Page 228 - Уйбаан Бахсылыырап. Сэрии кэмин оҕолоро - эйэлээх олох уустара

Олоҕум орто омурҕанын үктэнэн олорон оҕо сааспын санаатахпына, оҕо
сааһым биһигэ үөрэммит Тиит-Арыым оскуолата, үөрэппит учууталларым
барахсаттар харахпар субу баардыы көстөн ааһаллар. Ойор-тэбэр оҕо сааһым
ааспыт тапталлаах оскуолабар, билиини-көрүүнү биэрбит учууталларбар мах-
талым улахан.
Николай Егоров (Куолуска),
Тиит-Арыы аҕыс кылаастаах оскуолатын бастакы выпускнига,
2009 с.

* * *
— Мин 1964 сыллаахха Тиит-Арыы начальнай оскуолатыгар үөрэнэ киир-
битим. Оскуола сэбиэдиссэйинэн Бээрийэттэн төрүттээх олус үрдүк культу-
ралаах, ыраас, кыраһыабай дьүһүннээх-бодолоох, оҕоҕо, улахан киһиэхэ биир
тэҥ эйэҕэс сыһыаннаах, туттардыын-хаптардыын, таҥастыын-саптыын учу-
утал буоларга ананан төрөөбүт киһи — Васильев Василий Михайлович үлэ-
лиир этэ. Силигин ситэрэн наһаа үчүгэйдик мандолинаҕа оонньуура, ыллыы-
ра.
Биһиги бастакы учууталбыт Аргунова Устинья Яковлевна этэ. Кини би-
һиги бөһүөлэкпитигэр оскуола аһыллыаҕыттан үлэлээбит, нэһилиэккэ үөрэх-
тээһин саҕаланыытыгар, атаҕар туруутугар улахан үтүөлээх киһи. Оҕоҕо тыйыс
соҕус сыһыаннаах, ирдэбиллээх, мээнэ уһаты-туора хамсаппат этэ, икки кы-
лааһы тэҥинэн үөрэтэрэ. Кини салалтатынан, үөрэтиитинэн “А” буукубат-
тан саҕалаан ааҕарга, “1” сыыппараттан саҕалаан ахсаан суоттуурга үөрэххэ
бастакы хардыылары оҥорбуппут. Устинья Яковлевна “Пионерская правда”
хаһыакка тахсар Козин диэн советскай разведчик туһунан “Ночной орел”
диэн фантастическай сэһэни оскуола оҕотугар барытыгар тута тылбаастаан
кэпсээн биэрэрэ. Хаһыат аныгыскы нүөмэрин тэһийбэккэ, тулуйбакка күүтэн
да айылаах биэрэр этибит. Билигин да сүгүн кэлбэт почта оччолорго сырыыта
соччо түргэтээбэтэҕэ эрэбил. Сэһэммит бүтэн хаалбытыгар учууталлыын оҕо-
луун бары да хомойдубут быһыылааҕа.
Иккис кылааска киирэрбитигэр оскуола эрэ буолуо дуо, бүтүн нэһилиэк
историятыгар биллэр-көстөр суолу хаалларбыт тапталлаах учууталбыт Варва-
ра Михайловна Кудрина кийиит буолан олохсуйа, үлэлии кэлбитэ. Кини
Устинья Яковлевналыын уонна арыый хойутаан кэлбит, күн бүгүҥҥэ диэри
оскуола олоҕуттан илиитин араарбакка сылдьар бары убаастыыр, ытыктыыр
учууталбыт Елена Константиновна Тарабукиналыын оскуола историятын
тыыннаах кэрэһиттэринэн, летописецтарынан буолаллар. Үһүөн республика
үөрэҕириитин туйгуннара. Арыый киин сир оскуолатыгар үлэлээбиттэрэ буол-
лар үтүөлээх учуутал буолуохтаах эбиттэрэ буолуо. Оннук үрдүк таһымнаах,
билиилээх, үөрэтии методикатын толору баһылаабыт бастыҥ специалистар
этэ. Хомойуох иһин, кыра, кытыы сир оскуолаларыгар, учууталларыгар бы-
лыр да, билигин да үөһэттэн сыһыан, сымнатан эттэххэ, боростуой соҕус,
наҕараадаҕа да түһэрии ол сиэринэн.
Үөрэммит, үлэлээбит, олох олорорбор кынат үүннэрбит төрөөбүт оскуо-
лам барахсан төрүттэммитэ кэрдиис кэмин бэлиэтээри олорон, туох-ханнык
иннинэ үөрэппит учууталларбар муҥура суох махталбын, ытыктабылбын,
сүгүрүйүүбүн тиэрдэбин, кинилэргэ бигэ доруобуйаны, бары кэрэни, үйэ-
лээҕи баҕарабын.
Алексей Дмитриевич Бысыин,
СР үөрэҕириитин туйгуна,
Тиит-Арыы нэһилиэгин бочуоттаах олохтооҕо,
2010 сыл олунньу
224