Page 30 - Уйбаан Бахсылыырап. Сэрии кэмин оҕолоро - эйэлээх олох уустара

элбэх сыра-сылба барарын үлэлээн көрбүт эрэ киһи билэн эрдэҕэ. Бүөтүр
ыччат сүөһүнү тыыннаах эрэ сыл таһаарар туһугар үлэлээбэтэх киһи. Кини
көрбүт ыччат сүөһүтэ өрүү эбии ыйааһыннаах, төлөһүйбүт буолар этилэр.
Ол да иһин Бүөтүр Бөтүрүөбүс “Лена”, “Сардаҥа” уонна “Курбуһах” сопху-
остар элбэх Бочуотунай грамоталарын, Махтал суруктарын хас да пятилетка
устата ылбыта.
П.П.Бурнашеву холкуос, сопхуос үлэтигэр күүһүн-күдэҕин харыстаабак-
ка, сааһын аахсыбакка үлэлээбит, Курбуһах нэһилиэгин биир бастыҥ туруу
үлэһитинэн ааҕабын. Нэһилиэк олохтоохторо бары даҕаны, кинини итин-
ник саныылларыгар бигэ эрэллээхпин. Өссө эбэн эттэхпинэ, урукку былаас
саҕана, П.П.Бурнашев үлэтэ ситэ сыаналамматаҕа диэн хомолто санаалаах-
пын. Кини курдук үлэлэригэр бэриниилээх, чулуу дьон кэккэлэригэр Бүөтүр
Бөтүрүөбүс толору киирэр бырааптаах этэ.
Мин П.П.Бурнашев курдук үлэһит, боростуой киһини кытта бииргэ үлэ-
лээбиппинэн киэн туттабын! Тыа хаһаайыстыбатын үлэтигэр, муҥ саатар
нэһилиэк иһигэр П.П.Бурнашев аатынан биир эмэ номинация баара буоллар
дуу дии саныыбын.
Бүөтүр Бөтүрүөбүс курдук үлэһит дьон аатын үйэтитии, биһиги бииргэ
үлэлээбит дьон уонна оҕолоро ытык иэспит буолар. Онон, П.П.Бурнашев
олоҕун лоскуйдара кинигэҕэ киирэн үйэтийэрин олус биһирии, махтана иһит-
тим!
Баһылай Бөтүрүөбүс Костромин,
Курбуһах отделениетын биригэдьиирэ

БИҺИГИНИ КЫТТА БААР КУРДУК

Мин оҕо эрдэхпиттэн Бурнашев Петр Петровиһы-Бүөчүкэни олус убаас-
таан-ытыктаан улааппытым. Кини мин ийэбинээн оҕо сааһа бииргэ ааспы-
тын, ол ааспыт ыарахан кэмнэр уратыларын киһи сэҥээрэр гына сэһэргии-
рэ. Ийэбинээн иккиэн кыра эрдэхтэриттэн хара үлэҕэ эриллэн, үрүҥ харах-
тарын өрө көрбөккө үөрэхтэн маппыттарын хомолтолоохтук ахталлара.
Бүөтүр үлэһит буолан бииргэ төрөөбүт бырааттарын үөрэттэрбитэ. Ол
туһунан бэйэтиттэн буолбакка, бырааттарыттан элбэхтэ истибитим. Бүөчүкэ
Маайатынаан айылҕа анаан айбытын курдук олох биир дьон этилэр. Дьон-
нор бу ыалы ис-истэриттэн сөбүлээн үгүстүк сылдьаллара. Ыалдьыттарынаан
үөрэ-көтө кэпсэтэн санааларын атастаһалларын олус астыналлара. Мин ыал
буолан баран киниттэн үөрэнэн ат көлөнү туппутум. Ат көлө кыһыннары-
сайыннары хаһаайыстыбаҕа наһаа туһалааҕын билэн билиҥҥээҥҥэ диэри
тутта сылдьабын. Бүөтүртэн ат көлөҕө сыһыан туһунан элбэх сүбэни ылбы-
тым миэхэ эрэ буолбакка, эдэр көлүөнэ дьоҥҥо ситимнэнэн баран иһэр.
Бүөтүргэ сыстан, хас да сайын бииргэ оттообуппут. Миэхэ аҕа табаары-
һым майгыта ордук сөбүлэтэрэ. Олох эндирдэрэ миккийбит дьоно кинини
эдэрдиин кырдьаҕастыын эрэллээх эркин курдук саныыллара, киниттэн
өйөбүл ылаллара.
Бүөтүр Бөтүрүөбүс Бурунаһыап уһун сылларга колхуоска, сопхуоска су-
бай сүөһүнү көрүүгэ үлэлээбитэ. Бастыҥ төлөһүтээччи буолан хайҕанан үгүстүк
хаһыаттарга тахсара, атын үлэһиттэргэ холобур буолара. Ити сыралаах үлэ-
тин быыһыгар бөһүөлэк арҕаа ыалларыгар биир-биэс харчыта суох ойбонно-
рун ойбоннообута. Аны санаатахха улаханнык атаҕастаабыт эбиппит. Арай
билигин аһаан-сиэн олорор күөлбүтүн “Бүөчүкэ күөлэ” диэн ааттаабыттара
махталбыт бэлиэтэ буоллаҕа буолуо.

26