Page 280 - Уйбаан Бахсылыырап. Сэрии кэмин оҕолоро - эйэлээх олох уустара

Ийэбитин, эбэбитин кытта.
1960 с.

абыраабыта. Ол быыкайкаан хамнас-
пар хара килиэп уонна мас арыыта
атыылаһан, килиэби онно оймоон
оҕолорбун аһатабын.
Онтон 1957-1960 сс. диэри Мүрү
сельпотун арҕаа маҕаһыыныгар (би-
лиҥитэ “Айхал” маҕаһыын) икки оһо-
ҕу бэйэм оттон (остуорас диэн суоҕа)
үлэлээбитим. Маҕаһыыным дьиэтэ
тымныыта бэрт буолан баата таҥаһы-
нан холуоһа, үтүлүк тиктэн, ол таҥа-
старбын кэтэн туран үлэлиирим. Бу
сылларга арыый хамнастанан, дьэ те-
логрейка, хаатыҥка таҥастары аан-
бастаан таҥныбытым. Хаатыҥка ба-
рахсан бу сылааһын, үчүгэйин!
Олох сыыйа көнөн, 1960 сыллаах-
ха саҥа промтоварнай маҕаһыын үлэҕэ киирбитэ. Бу маҕаһыыҥҥа маҥнай
сэбиэдиссэйинэн Черноградскай Николай Алексеевич үлэлээбитэ. Маҕаһыын
улахан буолан, алта киһилээх (ис-тас үлэһитгэри) биригээдэҕэ миигин эмиэ
ылан үлэлэппиттэрэ. Николай Алексеевич биир сыл буолан баран, атын хай-
ысхаҕа үөрэнэ барбыта, сэбиэдиссэйинэн миигин анаабыттара. Ити кэмтэн
1961 — 1981 сыллар усталарыгар сүүрбэ төгүрүк сыл универмакка сэбиэдиссэй-
инэн уонна атыылааччынан үлэлээбитим. Биһиги маҕаһыыммыт кэлэктиибэ
1966 сылтан “Коммунистическай үлэ биригээдэтэ” аатын ылбыта. Оччолорго
бу улахан чиэс-бочуот, үлэҕэ инники күөҥҥэ сылдьыы этэ. Сыл ахсын бу
ааппытын чиэстээхтик көмүскүүр иһин бары да дьиҥ-чахчы дьулуһан үлэли-
ирбит. Биригээдэбит 13 киһиэхэ тиийэ үүммүтэ, кэлэктииппитигэр 9 киһи
“Коммунистическай үлэ ударнига” ааты ылбыта, 4 үлэһит “Эргиэн туйгуна”
буолбута. Кэлэктииппитигэр 3 киһи коммунистическай партия чилиэннэрэ
этибит. Биһиги биригээдэбит VI—X пятилеткаларга бэриллибит сорудахтары
өрүү толороро уонна аһара толороро.
Кэлэктииппитигэр өр сьшларга эргиэҥҥэ үлэлээбит “Центросоюз” 6 съе-
һин делегата Егорова Акулина Прокопьевна, биһигини, эдэрдэри, бэйэтин
курдук чиэһинэй үлэһит буоларбытыгар элбэххэ уһуйбута. Биһиги социали-
стическай куоталаһыыга куруук бастыырбыт, иннибитин кимиэхэ да биэр-
бэтэхпит. Иллээх-эйэлээх кэлэктииппитигэр 18 ыччаты эргиэн мындыр идэ-
тигэр үөрэппиппит. Бу ыччаттартан сорохторо эргиэн үлэтигэр сыстан олох-
торун анаабыттара, атыттар үөрэхтэрин үрдэтинэн араас идэни ылан үлэ-
лии-хамсыы сылдьаллар.
Онон мин эргиэҥҥэ үлэлээбит устабар дьон-сэргэ олоҕун уйгута тупса-
рын туһугар чиэстээхтик үлэлээн, бочуоттаах сынньалаҥҥа тахсыбытым. Ол
эрээри пенсияҕа да таҕыстарбын өссө биэс сыл бородуукта маҕаһыыныгар
атыылааччынан үлэлээбитим. Олоҕум 36 сылын эргиэн үлэтигэр анаабытым,
үлэлээбит сылларым устата биирдэ даҕаны үп-харчы итэҕэстээһинин таһаар-
батаҕым. Чиэһинэйдик, көнөтүнэн сылдьан үлэлээбит буоламмын, кэнни-
бэр туох да санаата-оноото, кыбыстыыта суох сынньалаҥнык олоробун.

276