Page 34 - Уйбаан Бахсылыырап. Сэрии кэмин оҕолоро - эйэлээх олох уустара

Кэлин кэргэн тахсан туспа биригээдэҕэ көспүтэ. Маайа элбэх оҕо ийэтэ,
эбэтэ, хос эбэ буолбута. Кэлин манна Уус Күөлүгэр көһөн кэлэммит чугас-
чугас ыаллыы олорбуппут. Маайалаах Бүөтүр наһаа иллээх-эйэлээх этилэр,
оннооҕор сөтүөлүү барарбытыгар Бүөтүрүттэн көҥүллэтэр этэ.
Билигин Маайа биһиги ортобутугар төһө да суоҕун иһин, дьүөгэлэрэ
умнубаппыт. Маайа ситэ олорботох олоҕун оҕолоро, сиэннэрэ ситэриэхтэрэ
диэн эрэнэбин!
Клара Никитична Аммосова, Уус Күөлэ

КЭРЭ КИҺИНЭН ӨЙДҮҮБҮН
Курбуһах орто оскуолатыгар үлэлии сылдьан 1975 с. Уус-Күөлүгэр саҥа
дьааһыла-сад аһыллыбытыгар сэбиэдиссэйинэн ананан үлэлии киирбитим.
Дьааһыла-сад дьиэтэ саҥа тутуллан бүтэн, тутуу иһинээҕи бөҕө-саҕа хомул-
лубакка түөрт истиэнэнэн көрөн турара. Ити бөҕү-сыыһы хомуйууга: Ушниц-
кая Дария Гаврильевна, Местникова Зинаида Васильевна, Бурнашева Мария
Афанасьевна, Ермолаева Парасковья уонна Сысоева Евдокия үлэлии-хам-
сыы сылдьаллара. Сыыйа үлэһиттэр бары кэлэннэр, дьааһыла-сад дьиэтин
түргэнник хомуйан дьиэни, үлэлииргэ сөптөөх гына ситэрэн-хоторон бар-
быппыт.
Ити кэмтэн ыла мин Мария Афанасьевналыын үс сыл устата бииргэ
үлэлээбитим. Мария киһи быһыытынан олус сымнаҕас, үлэтигэр бэриниилээх,
ханнык да үлэттэн аккаастанар диэни билбэккэ тэрилтэ дьонун кытта үлэлэ-
һэн иһэрэ. Оччолорго сопхуоска олус элбэх субуотунньуктар буолаллара. Онно
биһиги тэрилтэ үлэһиттэрэ эбээһинэс курдук хайаан да тахсарбыт. Онноо-
ҕор уоппускабыт кэмигэр уоннуу хонукка фермаҕа ыанньыксыттата ыытал-
лара. Итинник да үлэлэртэн Мария Афанасьевна аккаастаммат буолара. Дьи-
этигэр кыра оҕолорун эдьиийдэрин көрүүтүгэр хааллартаан баран, сайылык-
ка ынах ыаһа барара. Кини ол курдук тэрилтэтин үлэтин куруук инники
күөҥҥэ тутара.
М.А.Бурнашева дьааһыла-садка түүҥҥү ньээҥкэнэн үлэлээбитэ. Оҕолорго
олус сымнаҕас майгылааҕа, ол да буоллар, тылын куруук иһитиннэрэр этэ.
Кырачааннар кинини таптаан “Тетя Мария” диэн ааттыыллара, кини хонор
түүнүн кэтэһэллэрэ. Мария киэһээ 8 чааска кэлэн үлэтин тутара. Оҕолор
утуйуохтарын иннинэ чаас аҥаара кинилэргэ остуоруйа кэпсиирэ, эбэтэр
олордон эрэ чуумпу оонньууну оонньоторо. Ити кэнниттэн оҕолору сыыйа
утуйарга бэлэмнээн 9 чааска сытыартаан, дьааһыла-сад иһэ уу чуумпу буолара.
Онон Мария Афанасьевна, биир өттүнэн, иитээччи оруолун эмиэ толороро.
Ити сылларга иитиллибит оҕолор улаатан, бэйэлэрэ ийэ-аҕа да буолан ба-
ран, Мария Афанасьевнаны олус истиҥник, сылаастык ахталлар. Итинник
сылаас иэйиилээх наҕарааданы үлэһит эрэ барыта ылбат.
Онон Мария Афанасьевнаны кытта бииргэ аҕыйах сыл да үлэлээтэрбин,
кинини олус сэмэй, сымнаҕас, үлэтигэр бэриниилээх кэрэ киһинэн өйдүүбүн!

Роза Петровна Аммосова, дьааһыла-сад урукку сэбиэдиссэйэ

СҮБЭТИН АЛГЫС КУРДУК САНЫЫБЫН
Маайа!.. Ханнык Маайа?.. Бүөчүкэ Маайата... Ээ, билэн-билэн — диэҕэ
Курбуһах нэһилиэгин хас биирдии саастаах олохтооҕо. Ол курдук П.П.Бур-
30