Page 250 - Уйбаан Бахсылыырап. Сэрии кэмин оҕолоро - эйэлээх олох уустара

Ийэлээх аҕабыт оҕо саастарыгар кыһалҕалаах олоҕу олорон кыайан үөрэм-
мэтэхтэриттэн олус хомойоллоро. Кинилэр үөрэх суолтатын, ис дьинин ди-
риҥник өйдөөн, үөрэҕи өрө туталлара. Ол да иһин оскуолаҕа ыытыллар араас
үлэлэргэ төрөппүт быһыытынан актыыбынайдык кытталлара. Аҕабыт хапта-
һынынан теннис остуола оҥорон оскуолаҕа бэлэхтээбитэ, ол остуол өргө
диэри туһалаабыта. Итини таһынан оскуола ис-тас киэргэтиитин буор-босхо
оҥорон биэрэрэ.
Аҕабыт сэрии алдьархайын этинэн-хаанынан билбит буолан, сэрии то-
лоонугар охтубут биир дойдулаахтарын кэриэһигэр бэйэтэ бырайыактаан икки
памятнигы оҥорсубута. Онон биһиги, Миитэрэй Бысыин оҕолоро, кини кэн-
чээри ыччаттара, Тиит-Арыы бөһүөлэгин туох баар социальнай, хаһаайыс-
тыбаннай объектара биһиги аҕабыт кыттыылаах тутуллубуттара диэн киэн
тутта этэбит. Аҕабыт Д.Д.Бысыин аата төрөөбүт дойдутун дьонугар-сэргэти-
гэр умнуллубатыгар эрэнэбит!
Алексей Дмитриевич Бысыин, иккис уол.
2012 с.
Мантан аллара ааҕыллар ахтыылар Д.Д.Бысыин туһунан араас сылларга
суруллубуттара. Ахтыылар биир киһи туһунан суруллубут буолан маарыннаһар
өруттэрэ элбэх. Ол эрээри хас биирдиилэрэ бу утуө киһи туһунан иһирэхтик ис
сурэхтэн суруллубуттара биллэр. Ахтыылары сорохторун кылгатан биэрдим.

БЫСЫИН КЫРДЬАҔАС ЫЛСЫБЫТ БУОЛЛАҔЫНА

Икки үйэни ситимниир сылга үктэниигэ республика үрдүнэн “2000 сыл-
га — 2000 үтүө дьыаланы” диэн хамсааһын тэнийэн, сир-сир ахсын дьон,
норуот күүһүнэн элбэх үлэ ыытыллан эрэр. Итиниэхэ ис иһиттэн эрчимнээх,
чахчы энтузиаст дьон улахан оруолу ылаллар. Мин бүгүн биир оннук үтүөкэн-
нээх киһи, ССРС культуратын туйгуна Д.Д.Бысыин туһунан билиһиннэриэх-
пин баҕарабын.
Дмитрий Дмитриевич Уус-Алдан улууһун Тиит-Арыы нэһилиэгэр үйэ-
тин тухары олордо, үлэлээтэ. Быйыл сэттэ уон сааһын томточчу туолбута.
Өссө 1989-1990 сс. кини көҕүлээһининэн уонна салалтатынан Тиит Арыы
бөһүөлэгэр үксүн обгцественность күүһүнэн бэртээхэй кулууп тутуллубута.
Кулууп саалатын, фойетын Россия народнай худуоһунньуга Афанасий Мун-
халов, худуоһунньуктар Николай Иннокентьев, Владимир Малышев дьикти
үчүгэй уруһуйдарынан, графическай үлэлэринэн, мастан, алтантан киэргэ-
тэн оҥорбуттара. Мин тус бэйэм культура салаатыгар үлэлээбитим былаһын
тухары маннык үчүгэйдик оҥоһуллубут тыа сирин кулуубун көрбөтөҕүм. Оч-
чотооҕу культура министрин солбуйааччынан үлэлии сылдьан, кулууп аһыл-
лыытыгар тахсан олохтоохтору кытта бииргэ үөрбүтүм-көппүтүм.
Бу үтүө дьыаланы киэҥник тарҕатыахха, култуура тэрилтэлэрин маннык
норуот көҕүлээһининэн тутуохха диэн санааттан сэттэ оройуон култууратын
үлэһиттэрин түмэн семинар ыыппыппыт. Онно кыракый Тиит Арыы бөһүөлэ-
гэр Уус-Алдантан ураты Мэҥэ-Хаҥаластан, Чурапчыттан, Амматтан, Нам-
тан, Горнайтан делегациялар кэлбиттэрэ. Семинарга оччотооҕу культура ми-
нистрэ С.Е.Николаев кыттыыны ылан бэркэ астынан, махтанан төннүбүтүн
өйдүүбүн. Ити кэнниттэн Дмитрий Дмитриевичтиин 200 миэстэлээх саалаҕа
хатыҥ мастан чочуйан дьиҥ сахалыы ыскамыайкалары оҥорторуохха уонна
ону опыт быһыытынан тарҕатыахха диэн сүбэлэспиппит. Эскизтэр оҥоһул-

246