Page 283 - Уйбаан Бахсылыырап. Сэрии кэмин оҕолоро - эйэлээх олох уустара

сэрии 1941-1945 сс. килбиэннээх үлэтин иһин” мэтээлинэн наҕараадалам-
мытым. Онтон 1984 сыл “Үлэ ветерана” мэтээли түөспэр чиэстээхтик аннь-
ыммытым. Эргиэҥҥэ өр сыллардаах үлэм “Потребкооперацияҕа 30 сыл үтүө
суобастаах үлэтин иһин” знагынан бэлиэтэммитэ. Маны тэҥэ Улуу Кыайыы
үбүлүөйдээх сылларын мэтээллэринэн наҕараадаламмытым.
Үлэлээбит тэрилтэм өр сыллаах бастыҥ үлэбин сыаналаан, кырдьар саа-
һыгар сынньалаҥнык олордун диэн толору хааччыллыылаах, икки хостоох
квартира биэрэн, билигин туох да кыһалҕата суох олоробун. Ол иһин тэрил-
тэбэр, бииргэ үлэлээбит кэлэктииппэр махталым муҥура суох!
Саҥа үйэ дьоно биһиги үлэбитин салҕаан, дөксө сайдан-үүнэн чэгиэн-
чэбдик сырыттыннар, уйгулаах олохтоох буоллуннар! Дьоллоох-соргулаах
буолуҥ диэн ийэлии аман алгыспын тиэрдэбин!
Марфа Ильинична Васильева,
потребкооперация туйгуна

Дьэ, бу курдук өр сылларга биир тэрилтэҕэ утуө суобастаахтык улэлээһин
суола-ииһэ суох хаалбат. Марфа Ильинична кооперацияҕа үлэлээбит сылларыгар
бэйэтэ да ахтыбытын курдук “эн-мин” дэһэн үлэлээбит доҕоро-атаһа элбэх
этэ. Олох суруллубатах сокуона кытаанах, ол иһин ити “этэ” диибит... Ол
эрээри Марфа Ильиничнаны кытта бииргэ улэлээбит, ол күүрээннээх куннэри
өйдуу-саныы сылдьар дьон билигин да бааллар. Кинилэр биир идэлээхтэрин, са-
лайааччыларын туһунан истиҥ тыллаах суруктарын ааҕыаҕын.

КИНИНИ КЫТТА БИИРГЭ ҮЛЭЛЭЭБИТ ДЬОЛЛООХПУН
Төһө да сэрии кэнниттэн төрөөбүт оҕо буолларбын, олох сэрии кэннит-
тэн тута тупсубатаҕын, ас-таҥас дэлэйэн барбатаҕын эппинэн-хааммынан
билэн улааппытым. Биһиги ийэбит 1934 сыллаахха комсомол путевкатынан
Алдаҥҥа шахтаҕа үлэлии сылдьыбыт. Аҕабыт эрдэ өлөн ийэбит барахсан уу
кырбас биэс оҕотунаан тулаайах хаалбыта. Убайбыт оҕо эрдэҕиттэн ыарыһах
буолан үксүн эмкэ сылдьара. Онон дьиэ иһигэр улаханнара мин курдук буо-
ламмын, ийэбэр эрдэттэн көмөлөспүтүм. Ийэм барахсан биһигини иитээри
эр киһи курдук үлэлээхтиирэ.
Билигин хаһыаттарга, сэрии сылларын оҕолорун аатын 1950 сылга
төрөөбүттэри кытта киллэриэххэ дииллэр. Итиннэ мин санаам атын! Сэрии
бүппүтүн кэннэ да холкуостаахтар үбү-харчыны көрбөт этилэр, үгүс ыал
элбэх оҕолооҕо, кыаммат кыһалҕалаах этэ. Онно эбии тыа сиригэр кураан
күннэр-дьыллар суксуруһан ааһаннар олох олус ыарахана. Онон итинник
аат-суол 1955 сылга диэри төрөөбүттэргэ киирэрэ сөп этэ диэн санаалаах-
пын.
Эрдэ ахтыбытым курдук, тулаайах үөскээммит адьас эрдэттэн үлэһит
буолбутум. Ол курдук үлэбин эргиэн тэрилтэтигэр 1964 сылтан үөрэнээччи-
поварынан саҕалаабытым. Аҕыйах сыл үлэлээн баран оройуон киинин уни-
вермагар (кэлин “Березка” маҕаһыын) үөрэнээччи-атыылааччынан үлэлээ-
битим. Ити сыллартан ыла 40 сыл усталаах-туоратыгар эргиэн тэрилтэтин
үлэтиттэн арахсыбатаҕым. Мин үөрэнээччи-атыылааччынан үлэбин саҕалы-
ырбар наставник-атыылааччыларынан Е.С.Гоголева, М.И.Васильева, А.П.Е-
горова, М.Е. Александрова үлэлииллэрэ.
Марфа Ильинична Васильева 1961-1981 сылларга, биир сыл тохтобула

279