Page 294 - Уйбаан Бахсылыырап. Сэрии кэмин оҕолоро - эйэлээх олох уустара

ҮЛ ЭМ , ОЛОҔУМ ТӨҺҮҮ КИҺИТЭ

Хойутаан да буоллар, 1965 сыл
сааһыгар Байаҕантайтан Бысыин-
нар диэн ыаллар бииргэ төрөөбүт
балыстарын Екатерина Дмитриев-
наны кэргэн ылан, дойдубар Найа-
хыга көһөрөн аҕалбытым. Кэргэним
Катя, эмиэ сэрии кэмин оҕото буо-
лан эрэйи-кыһалҕаны билэн улаап-
пыт киһи. Оччотооҕу аас-туор олох
охсуутуттан ситэ үөрэммэккэ туох
да идэни ылбатах. Онон Найахыга
кэлэн баран быстах-быстах үлэлэр-
гэ сылдьыбыта. Сэбиэккэ сэкирэ-
тээринэн, бухгалтерынан, үүт со-
буотугар лаборанынан, Тулунаҕа ма-
шинистканан үлэлээбитэ. Катям миэхэ уоллаах кыыс оҕону бэлэхтээбит саа-
май күндү киһим. Аны өр сыллаах үлэм тахсыылаах буоларыгар төһүү буол-
бут сүҥкэн үтүөлээх. Тулунаҕа үлэлиир сылларбар саһылларга племенной
карточкалары оҥорон көмөлөһөрө.
Катям өйүүр уонна көҕүлүүр буолан Москванан, Риганан, Читанан, Ле-
нинградынан, Хакасиянан племенной саһыллары, кырсалары аҕалыыга, та-
лыыга туох да кыһалҕата, эрэйэ суох сылдьыбытым. Онтон Партизан Забо-
лоцкай сопхуоска үлэлии сылдьан уонтан тахсата Иркутскайга Саха сирин
түүлээҕин тириитин туттарса бара сылдьыбытым. Онно бэйэбит ииппит
кыылларбыт тириитэ госстандартка сөп түбэһэрэ, сороҕор сыанатыгар ба-
рыстаах да кэлэр этим. Бу сырыыларбар хастыы эмэ хонукка Катям кыра
оҕолорунаан бэйэтэ эрэ хаалан дьиэтин-уотун, сүөһүтүн-аһын көрөн олорор
буолара.
Уолбут Ваня оскуоланы бүтэриэҕиттэн бэйэбин кытта кыыл иитиитигэр
үлэлээбитинэн барбыта. Кини 2003 сылтан “Кылаан" бааһынай хаһаайыс-
тыбаны салайан, үөһэ ахтыллыбытын курдук, 2005 сылтан нуорканы иитии-
нэн дьарыгырар. Үчүгэй көрдөрүүлээх үлэтинэн, республикаҕа икки төгүл
харчынан номинацияҕа тиксибитэ, 1-кы степеннээх дипломнарынан наҕараа-
даламмыта. Онтон 2002 сыллаах тыа хаһаайыстыбатын быыстапкатын дьаар-
баҥкатыгар 2 кыһыл көмүс мэтээлгэ, дипломнарга тиксибитэ. Бу эдэр киһи
үлэтин үрдүк ситиһиилэринэн буолар. Ваня кэргэнинээн Лия Николаевна-
лыын үс оҕолоохтор, икки сиэннээхтэр. Кыыспыт Катя үрдүк үөрэхтээх пе-
дагог, төрөөбүт Найахытын оскуолатыгар сүүрбэччэ сыл учууталынан үлэлэ-
этэ. Катя кэргэнинээн Николай Николаевич Ксенофонтовтыын икки уол
оҕолоохтор.
Екатерина Дмитриевна эдэр эрдэҕиттэн дьиэҕэ быар куустан олорботох
киһи. Кини араас темаларга хаһыаттартан кырыйан папкалары оҥостор, ол
быыһыгар уруучукалары, значоктары, кыптыыйдары, испиискэ ойуутун, о.д.а.
мунньар коллекционер киһи. Аны дьахтар, ийэ киһи быһыытынан кыралаан
иистэнэр, кылтан, сиэлтэн араас оҥоһуктары да оҥорор.
Олоҕум аргыһа Екатерина Дмитриевна, миэхэ эрэ буолбакка, биһиги дьиэ
кэргэҥҥэ үлэбит, олохпут биир саамай баар суох тутаах киһитэ диэн киэн
тутта кэпсииргэ толору бырааптаах киһибитинэн буолар.

290