Page 251 - Уйбаан Бахсылыырап. Сэрии кэмин оҕолоро - эйэлээх олох уустара

лан, үп-харчы көстүбүтүн кэннэ, уларыта тутуу дьалхаана харгыстаабыта.
Ити саҕалааһыны билигин үлэлии сылдьар дьон олоххо киллэриэхтэрин сөп
этэ. Ол чахчы үтүө дьыала буолуо дии саныыбын.
Д.Д.Бысыины оччотооҕуга “Саха Республикатын культуратын үтүөлээх
үлэһитэ” диэн аакка түһэрбиппит кыайан ааспатаҕа.
Дмитрий Дмитриевич билигин даҕаны быар куустан олорбот. Аны “2000
сылга — 2000 үтүө дьыаланы» хамсааһыҥҥа кыттан, нэһилиэгэр спортивнай
саала туттараары дьону түмэ, сүүрэ-көтө сылдьар. Сорохтор ол сэттэ уоннаах
оҕонньор төһө “сүүрэрэ-көтөрө” буолла дии саныаххыт. Дмитрий Дмитрие-
вич билигин даҕаны эдэрдии эрчимнээх. Кэпсэтэр, туруорсар тыла-өһө ылын-
нарыылаах. Онон биһиги, кинини үчүгэйдик билэр дьон, оҕонньорбут би-
лигин даҕаны туох эмэ “тыаһы” таһаарара буолуо диэн эрэнэ саныыбыт.
Василий Афанасьевич Босиков,
Саха Республикатын музыкаҕа үрдүкү оскуолатын ректора,
“Республика бүттүүнэ” хаһыат, 12.05.2000

НОРУОТ ТУҺУГАР ҮЛЭЛЭЭБИТ КИҺИ

...Д.Д.Бысыин эдэр эрдэҕиттэн тутуу диэн баран муннукка ытаабыт киһи.
Дмитрий Дмитриевич бөһүөлэк ыала элбиирин туһугар элбэх саҥа дьиэни
тутуспута, оһохторун оҥортоон биэрбитэ. Олох араастаан уларыйыытыгар,
нэһилиэктэри үөһээ-аллараа тутууга Миитэрэй Тиит Арыыттан харыс да хал-
барыйбатаҕа. Төттөрүтүн, бөһүөлэгэ улаатарыгар туруулаһан элбэх тутуулары
ыыттарбыт, ыыппыт киһинэн буолар.
Ол курдук 60-с сылларга алын сүһүөх оскуола дьиэтин ситэрэн, 1967
сыллаахха үүнэн турар маһы кэттэрэн, 1968 сыллаахха 8 кылаастаах оскуола-
ны үлэҕэ киллэрбитэ. Ол кэнниттэн паарка, уопсай дьиэ, маҕаһыын, типо-
вой хотоннор Миитэрэйэ суох тутуллубатахтара чахчы. Миитэрэй көҕүлээһи-
нинэн улууска суох үчүгэй оҥоһуулаах кулууп дьиэтэ үлэҕэ киирбитэ. Хо-
мойуохпут иннигэр ол сынньалаҥ дьиэтэ уот аһылыга буолбута. Оччолорго
даҕаны сааһыра барбыт Миитэрэй санаатын түһэрбэккэ саҥа кулуубу тутта-
рар туһугар туруорсан, бэйэтинэн сүүрэн-көтөн саҥа кулуубу үлэҕэ киллэр-
битэ. Ити курдук биһиги бары ытыктыыр кырдьаҕаспыт быйыл 72 сааһа
буолбут киһи Нерюнгри, Дьокуускай куораттарынан хастыыта да тиэстэн
сыл иһигэр бэртээхэй арочнай спортсааланы үлэҕэ киллэртэрдэ.
Д.Д.Бысыин сааһын тухары норуот туһугар үлэлээбит киһи. Онон кини
чахчы ”Норуот хаһаайыстыбатын үтүөлээх үлэһитэ” диэн үрдүк ааты ылыан
саамай сөптөөх киһи. Биһиги, кинини билэр, үгүстэр бииргэ үлэлэспит кыр-
дьаҕастар, итинник баҕа санаалаахпыт!
Агафия Ивановна Митрофанова,
Тиит Арыы,
“Мүрү саһарҕата” хаһыат, 31.07.2002

БАРЫ ТҮМСЭН ҮЛЭЛИИРБИТ

Мин 1980 сыл атырдьах ыйыттан 1983 сыл атырдьах ыйыгар диэри Тиит-
Арыы кулуубугар уус-уран салайааччынан, онтон библиотекарынан үлэлээ-
битим. Кулууп директорынан Бысыин Дмитрий Дмитриевич үлэлиирэ. Би-
һиги бу үлэлээбит кэмнэрбитигэр Тиит-Арыыбыт кулууба уонна библиоте-

247