ...” — диэхтиир үһү. Ити курдук аччыктыыр-хоргуйар
эрэйин эҥэринэн тэлэ сырыттаҕына, уоттаах сэрииттэн баас ылан дойдуту-
гар төннүбүт убайа Прядезников Егор Филиппович бэйэтигэр ылан уол үрүҥ
хараҕын дьэ өрө көрбүт.
Устинья Яковлевна Аргунова уонна Василий Николаевич ыал буоланнар
икки уол, биир кыыс оҕону төрөтөннөр, Тиит-Арыыга олохсуйбуттара. Сэ-
рии, сут-сутурҕан тэбиитин охсуута буоллаҕа, Баһылай Ньукулаайабыс орто
омурҕан сааһын саҥа ааһан иһэн ыар ыарыыттан олохтон туораабыта. Били-
гин улахан уоллара Егор Васильевич Бороҕоҥҥо дьиэ-уот туттан олорор,
төһө да улуус киинэ буоллар сүөһү ииттэр, ону таһынан балыыһаҕа үлэлиир.
Кэргэнэ Елизавета кыыс оҕолоох, сиэннээх. Сенялара Тиит-Арыыга ийэтин,
аҕатын тэлгэһэтигэр дьиэ-уот туттан олохсуйда, үс оҕолоохтор. Кэргэнинээн
Тамара Алексеевналыын олохтоох оскуола учууталлара. Аргуновтар кыыста-
ра Марианна эмиэ Тиит-Арыы бөһүөлэгин ыала, овощевод идэлээх. Кэргэнэ
Намтан төрүттээх Сергучев Дмитрий сварщик идэлээх. Сергучевтар үс кыыс,
икки уол оҕолоохтор, 5 сиэннээхтэр. Онон Аргуновтар, Прядезниковтар си-
тимнэрэ быстыбат, өссө да тэнийиэ турдаҕа.

221