Page 229 - Уйбаан Бахсылыырап. Сэрии кэмин оҕолоро - эйэлээх олох уустара
P. 229
УОТТААХ СЭРИИ ТУЛААЙАХТАРА
“Саха сирэ ” хаһыакка “Кыбыстарым, киэн туттарым, оттон били-
гин хомойобун” (21.05.2010) М.А.Ховров, “Сэрии тулаайахтарыгар болҕом-
то ууруллара буоллар” (09.06.2010) А.Е.Сивцева-Бурцева, о.д.а. ааптардар
сурэх кыланыылаах, харах уулаах ыстатыйаларын улаханнык харааста
ааҕабын. Ийэм уонна аҕам эмиэ сэрии кэмин оҕолоро этилэр. Мин төһө да
сэрии кэнниттэн төрөөтөрбун, сэрии кэминээҕи көлүөнэ дьону кытта эл-
бэхтэ алтыһаммын кинилэр кыһалҕаларын, эрэйдэрин, оонньооботох оҕо
саастарын өйдуү, билэ сатыыбын.
Михаил Александрович Ховров суруйарын курдук, сэрии тулаайахтара,
аҕалара сэрии хонуутугар “сураҕа суох сүтэн” төһөлөөх санаа баттыга, өр
сылларга сүрэх баастаах сылдьыбыттарын тустаахтар бэйэлэрэ эрэ билэн эр-
дэхтэрэ. Билигин биһиги Хомустаахпыт бөһүөлэгэр (Лөгөй нэһилиэгэ) аҕала-
ра сэриигэ баран суорума суолламмыт биэс киһи баар. Олортон биирдэстэрэ
— аҕата уоттаах сэриигэ баран охтубут, үлэ ветерана В.И.Новгородов буолар.
Виктор Иванович аҕата И.К.Новгородов сэриигэ 1942 сыллаахха ыҥырыллан
баран, 1943 сыллаахха “сураҕа суох сүттэ” диэн биллэриитэ кэлбит. Онон,
сэрии толоонугар охтубут буойун Иван Константинович Новгородов хас эмэ
уонунан сылларга көмүс уҥуоҕа ханна хараллыбыта биллибэт этэ.
Кэргэнин, сэрии буойунун огдообото Матрена Михайловна Новгородова
уонна сэрии тулаайахтара Виктор Иванович, Мария Ивановна туһунан “Тыын-
наахтар олох олорор аналлаахтар” диэн кинигэбэр (2010 сыл) кэпсээн тура-
бын. Бу кинигэбэр ону хатылыы барбакка Виктор Иванович олоҕун суолут-
тан бэйэтин ахтыытын билсиэхпит. Ол иннинэ өйдөнүмтүө буоллун диэн,
сэрии тулаайахтара Виктор Новгородов уонна Мария Новгородова-Сердито-
ва аҕаларын бойобуой суолун ирдэһэн, уһун сылларга хас да архыыбы хаста-
ран (манна ордук, кэм үөрэхтээх киһи, Мария Ивановна үлэлэспитэ) күндү
киһилэрэ хаһан, ханна сырдык тыына быстыбытын, ханна көмүллүбүтүн
булбуттара. Онно маннык суруллубут:
Войсковая часть
Полевая почта 68436
Извещение
Ваш муж красноармеец Новгородов Иван Константинович, уроженец
Якутской АССР. Усть-Алданский р-н, Мусинский с-с. в бою за Социалисти-
ческую Родину, верный воинской присяге, проявив геройство и мужество,
был убит 8.03.1943 г.
Похоронен в д. Чернь, Дмитровского р-на, Курской обл.
Буойун И.К.Новгородов өлбүтүн туһунан биллэрии Мэҥэ Хаҥалас воен-
коматыттан көстүбүт. Бу биллэриигэ Иван Константинович төрөөбүт нэһи-
лиэгэ “Мусинский” диэн суруллубут. Ону сэрэйэн маннык быһаарыахха сөп.
үөрэҕэ суох холкуостаах Уйбаан Ноҕуруодап, нууччалыы үчүгэйдик билбэти-
нэн, төрөөбүт сиринэн, дойдутун алааһын Мучуну ааттаабыт быһыылаах. Ол
иһин сурукка “Мусинский с-с” диэн суруллубут буолуон сөп. Төһөлөөх элбэх
саха үөрэҕэ суох саллааттарын сурукка киирбит дьыалалара маннык түҥ-таҥ
суруллубуттара буолуой? Баҕар, сорохтор ол да иһин “сураҕа суох сүттэ”
диэн сылдьаллара буолаарай?
15 Заказ № 52
225
