Page 282 - Уйбаан Бахсылыырап. Сэрии кэмин оҕолоро - эйэлээх олох уустара

РСФСР потребкооперациятын боломуочунайдарын съезтэригэр. Москва, 1974 с.
Дьон сиэринэн, олохпун оҥостон, 1962 сыллаахха Владимир Васильевич
Жирковтуун ыал буолан, Оля, Лилия диэн кыргыттары, Анатолий диэн уол
оҕону төрөппүппүт. Өссө Дима диэн уолу иитэ ылбыппыт. Ол эрээри олоххо
араас буолар, кэргэмминээн 1980 сыллаахтан тус-туһунан барбыппыт. Бил-
лэн турар, бастаан олус ыарахан этэ. Билигин үс оҕом ыаллар, араас идэлээх
үлэһиттэр, миэхэ уонча сиэни бэлэхтээтилэр. Үлэбэр ситиһиилэрим, оҕоло-
рум дьон буолуулара, бу буоллаҕа дьоллортон дьол!

Үлэ ситиһиитин, үөрүүтүн туоһулара

Хайа да үлэҕэ ис сүрэхтэн ылсан үлэлиир буоллахха ситиһии баар буола-
рын, биһиги, эргиэн үлэһиттэрэ, эмиэ билбиппит. Дьиҥэр, эргиэн үлэтэ ис-
иһигэр киирдэххэ олус ыарахаттардаах, ону үлэлээбит эрэ киһи билэр. Би-
лигин сааһыран олорон санаатахха, итэҕэһи-быһаҕаһы таһаарбакка, туох да
сэмэни-суҥханы ылбакка көнөтүнэн сылдьан үлэлээбитим олус да үчүгэй
эбит. Үлэм ситиһиитин, үөрүүтүн туоһулара элбэх грамоталар, махтал су-
руктар кичэллээхтик харалла сыталлар. Бу — мин олоҕум, үлэм кэрэһиттэрэ.
Эргиэн үлэтигэр бастакы улахан наҕараадабын, комсомол уобаластааҕы
КК грамотатын, 1958 сыллаахха ылбытым буолар. Бу грамотам миэхэ, саҥа
үлэлээн эрэр киһиэхэ, үлэбэр улахан төһүү күүс буолбута саарбаҕа суох. Кэ-
лин үлэм үтүө түмүгэ Уус-Алдан райпотун грамотатынан 7 төгүл, “Холбос”
бырабылыанньатын грамотатынан 9 төгүл бэлиэтэммитэ. Онтон 1972 сыл —
“Холбос” потребкооперациятын туйгуна” ааты иҥэрбиттэрэАКоммунисти-
ческай үлэ ударнига” ааты 1974-1980 сылларга, тохсус уонна онус пятилетка-
лар кыайыылаахтара ааты 1976 уонна 1981 сылларга чиэстээхтик сүкпүтүм.
Түөрт төгүл “Социалистическай куоталаһыы кыайыылааҕа” знагынан наҕа-
раадаламмытым. Үчүгэй үлэбинэн 1978 сыл “Холбос” бырабылыанньатын
Бочуотун кинигэтигэр киллэриллибитим, эмиэ бу сыл ССРС потребкоопе-
рациятын Бочуотунай дипломунан наҕараадаламмытым. “Холбос” потреб-
кооперациятын XIX съеһигэр делегатынан талыллан 4 сыл устата “Холбос”
Сэбиэтин чилиэнинэн үлэлээбитим. «В.И.Ленин төрөөбүтэ 100 сылын бэли-
этээн. Үлэҕэ килбиэнин иһин” мэтээлинэн наҕараадаламмытым. Сэрии са-
ҕанааҕы оҕо сааһым үлэтэ эмиэ сыаналанан, “Аҕа дойдуну көмүскүүр Улуу

278