Page 285 - Уйбаан Бахсылыырап. Сэрии кэмин оҕолоро - эйэлээх олох уустара

бэлиэтэммитэ, хас да мэтээлинэн наҕараадаламмыта. Мин кинини кытта өр
сылларга бииргэ үлэлээбит дьоллоохпун.
Марфа Ильинична бочуоттаах сынньалаҥҥа тахсан баран иистэнэн дьо-
нугар-сэргэтигэр көмөлөһөр. Бэс чагданан сэлэлии үүммүт кэрэ айылҕалаах,
ыраас уулаах Хомустаахха даачаланан оҕуруот аһын үүннэрэр, сиэннэрин
үлэҕэ такайар, сынньатар. Күндү наставникпар, дьүөгэбэр кытаанах доруо-
буйаны, уһун дьоллоох олоҕу баҕарабын. Оҕолоруҥ, сиэннэрин үөрэхтэнэн
үтүө үлэһит буолан, эн бэйэҥ курдук республикаҕа, Россияҕа биллэр дьон
буоллуннар.
Матрена Николаевна Охлопкова, кооперация туйгуна,
Саха сирин хааччыйыы эйгэтин үтүөлээх үлэһитэ,
“Кооперация 40 сыла” бэлиэ кавалера, үлэ ветерана

ДУРДАЛААХ-ХАХХАЛААХ КУРДУК САНАНАБЫН

Этэҥҥэ олордоххо “сыл — хонук” дииллэринии күн-дьыл түргэнник
элэҥнээн ааһара сүрдээх. Биһиги эдэр сааспыт атыы-эргиэн түбүктээх, эп-
пиэттээх үлэтигэр ааспыта. Ол сылларга биһиги таспытыгар үтүө суобастаах,
бигэ эрэлээх наставниктар баар буоланнар, биһигини бэйэлэрин холобурда-
рынан элбэххэ үөрэппиттэрэ. Кинилэр үөрэхтэрэ, такайыылара кэлин тус
олохпутугар төһүү күүс буолбута мэлдьэҕэ суох.
Мин Суотту сельпотугар маҕаһыыҥҥа үлэлиир сылларбар, оройуон кии-
нин универмага үчүгэй үлэлээҕин туһунан элбэхтик кэпсиир, холобур онос-
тор этилэр. Ону кытары даҕаһан: “Сэбиэдиссэй Мааппыс дуо?!” — дииллэ-
рин үгүстүк истэрбит. Кэлин мин 1971 сыл Бороҕоҥҥо кийиит буолан киир-
биппэр универмакка атыылааччынан ылбыттара. Онно сэбиэдиссэйинэн саха
дьахтарыгар орто унуохтаах, хатыҥыр эрээри сэргэх сирэйдээх-харахтаах М.И.
Васильева-Мааппыс үлэлиирэ. Универмаг нэһилиэк маҕаһыынын курдук буо-
луо дуо, эргиэнэ киэҥэ, киирэр-тахсар табаара элбэҕэ үгүс буолара. Кэлиҥҥи
сылларга кэлэктииппит улаатан 15-16 киһилэнэн, “Ыччат-комсомольскай”
биригээдэтэ ааттаммыппыт.
Марфа Ильинична наһаа ирдэбиллээх салайааччы этэ. Кини хас биир-
дии атыыланар табаар табаарынай көрүҥэ сүппэтин курдук уурдарара, дьаа-
рыстатара, барыга бары бэрээдэктээх буолууну ирдиирэ. үлэһиттэргэ бары-
ларыгар тэҥник сыһыаннаһара, күннээҕи кыһалҕабытыгар сүбэ-ама биэрэр
киһибитинэн буолара.
Биһиги кэлэктииппит ыйдааҕы, кварталлааҕы, сыллааҕы былааннары хас
да сыл субуруччу толорон испиппит. Оччотооҕу ирдэбилинэн VIII — IX — X
пятилеткалары болдьохторун иннинэ толорон, социалистическай куотала-
һыыларга кыайан, “Холбос” бырабылыанньатын Бочуотунай кинигэтигэр
киллэриллибиппит. Бүтүн Россиятааҕы кооператордар куоталаһыыларыгар
кыайыылааҕынан тахсан II степеннээх дипломунан наҕараадаламмыппыт.
Ити курдук, Марфа Ильинична Васильева салайар кэлэктиибэ республика
кооператордарыгар өрүү инники күөҥҥэ сылдьар этибит. Биһиги судаарыс-
тыбаннай баайы-дуолу харыстаан, хаһан да итэҕэһи-быһаҕаһы таһаарбакка
үлэбитин чиэһинэйдик түмүктээн бочуоттаах сынньалаҥҥа тахсыбыппыт.
Үлэлиир кэмнэрбитигэр эргиэн салаатыгар хас мөлүйүөн солкуобай харчы-
ны туттарбыппыт буолуой? Ол тухары Марфа Ильинична элбэх эдэр киһини
атыы-эргиэн үлэтигэр үөрэтэн, бэйэтэ биир харчыны итэҕэстэммэккэ, маҕа-
һыынын атын үлэһиккэ чиэстээхтик туттарбыта.

281