Page 248 - Уйбаан Бахсылыырап. Сэрии кэмин оҕолоро - эйэлээх олох уустара

нан тахсаннар көһөрүллэ сылдьар Кыһыл Знамянан наҕараадаланар.
Оройуоҥҥа бастааннар Бочуот дуоскатыгар тахсаллар. Тиит-Арыылар орой-
уоннааҕы култуура отделын кытта шефтэһэннэр, култууралар от үлэтигэр
күргүөмүнэн тахсаннар от бөҕөнү оттууллар, ол быыһыгар кэнсиэр көрдөрөн,
күрэхтэһэн олохтоохтор куттарын туталлар.
Аҕабыт салалтатынан ити курдук кулууп тахсыылаахтык үлэлии сырыт-
таҕына, биир киһи дьалаҕайыттан кулууп дьиэтэ умайан күл-көмөр буолар,
ороскуот бөҕөтө тахсар. Аҕабытын райком бюротугар ыҥыран дьүүллүүллэр
уонна саҥа кулуубу тутарга сорудахтыыллар.
Аҕабыт кулууба умайбытын кэннэ хайдах курдук санаарҕаабытын, хас
түүн утуйбатаҕын биһиги, чугас дьоно, эрэ билэбит. Ол эрээри кини санаа-
тын түһэрэн, илиитин ыһыктан кэбиһэр киһи буолбатах этэ. Саҥа кулуубу
оҥорорго өссө күүрүүлээхтик туруммута. Дьокуускайга киирэн одесситтар
биригээдэлэрин булан, кинилэри кытта сирэй кэпсэтэн, илдьэ кэлэн кулууп
тутуутун үлэтэ күөстүү оргуйбута. Баара суоҕа икки сыл иһигэр аныгылыы
тииптээх кулуубу тутан дьэндэтэн үлэлэтэллэр.
Кулуубу таһынан Танда үрэх сүнньүнээҕи нэһилиэктэргэ бастакынан таас
варианынан квартальнай котельнайы үлэҕэ киллэрэллэр. Онон нэһилиэк со-
циальнай объектарын ититиигэ дьоһуннаах хардыы оҥоһуллар. Ити тутуулары
иилээн-саҕалаан ыытыыга, араас кэпсэтиилэргэ, матырыйааллары булууга,
аҕалыыга Дьокуускай куоракка аҕабыт бэйэтэ ааҕарынан, 60-тан тахсата ко-
мандировкаҕа сылдьыбыт. Кини онно үксүгэр түүн сатыы 4 чааска барар
массыыналары баттыы тиийэн гаражка олорор буолар үһү. Суоппардар
сөҕөннөр төбөлөрүн эрэ быһа илгистэллэрэ үһү. Онтон үлэтинэн оройуон
киинигэр хаста-хаста киирбитин-тахсыбытын ааҕа да барбаккын. Кулуупка
үлэлиир кэмигэр культура үлэһиттэрин республикатааҕы 6-с съезтэригэр де-
легатынан талылла сылдьыбыта. Герой куорат Ленинградка күүлэйдиир босхо
путевканан наҕараадаламмыта. Аҕабыт нэһилиэк Сэбиэтигэр депутатынан
талыллыбыта, хаста даҕаны оройуоннааҕы партийнай конференцияларга
кыттыбыта. Кини бэриниилээх коммунист этэ, партийнай билиэтин саамай
күндү докумуонум диэн ааттыыра.
Оҕонньор (дьоно-сэргэтэ ытыгылаан кинини өрүү итинник ааттыылла-
ра) кулууп үлэтиттэн уурайан баран аны мелиорация үлэтигэр ылсыбыта.
Суотту үрэҕэ диэн ааттанар сиргэ 5 миэтэрэ кэтиттээх, 8 миэтэрэ үрдүктээх,
60 миэтэрэ усталаах буор быһыты иилээн-саҕалаан туттарбыта. Танда үрэҕэр
улахан бетон быһыт туттарбыта, хомойуох иһин, улахан уу кэлиитигэр ол
быһыта алдьанан хаалбыта. Аны үрэхтэн алааска уу куттарыытын эмиэ са-
лайбыта.
Д.Д.Бысыин 70 сааһын ааһан баран, аны арочнай спортзалы туттараары
олорбот да, сыппат да буолбута. Нерюнгри куоратыгар тиийэн, оччолорго
куорат мэрин солбуйааччынан үлэлии олорор Н.Н.Костромин көмөтүнэн,
зал тимир конструкциятын бэйэтэ барсан тиэйэн аҕалбыттара. Үп-харчы
сүгүн көстүбэт кэмигэр, СР бастакы президенэ М.Е.Николаев Тандаҕа кэлэ
сырыттаҕына туруорсан, зал тутуутугар 300 тыыһынча солкуобайы ылары
ситиспитэ. Оччотооҕу “үтүө дьыала” хамсааһын чэрчитинэн бу тутуу олох-
тоохтор күүстэринэн тутуллубута. Тутууга улахан көмөнү биир дойдулаах-
пыт, Ил Түмэн депутата А.Н.Жирков оҥорбута. Аҕабыт Александр Николае-
вичтыын ыкса табаарыстыы этилэр.
Аҕабыт сааһыран, үлэни кыайбат буолан баран биир дойдулаахтарын
ааттарын үйэтитээри, аны хаартыска хомуйуутунан дьарыгырбыта. Ол хаар-
тыскаларын тус-туһунан наардаан тематическай планшеттары, буклеттары
244