Page 281 - Уйбаан Бахсылыырап. Сэрии кэмин оҕолоро - эйэлээх олох уустара

Үтүө дьоннуун үлэлээбит үөрүүлээхпин

Эргиэн үлэтигэр аан бастаан үктэнэрбэр райсоюз председателинэн Атла-
сов Прокопий Петрович, сельпо председателинэн Бурнашев Василий Нико-
лаевич үлэлииллэрэ. Кинилэри тэҥэ райсоюз уонна сельпо председателлэ-
ринэн уонна солбуйар председателлэринэн Ефимов Степан Петрович, Коло-
дезников Василий Н., Иванов Петр Николаевич, Готовцева Евдокия Нико-
лаевна, Бурцев Петр Васильевич, кэлин Сыроватскай Серафим Николаевич,
Ефимов Петр Алексеевич уо.д.а. үлэлээбиттэрэ. Бу дьон бары даҕаны үлэлэ-
ригэр олус бэриниилээх уонна ирдэбиллээх салайааччылар этэ.
Бастакы үлэлиир сылларбар таһаҕаһы маҕаһыыннарга ат көлөнөн аҕалал-
лара, оттон остолобуойга кугас дьүһүннээх кырдьаҕас оҕустаах этилэр. Уула-
рын, уокка оттор мастарын барытын ол оҕуһунан тиэнэллэрэ. Маҕаһыын-
нарга билиҥҥи курдук оробуочай диэн көрүллүбэт этэ, маҕаһыын иһигэр
барытын бэйэбит сүгэн-көтөҕөн киллэрэрбит. Сүүрбэһис үйэ 70-с сылларыт-
тан саҕалаан техника дьэ баар буолбута, Суоттуга эргиэн базата аһыллан
үлэ-хамнас сэргэхсийбитэ. Үлэҕэ саҥа ньымалар киирбиттэрэ, специалис-
тары үөрэтии күүскэ барбыта. Ол курдук биһиги райпобутуттан элбэх киһи
Дьокуускайга кооперативнай техникумҥа кэтэхтэн үөрэммитэ. Мин эмиэ бу
техникумҥа үөрэнэн, 1976 сыллаахха товаровед идэтин ылбытым.
Аҕыс уонус сылларга “Холбос” товароведтарын кытта Россия элбэх яр-
маркаларыгар араас куораттарынан сылдьан сайаапкалары, дуогабардары
түһэрсэн норуот туттар табаарын уонна бородууктаны атыылаһарбыт. М и н
Москва, Иванова, Новосибирскай, Улан-Удэ куораттарга сылдьыспытым.
Почта өҥөтүнэн баһыылканан кэлэр табаардарга: кыһыл көмүс оҥоһуктары,
галантерийнай табаардары барытын бэйэбит тутан-хабан көрөн олорон оҥор-
сорбут. Бэйэбит национальнай ирдэбилбитин учуоттаан сайаапка оҥорор
этибит. Ол иһин табаарбыт атыыга барымтыа буолара. Оччолорго кыһыл
көмүс сыаната 1 грамын 11 солкуобай 50 харчы этэ.
Мин “Холбос” респотребсоюз Сэбиэтин чилиэнинэн 4 сыл сылдьыбы-
тым. Үчүгэй үлэбин сыаналаан, 1974 сыллаахха РСФСР потребкооперация-
тын 6-с съеһигэр делегатынан талыллан, Москваҕа улахан мунньахха сылдь-
ар чиэскэ тиксибитим. Онно сылдьан РСФСР потребкооперациятын пред-
седателэ Денисовка киирэн тутууга уонна транспорт боппуруоһугар көрдөһүү
оҥорон, хас да ГАЗ-53 массыынаны - “автолавкалары” кэпсэтэн ылбыппыт.
Владивосток куоракка тиийэммин 1,5 ый устата маҕаһыын директордарын
курсугар үөрэнэн кэлбитим. Кэлин райпо кадрга солбуйар председателинэн
талыллан, түөрт сыл үлэлээн баран пенсияҕа тахсыбытым.
Билигин биһиги ииппит, үлэҕэ уһуйбут оҕолорбут, биһигини солбуйан
чиэстээхтик үлэлии-хамсыы сылдьалларыттан үөрэбит, долгуйабыт. Миигин
солбуйан хаалбыт кыыһым, Охлопкова Матрена Николаевна, РСФСР по-
требкооперациятын 7-с съеһигэр баран кэлбитэ. Матрена Николаевна өссө
“Норуот хаһаайыстыбатын үтүөлээх үлэһитэ” ааты ылбыта. Онон биһиги
райсоюзтан, биир маҕаһыынтан съезд 3 делегата талыллыбыта бүтүн Россия
кооперациятын үрдүнэн суоҕа буолуо. Аны 9 пятилетка түмүгүнэн 1-кы ми-
эстэни ылан биһиги маҕаһыыммыт кэлэктиибэ 2-с степеннээх дипломунан
наҕараадаламмыта. Дьэ, бу барыта кырдьык сыралаах, сындалҕаннаах үлэ
түмүгэ этэ. Бу үлэҕэ салайааччылартан саҕалаан, аттыбар сылдьан сүгэн-
көтөҕөн, дьыл хайа да кэмнэригэр күнүстэри-түүннэри араастаан айаннаан
бииргэ үлэлэспит кэрэ дьоннорбун истиҥник саныыбын. Үтүө дьоннуун би-
иргэ үлэлээбиппинэн киэн туттабын.
277