Page 246 - Уйбаан Бахсылыырап. Сэрии кэмин оҕолоро - эйэлээх олох уустара

Шефтээх культура
управлениетын
биригээдэтэ Уу Эбэҕэ

Аҕабыт үлэтигэр-хамнаһыгар биир дойдулаахтарыттан сүбэлэтэрэ-ама-
латара, кинилэр этиилэрин хайаан да учуоттуура. Ол курдук СГУ инженер-
нэй-техническэй факультетын доцена Николаев Николай Гаврильевич,
үтүөлээх учуутал Колодезников Иван Степанович, биллиилээх поэт Старо-
стин Анатолий Гаврилович-Сиэн Кынат, култуура үтүөлээх үлэһитэ Коло-
дезников Николай Степанович, архитектор Алексеев Иван Тихонович, кул-
туура отделын сэбиэдиссэйинэн үлэлээбит Кулаковскай Атос Реасович, о.д.а.
бириэмэтигэр сөптөөх көмөнү, сүбэни онорбуттара. Онон бөһүөлэк уопсай
көстүүтэ тупсаҕай буолуутугар, социальнай объектары тутууга үлэ былааннаах-
тык уонна хаачыстыбалаахтык барбыта.
Д.Д.Бысыин төрөөбүт дойдута, бөһүөлэгэ атын нэһилиэктэртэн, бөһүөлэк-
тэртэн хаалсыбакка сайдарыгар ахсаабат болҕомтотун уурара. Бөһүөлэк бас-
такы электрическэй ситимин электрик Иванов Николай Матвеевичтыын тар-
дыбыта, бэйэтэ дизелистээбитэ. Оскуола дьиэтин туттарар кэмигэр бастакы
пилораманы аҕалан туруортарбыта, ити пилорама хойукка диэри тутуу элбэх
матырыйаала баар буоларын хааччыйбыта.
Оройуон киинигэр МТС-ка трактористары үөрэтэр курс аһыллыбытыгар
Аммосов Иван Петровичтыын үөрэнэннэр, Тиит-Арыыга Аргунов Григорий
Федотовиһы, Турантаев Людмич Семеновиһы кытта аан бастаан трактор тэ-
һиинин туппут механизатордарынан буолбуттара. Ол эрээри аҕабыт сүрүн
үлэтэ тутуу үлэтэ этэ. Култуурунай олох киининэн буолбут култуура уонна
сынньалаҥ паркатын тутуу үксэ субуотунньугунан нэһилиэнньэ бэйэтин
күүһүнэн тутуллан атын нэһилиэктэргэ холобур буолбута.
Кэлиҥҥи тутуу объектарын кэлии, араас омук дьонун биригээдэлэрин
аҕалан, салайан туттарбыта. Кинилэр олорор дьиэлэрин, астарын-үөллэрин
булан-талан, этэр курдук, үлэлииргэ туох баар усулуобуйаны тэрийэн, үлэҕэ
наада буолар матырыйаалы барытын кэмигэр булан үлэ күргүөмнээхтик, тэ-
тимнээхтик барарын хааччыйара. Бөһүөлэккэ саҥа оскуолаттан саҕалаан ку-
лууп, типовой хотоннор, баанньык, гараж дьиэлэрэ утум-ситим тутуллан,
дьон-сэргэ санаата кэлэн, дьиэ-уот туттан олохсуйан барбыттара. Оччолорго
чааһынай дьиэлэри туттарга бары сүбэлэһэн, дьиэлээх киһиттэн күҥҥэ 5
солкуобайтан ордук харчыны төлөппөт бигэ сыананы олохтообуттара. Бу олох-
томмут сыананы бары кытаанахтык тутуһан бөһүөлэк дьоно тэҥинэн дьиэ-
лэнэн-уоттанан барбыттара.

242