Page 247 - Уйбаан Бахсылыырап. Сэрии кэмин оҕолоро - эйэлээх олох уустара

Д.Д.Бысыин,
совхоз директора
Н.Н.Костромин
тутааччылары кытта

Аҕабыт Миитэрэй айылҕаттан бэрдэриилээх ходуоһунньук этэ, онон
бөһүөлэк тутууларын ис-тас киэргэллэрин, оччотооҕу ирдэбилинэн, уулусса-
ларга араас плакаттары, лозуннары кыайа-хото тутара. Биир түгэни дьон
олус сөҕөн-махтайан ахталлар. Кыайыы өрөгөйдөөх 35 сыллаах үбүлүөйдээх
сыла буолар. Аҕабыт, алта ылтаһын илиис холбоммутугар Сталин портретын
уруһуйдаан, ойоҕоһугар сэрии туһунан улахан панораманы оҥорон дьэргэ-
тэн кэбиһэр. Оччолорго сэриигэ сылдьыбыт буойуннар син бааллар. Кини-
лэр ол панно анныгар кэлэн хаартыскаҕа түстүлэр, Кыайыыга аналлаах дьа-
һалга ахтыы оҥордулар.
От ыйын саҥатыгар партия райкомун инструктора Дмитриев Владимир
Георгиевич боломуочунайдыы тахса сылдьан, түбэһэ көрөн: “Бу олох сатам-
мат дьыаланы оҥорбуккун, төннөрбөр суох гын!” — диэн баран, Бээрийэҕэ
ааһа турбут. Аҕабыт уола Митээскилиин (аҕатын туйаҕын хатарбыт уус, хо-
дуоһунньук, оһохчут этэ) биир түүн иһигэр Сталин оннугар “Родина, мать
зовет!” диэн хартыынаны уруһуйдаан, Владимир Георгиевич кэлэригэр ыйаан
кэбиспиттэр. Кырдьаҕастары кытта сүбэлэһэн Сталиннарын портретын айан
суолуттан туора турар култуура уонна сынньалаҥ паркатыгар илдьэн ыйаа-
быттара. Ол портрет өргө диэри турбута. Сопхуос парткомун сэкирэтээрэ,
эппитин мээнэ энчирэппэт үгэстээх үтүө киһи Аммосов Николай Петрович,
бу хартыынаны көмүскэһэн райкомҥа дьүүллэнэ сыспыта. Аҕабыт Дмитриев-
тыын кэлин уу тэстибэт доҕордуу буолбуттара, ол түбэлтэни бэркэ дуоһуйа
ахтыһаллара.
Бөһүөлэккэ култуура үлэтэ олус сатарыйбытыттан, оччотооҕу оройуон
култууратын сэбиэдиссэйэ Атос Реасович Кулаковскай оҕонньору анаан-ми-
нээн ыҥыртаран ылан, атах тэпсэн олорон кэпсэтэн, тылыгар киллэрэн,
аҕабыт үөйбэтэх-ахтыбатах үлэтигэр сынньалаҥ киинин директорынан ана-
нар. Кини ити үлэҕэ ананаат, хаһан баҕарар буоларын курдук, үлэтин былаан-
наахтык, тэтимнээхтик киһи эрэ кэрэхсиир гына саҕалыыр. Кулууп дьиэтин
икки этээстии охсоллор, аҕабыт кулуубу оҥорууга көрөөччү олорор саалатын
уонна сценатын кыайа тутан оҥорторор. Саҥа мебели, элбэх музыкальнай
инструмены, уот-күөс тэрилин, сценаҕа кэтиллэр көстүүм таҥаһын булан
аҕалар. Дьон-сэргэ, ордук ыччат турунаннар култуура үлэтигэр ситиһиилээх
кэмнэр кэлэллэр. Тиит-Арыы бөһүөлэгин кулууба 1982 сылга республикаҕа
тыа кулууптарын ортотугар социалистическай куоталаһыы кыайыылааҕы-
16*
243