Page 249 - Уйбаан Бахсылыырап. Сэрии кэмин оҕолоро - эйэлээх олох уустара

оҥорбута, улуус иһинээҕи быыстапкаларга кыттан дьон биһирэбилин ылбы-
та. Олохтон барыар диэри бу үлэтинэн олус үлүһүйэн, сөбүлээн дьарыктам-
мыта.
Удьуор ситимэ быстыбат

Аҕабыт ийэбитинээн Зинаида Федотовна Поповалыын 43 сыл сүрдээх
эйэлээхтик, биир санаанан олорон 8 оҕону төрөтөн-иитэн ыал оҥортообутта-
ра, 23 сиэннээхтэр, 18 хос сиэннээхтэр. Онон Бысыиннар удьуор ситимнэрэ
быстыбат.
Ийэбит барахсан дьоҥҥо олус истиҥ сыһыаннаах, ыалдьытымсах киһи
этэ. Дьиэтигэр нуучча, саха бөҕө хонор-өрүүр улахан дьиэ кэргэн хаһаайката
остуолугар аһа өрүү толору, оһоҕун үрдүгэр чэйэ куруук сылаас буолара. Бэл
биирдэ култуура үлэһиттэрэ 16 киһи буолан хонон турардаахтар.
Оҕолор үөрэхтэнэн, үлэһит буолан көмүс ньээкэ уйабытыттан арҕам-тар-
ҕам барбыппыт. Улахан убайбыт Константин Дмитриевич Мэҥэ-Хаҥалас Пав-
ловскайыгар олохсуйбута. Кэргэнэ Светлана СР доруобуйатын харыстабы-
лын туйгуна. Бухгалтер уонна врач идэлээх кыргыттардаахтар, икки сиэннээх-
тэр. Убайбыт Костя, хомойуох иһин, ыарахан ыарыыттан эдэр сааһыгар суох
буолбута.
Иккис уол Алексей Дмитриевич учуутал идэлээх, СР үөрэҕириитин туй-
гуна. Нэһилиэгэр сэттэ сыл дьаһалта баһылыгынан үлэлээбитэ, СР култуу-
ратын сайдыытыгар киллэрбит кылаатын иһин знактаах. Кэргэнэ Александ-
ра СР култууратын туйгуна. Бысыиннар улахан уоллара Ньургустаан Том-
поҕо айылҕа харыстабылын инспектора, кэргэннээх, икки оҕолоох. Үһүс уол
Дмитрий Дмитриевич Хатаска олорор, милиция туйгуна. Үс оҕолоохтор,
кыыстара Анна учуутал, кэргэннээх, үс уол оҕолоох.
Федот Дмитриевич Тулуна агро-оскуолатын директора, СР ыччакка по-
литикатын туйгуна, Макаренко кавалерын кавалера. Кэргэнэ Людмила СР
үөрэҕириитин туйгуна. Федот Бысыиннаах улахан кыыстара Маша биологи-
ческай наука кандидата, Томскай куорат университетыгар үлэлиир. Сахадаа-
налара студент, Эрхан оскуола үөрэнээччитэ. Федоттаах өссө Людмила бал-
тын үс оҕотун иитэ ылбыттара, оҕолор бары студеннар.
Балтыбыт Мария Дмитриевна биэс оҕолоох улахан дьиэ кэргэн ийэтэ.
Улахан кыыстара Акулина Чурапчыга олорор, кэргэннээх, икки оҕолоох.
Марина Кэбээйи Мастааҕар олорор, кэргэннээх, оҕолоох. Савва Үөһээ Дьааҥы
Соболооҕор олорор, кэргэннээх, оҕолоох. Айталыына Дьокуускайга олорор,
үлэлиир. Айаал дьонун кытта олорор.
Александр Дмитриевич Дьокуускайга ювелирнай комбинакка технолог-
инженеринэн үлэлиир, кэргэнэ Мира бухгалтер. Кинилэр улахан уоллара
Эдик Москваҕа финансовай институту бүтэрээри сылдьар, кэргэннээх,
оҕолоох. Максим оскуола үөрэнээччитэ.
Дария Дмитриевна Чурапчыга Сылаҥна олорор, учуутал, Президент гра-
нын хаһаайката. Кэргэнэ Николай суоппарынан үлэлиир уонна кэтэхтэн үрдүк
юридическай үөрэҕи бүтэрээри сылдьар. Уолаттара Стасик, Дима студеннар,
кыыстара Маша оскуола үөрэнээччитэ.
Роман Дмитриевич идэтинэн художник-оформителинэн үлэлиир. Кэргэ-
нэ Агафья учуутал, СР үөрэҕиоиитин туйгуна, оҕолоро иккиэн оскуолаҕа
үөрэнэллэр.
Биһиги аҕабыт Д.Д.Бысыин баай ис хоһоонноох, дьоҥҥо-сэргэҕэ холо-
бур буолар олоҕу олорбута. Оҕолоругар, сиэннэригэр атын да дьоҥҥо болҕом-
толоох буолара. Кини ыччаттарын үлэни таптыырга үөрэппитэ-такайбыта.

245